日本人春天鍾意睇櫻花,相信好多香港人都知道,但原來紫藤花就係代表住日本嘅盛夏。繼之前「櫻花祭」大受歡迎之後,北角匯由即日起至10月4日,就帶嚟《紫‧在北角匯》花夏祭,喺海濱公園打造3,000呎紫色花海,仲包括全港首條20米長紫藤隧道、彎月形紫海花田、3大巨型蝴蝶裝置,加上各種紫調燈飾等,等大家走進紫色夢幻國度。唔單止咁,The Point by SHKP會員如果中文名有個「紫」,或者英文名叫「Purple」,仲可以即日起免費換領一盆紫花小盆栽,其他會員亦可於北角匯以電子貨幣即日單一消費滿200蚊換領,各位「紫」迷男女又點可以錯過呀!