神秘組織之共濟會 上

還記得之前介紹的方濟會?...別混淆,今集講的是共濟會.
如果要真正講神秘組織,相信排頭位,非共濟會莫屬.
而且共濟會實在有太多野可以講,我呢D識少少扮唔到代表.
唯有將從書中所知所理解的,講俾大家聽,但如果當中有任何偏差請見諒,有問題可以自己google,有好多資料.
共濟會是近代最神秘,最具勢力的組織,一直有不少可怕的傳聞,例如所進行的儀式或活動,名人財力等等.
表面睇落,呢個似乎係一個宗教.但偏偏佢又強調會員有宗教自由.
無錯,共濟會一開始成立,其實是個工會!
由一班歐洲,北非,中東的工匠或石匠,組成的團體,繼而發展成兄弟幫,保障行業的權益.
雖然叫做工匠或石匠(mansons),但他們的身份,其實即是今時今日的工程師,劃則師,測量師等等,並非建屋工人.
此外,共濟會聲稱要「重建所羅門時期的耶和華聖殿」,但真正陰謀,是統治世界,控制各國政治,建立新秩序的世界.
於是,現今共濟會成員,更包括了政要,高官,貴族和有錢人.
自自然然,在香港成立分館一百五十幾年,香港不少名人都有入會.
外國有英國首相邱吉爾,美國總統羅斯福,和路迪士尼.
香港出名的則有前首席大法官楊鐵樑,希慎集團主席利銘澤.
另外,維基就話莫扎特,貝多芬,愛因斯坦,馬克吐溫,都係會員喎,呢層就唔知真定假喇,不過就算係真,都唔出奇丫.
好啦,你話上流人士,要加入不同clubs做會員,並不出奇.
但共濟會令外界恐懼的是,入會的儀式.
我就簡略講幾點,其餘就睇以下片段啦.
話說共濟會一直都只接受男性會員,要有推介人方可申請.
人會者先被蒙眼,他的頸會被圈上吊繩,露出上身,一邊褲腳摺起.
之後他被帶到密室,裡頭有個祭壇式的講台,地上有一個黑色的大棺材圖案(棺材內還有人骨圖案).
跟住他的一隻腳蹲在地上,右手拿著聖經,左手拿著圓規,並將圓規兩頭鋒利的針指住自己的心臟位置.
高層人士便會帶領他向天發毒誓,其後再把長劍放在他的膊頭上.
最後,成員扶人會者躺在地上的棺材圖案上面,象徵其舊的生命死去,正式成為共濟會的新人.
係咪幾恐怖呢?哈哈...的確幾神秘.
講起香港的共濟會,不得不提香港的雍仁會館.
我未見過呢個共濟會會所,但其實有幾次經過,自己竟然唔察覺.
最有機會經過,就是搭103號過海巴士,或者在金鐘搭巴士,去香港大學.
講你都唔信,位置就係經過香港公園,由紅棉路上斜,右轉入堅尼地道,呢一個point.
巴士準備轉右之際,雍仁會館就正正在巴士的左邊.
哈哈.原來係咁.所以,得閒去開香港大學,記得留意一下.
其實無人知道會館裡頭發生什麼事,因為睇佢個網頁,都無活動既,參觀都只係開放俾外國人,可能要係會員添.
至於真正令我震驚共濟會的威力,留待下集續談.
(上述資料,參照雲海所著,《尋找保護約櫃聖團 神秘組織之謎》.)
香港共濟會總部雍仁會館 Zetland Hall
共濟會雍仁會館