5~6/8 港股暗湧處處

2020/08/05 19:07:30 網誌分類: 經濟
05 Aug

5/8 周三恒指收25102, 升156點, 兩連升獲利沽壓大增

昨日說過按照慣性走勢周三四五不會全升, 所以估計今天沽壓加劇或會收跌, 結果今日收升, 既然今日收升, 那麼明天收跌機會大增, 可能大鱷明天仍想伸多一腳上去才落山, 所以今日夾硬推高QQ來撐市,

港股連升兩天, 收升周多數會在周四或五創新高, 預示明日會升穿今日高位25167, 不過本周恒指波幅已進入達標範圍, 已夠水位俾好友轉身, 亦已升抵反彈目標25150, 代表大市隨時會轉勢向下,

周五是立秋, 轉節氣預示有大變, 按照大鱷不愛走單邊的習性, 周一見短底屠牛後就急彈, 上山殺熊後就會再落山屠牛, 好淡通殺

假如24250是本周底, 以一般周波幅900~1300點計, 就要見25150, 不過20天線約在25100阻力大, 如果向上做唔夠周波幅, 就要落山來擴大周波幅,

假如24250並非周底, 多數會在周四或五破底創新低, 由於上周恒指罕有地做細波幅670點, 本周理應做大波幅, 否則大鱷食唔飽

周玩左3日, 2升1跌, 仲有2個交易日, 按照慣性走勢未來2日(周四五)不會全升, 隨時會見頂回落,

每周升跌日數通常係升2~3天, 市強升3天, 市弱升2天, 如今已升了2天, 25200樓上熊唔夠肥, 相反, 小牛已大幅上移至24750水平, 24300樓下有肥牛

25000係好淡角力關鍵位, 今日上企隨即引來獲利沽壓, 指標股表現欠佳, 今日老外沽A股, 內銀內險A走弱, 拖累相關H股全面逆市下跌, 權重股表現具啟示作用,會率先早於大市見頂,代表港股已升到水尾

人幣強通常內地金融股亦走強, 但今日卻走弱, 極為反常, 代表大市有暗湧, 大媽亦走貨, 一眾指標股都出現利淡訊號, 人民幣強爆急升290點子, 收6.9530, 利好, 但國指卻跑輸恒指, 唔係好現象, 代表大鱷正在出貨,

上証連升4天, 但今日成交已縮減, 上証通常升3~4天就回落, 港股連升2天, 明日中港股市仍會有沽壓, 隨時會回吐, 市強即市調整或小幅收跌, 市弱會跌超過200點, 中港股市通常係同步見頂, 留意上証會否於3390打回頭, 當QQ/上証見頂, 港股亦會見頂

向下支持:

10及50天線在24700~24800, 上周五收24595, 前底在24250(肥牛區)

向上阻力:

25100(20天線), 25300~23500

~~~~~~~~~~~~~~~~~~~~~~~~~~~~~~~~~~~

25000好淡分界線

美中官員據報8月15日會議將審查兩國首階段貿易協議執行情況

7月份恒指先高後低, 走勢差劣, 7月尾落到月內低位, 其後在24500穿梭, 主因係本港疫情惡化+中美交惡+新八國聯軍圍堵中港+黑暴禍港, 商鋪紛紛結業, 旺鋪大幅減租亦乏人問津, 經濟衰退, 百業蕭條, 資金撤出舊經濟股轉投新經濟股, 銀行地產股捱沽拖低指數, 由於美股納指牛氣沖天, 刺激資金流入本港的新經濟股, 但成份股當中舊經濟股佔比重高, 因而拉住港股後腿, 一彈就散

其實利淡的因素仍在不斷發酵, 一個消息足以令股市飛天遁地坐過山車, 港股連升兩天, 挾淡味濃, 引股民入局,溫水煮蛙式派貨

8月係高危月, 業績公布期, 醜婦終須見家翁, 新八國聯軍圍堵中國, 侵侵五眼聯盟及印度打壓中國企業, 向中國 APPS埋手, Tik Tok慘被賤價收購, QQ微博等APPS亦危, 美國十年期債息失守0.6%, 美國經濟數據差劣, 不過利好因素就係內地醫療隊抵港展開工作, 本港確診數字回落, 港匯強勢持續, 反映資金繼續流入香港,

內地接連公布亮麗經濟數據, 冠絕全球,所以內地股市連日上升, 有大成交配合升勢, 亦係港股止跌回升的主因, 而美國經濟差, 示威暴動仍未休止, 不過就有無形之手推高美股, 營造歌舞昇平的假象來提振市場氣氛及消費信心, 以及迷惑選民

港股大方向利淡, 不過由於7月見頂後累積2256點龐大跌幅, 技術上短線作出反彈, 上去吻別大位, 10天線早已跌穿20天線, 發出死亡交叉利淡訊號,

以8月份的月波幅計, 失守25000就要向24000進發, 至於會否深潛回補1/6上升裂口23089~23540就要看上証表現, 阿爺好.港股好, 如果連阿爺都反艇, 港股就危, 只要上証仍處牛市, 就會成為港股的後盾, 當國指連續3日收市失守10000關鍵大位, 就係恒指深潛的前奏

以月波幅來看, 24250不會是7月大底, 只係短底, 至於何時破底見24000就要睇上証, 因為中港股市通常係同步見底頂, 只要上証強勢持續, 繼續尋頂, 就會扯住港股上山, 當上証見頂, 港股就要落山, 

如果港股跟上月走勢, 月初踢上去見頂後就會碌落山, 8月係業績期, 周一匯控公布差劣業績,周四輪到長和系,下周QQ業績後會否見光死亦難料

上證如回吐守3350問題不大, 如失守3350, 係見頂訊號, 代表市況轉弱

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股高開低收, 單日轉向呈陰燭, 10.50.60天線危危乎

6/8 周四恒指收24930, 跌172點, (最多下跌461點, 一度上升99點), 結束兩連升

恒指雖然創本周新高25201, 不過一開即插, 沽壓沉重, 低見24641, 扭轉過去兩日底部上移的走勢, 唔係好現象, 港股一插即彈, 在25000附近養牛及派貨

如本周收升, 明日(周五)會收24595之上, 相反, 如收跌, 就會收24595之下, 收跌周通常會在周四五創該周新低, 即係會跌穿前底24250

早已說8月是高危月(建議重溫網誌: 臨危托沽.後市不妙), 因為侵侵瘋了,美國震撼彈將會陸續有來, 全靠侵侵+肥佩奧兩條癲佬, 淡友有望反敗為勝, 本周恒指收升好夢成空, 可能好友今早踢上去已食胡,

如恒指本周續跌,連跌四周, 就打破了過去一年的周線連跌三周例彈的記錄, 代表淡友再度奪回主導權, 繼續尋底之旅, 前底24250危危乎

侵侵全面封殺中國電訊商及APPS, 禁美企45天後與TikTok及QQ的WeChat母公司交易, 連海底線纜及雲端儲存亦受牽連, 其實美國打壓QQ微信於7月初已放風,今次落實惡法就成為淡友反擊的藉口, 但都要等埋今早伸一腳上去做夠周波幅, 好友食胡後才碌落山

貼價牛大幅上移至24750附近, 24300樓下有超級肥牛一路排落去,向下每百點都有牛牛, 而25200樓上只得瘦熊, 所以大鱷推低港股食牛扒,

人民幣見頂回落, 高開低收, 下跌89點子, 收6.9441, 如明日人仔續跌利淡中港股市, 上証連升5天, 不斷受制於3390水平, 位高勢危, 通常連升累積龐大升幅後就會嘔, 只要上証守住3350就可穩住國指, 如失守, 國指10000大關就危,

QQ表現具啟示作用,QQ亦見頂回落, 代表今日恒指高位25201已見頂, 明日周五, 會有周末沽壓效應, 加深下行壓力,

利淡消息浪接浪,老外大媽都走貨, 預示匯市有變, 形勢不妙, 加上今日收市後長和系公布差劣業績及減派息, 不利明日權重地產板塊, 會進一步推低指數, 小心往後業績股會見光死,炒QQ業績買盤唔見晒, 沽盤卻增加, 有散水味

明日(周五)是立秋, 轉節氣預示有大變, 淡友正在反擊, 市強一周升3天, 市弱一周升2天, 如今已升了2天, 升市日數已達標, 尚欠1天跌市, 造淡有值博率

QQ+上証見頂 = 港股見頂

利淡地產板塊

長和中期純利130億元跌29%, 赫斯基能源及零售業務表現欠佳, 減派息

長實集團中期純利63.6億元跌58% 基礎溢利減少35%, 減派息

最新回應

門徒
門徒 2020/09/23

技術上235rsi將進入超賣區 {#iconb_62}但我心目中會到222

中國加油
中國加油 2020/09/23

接貨成本27.5,然後付0.55賣升,這樣可以抵銷時間值的損耗,但如果睇錯邊就⋯

等咗11年,終於等到啦!想起都心碎!誰說可以天長地久?(股可以炒,💩可以食,股市是個鰐魚潭!

{#iconb_3134}

裙甩褲甩
裙甩褲甩 2020/09/23
@布甸...

布甸兄,大鱷現在是把九月的淡倉平掉,再部署十月的倉位。

如果大鱷睇好十月市況,當然會如布甸兄所說的快刀斬麻食晒D肥牛,那麼十月可以睇得大好。反觀如大鱷在現水平先食胡唔再推落食盡肥牛,十月再試底食埋其餘肥牛的機會大。

中國加油
中國加油 2020/09/23

廢豐:9月未日期權,28元世紀位,付約0.70;10月30元位,付約0.50,28元傷心位接,收約期權金1.10,我覺得可以搏下!