木水火
木水火
木水火

「張弛有道」點玩法

2020/08/08 12:00:01 網誌分類: 時事
08 Aug

冇靈魂政府防疫抗疫漏洞處處,第三波疫情爆發逾月,確診個案仍然每日近百,死亡人數直線上升,社區也愈爆愈多,政府才宣布擴大檢測多個重災區,疫情爆到阿爸都唔認得阿媽,先嚟填窿補洞,有用嗎?亞博館三百床位冇人瞓,卻有確診者等十五日仍未入院,庸官嘅所謂「張弛有道」點玩法?  {#iconb_233}

笑看天下:「張弛有道」點玩法

「樹老易空,人老易鬆,科學之道,戒之以空,戒之以鬆,我願一輩子從實以終。」呢首打油詩,據說係數學家華羅庚寫嘅!科學家求實求證,對「空」和「鬆」自然嗤之以鼻!港府抗疫,整體而言,又「空」又「鬆」,咁搞法,唔怪之得染疫群組爆極都有,隱形播毒者愈來愈多,市民連去街市買條魚都擔驚受怕! {#icono_49}

街市爆完依家就驚外傭宿舍爆疫!外傭一再中招,反映佢哋一大班姐姐困居職業介紹所嘅宿舍,咁多人聚居於一個細單位,有啲甚至煮食都喺碌架床位度,又共用廁所,講真,「唔同日子有唔同需要」,「媽媽的姐姐」若然十個八個一起來探訪,大家有可能又要爭廁所,總之衞生環境點都係難以令人放心! {#icono_50} 

衞生防護中心傳染病處主任張竹君指宿舍擠迫,擔心出現大爆發,政府日前補鑊,宣布為宿舍外傭提供病毒檢測及派口罩!亡羊補牢,即使嚟唔切,亦提醒僱主要讓姐姐「融入家中」前,要先做妥檢疫同隔離措施,以免全家中招至懊悔太遲!依家邊間僱傭中心介紹嘅姐姐,額頭鑿個「安」或「誠」字,你都唔敢輕易相信喇! {#icono_51}

群組爆發一鑊接一鑊,除咗安老院、酒樓、的士、街市、外傭宿舍等,又有培訓課程不受禁聚令所限,本報發現有唔少機構舉行數十人以上嘅課程,包括平安卡、電工牌等,仲列明天天開班。有學員透露,有機構安排多達六十人喺兩間狹窄課室上堂,座位之間冇任何間隔,各人雖然有戴口罩,但長時間上課恐增感染風險。 {#icono0_21}

冇靈魂政府防疫抗疫漏洞處處,第三波疫情爆發逾月,確診個案仍然每日近百,死亡人數直線上升,社區也愈爆愈多,政府才宣布擴大檢測多個重災區,疫情爆到阿爸都唔認得阿媽,先嚟填窿補洞,有用嗎?亞博館三百床位冇人瞓,卻有確診者等十五日仍未入院,庸官嘅所謂「張弛有道」點玩法?

https://orientaldaily.on.cc/cnt/news/20200808/00184_008.html