K型復甦

2020/09/08 09:13:57 網誌分類: 經濟

08 Sep

昨日係美國勞工節（Labor Day），美股休市，歐洲股市顯著造好，整體升1.6%，其中法國股市升1.8%；德國股市升2%。而杜指場外期貨升了214點。

美股近兩個交易日顯著回吐，杜指累跌966點，回吐了3.3%，但離歷史高位29568點，其實只有5.1%，今年以來只跌了1.4%，標普500指數今年以來仍升6.1%；納指更不得了，上週四和五共下跌了6.1%，然而，今年仍有高達26.1%的進賬。除了內地的上證綜指，今年有8%進賬之外，標普500指數基本上跑贏全球主要經濟體，歐洲整體今年仍跌11.5%，日經跌2.4%，恆指更弱，今年仍跌12.8%

對於美國經濟幾時能夠復蘇，V型復甦已經無可能，尤有甚者，市場越來越擔憂的已經不是U型甚至L型，而是經濟呈現兩極化的「K 型」復甦，意指包括產業和收入群組出現兩極的發展，部份向上反彈復甦，而部份向下沉淪，進一步擴大美國貧富差距情況。其中一個社會現象就是一些巨型零售商（沃爾瑪和亞馬遜）以及華爾街銀行越來越好，而一些街坊小店（ mom-and-pop shops）和餐館以及服務勞工和專業人員越來越落後。RSM 首席經濟學家 Joseph Brusuelas 認為，「K 型經濟復甦只不過是重申金融危機期間所呈現的經濟分叉（bifurcation）現象，這與 1980 年代以來經濟增長日益不平等有關。」而經濟復甦帶來的好處分配不均，將對經濟的穩健，帶來較長期的風險。

在過去的幾十年，最多專家談論的就是美國經濟問題，就是擴張的好處大部分流到上層社會，而下層社會卻日走下坡，造成富人越富，窮人越窮。而今年爆發的新冠大流行，專家認為只是令到情況更加惡劣而已。

經濟學家指出，第一、美股自3月底以來猛漲，美國實體經濟仍在新冠大流行中掙扎，美國第二季年化GDP 卻萎縮 32.9%，創下史上最慘烈跌幅，8月失業率8.4%，成千上萬的小企業在新冠疫情間倒閉，低收入家庭仍深陷經濟困局；二、股市貧富分化的現象非常嚴重。據美國聯邦儲備委員會的資料顯示，目前，最高收入的1%的富人擁有著美國52%的股票和共同基金。而杜指當中，微軟、蘋果和 Home Depot 今年對杜瓊指數的貢獻，遠大於該指數中其他 27 隻成份股的總和；標普 500 指數升近歷史新高，但當中仍有超過 25% 企業的股價仍比歷史高點低了至少 50%；亞馬遜這家電商巨擘今年來累計上漲78%，為非必須消費品類股貢獻 43% 漲幅。

讓人擔憂「K 型」是美國復甦最有可能的形態。即富人能夠迅速恢復至疫情前的富有，甚至更富有，而低收入家庭則陷入更深的經濟窘境，這樣會造成政治的大動蕩。

陸羽仁

回應 (19)

我要發表

Yan 2020/09/09 08:01:00 回覆

周大福靠內地水成功食胡
2020年09月09日

　　美國周一勞動節假期無市，歐股表現不俗，但港股開市壓力未消，到午後美股期貨造好，加上傳出政府放寬食肆堂食至4人一枱，港股稍為向上，微升34點收市。大市靠舊經濟內銀股撐住，工行(1398) 漲4.7%，收報4.42元；中行(3988) 漲3.6%，收報2.58元；建行(939) 漲3%，收報5.59元；以上三股為表現最醒目藍籌頭三位。較特別的是，昨日內銀反彈升一浸，A股不如香港升得多，例如建行A股只升1.8%。

　　昨日午後特區政府宣佈，再放寬堂食安排，本周五開始容許4人一枱，實行小步走放寬做法。有商界直言，其實上星期都應該放寬堂食至4人，只係官員經過7月放寬後轉軚被人鬧，變成膽小怕事，再用「唧牙膏」方式寬限。其實安排得全民檢測，就應該大大方方推動，鼓勵市民去做檢測，而不是學似現在驚驚青青又叫人檢測，又不斷強調係自願做法。

　　官員畏首畏尾，商界自然不敢大力響應，結果有120萬人登記檢測，有番咁上下人數參加，政府已經開香檳慶祝。睇番現今檢測人士中已有多個陽性個案，雖然比例不算高，但如果檢測人數有300萬以上，隨時查出的個案多兩倍，對歸零大有幫助，經濟重啟力度就可以大好多。

　　內地生意蓋過香港損失

　　由於控疫進展慢，本地消費復原本來可以快點，現在只能慢慢來，雖然傳出寬限堂食消息，但零售飲食板塊反應不大。商界講起過去9月係部署炒黃金周時間，他說今年應該內地股有得炒，香港股無份。

　　同零售業大佬傾起生意，佢話如果有中港兩邊開店，就會知道內地生意恢復得好快，香港就喺谷底死死吓，所以內地生意愈多，股價反彈愈快。早前主攻內地商場的恒隆(101) 率先創1年高位，呢排就唞緊氣。昨日就到周大福在開市早段衝上10.1元的一年高位後回吐，收報9.63元，回調3%。周大福今年3月見咗低位5.05元後，4月打後一路向上，如今衝上10.1元，不但係周大福疫後高位，同時是過去幾年高位，可見該股在零售板塊係大強勢股。

　　聽零售業大佬話，內地珠寶黃金生意在經濟重啟後火熱，周大福內地店最多，不少係自營店，他估計集團在內地生意的收入增長，有可能彌補香港損失，但如果無中國網絡，只係靠香港生意，現在仲係蝕到入肉。

　　按照他的分析，可以發覺周大福股價強得有道理，另一隻在內地有好強網絡的六福(590) 收報17.7元，升0.7%，但股價只係逼近1年高位，同3年高位仲有距離，走勢相對落後。六福內地店比例都好高，但加盟店比例較多，盈利比加盟業者抽走，食得無咁應，所以股價喺第二波先上升。

　　凍資王齋炒大股東財技

　　按照零售業大佬分析，今年黃金周香港零售業無乜望，在兩地都有生意的公司，要靠內地網絡撐起收入，所以內地生意比例高，股價就高。相反香港抗疫歎慢板，就算放寬禁令經濟略為回復，速度都比較慢，股價只能炒落後。現在距離黃金周還有幾個星期，不排除零售股找機會短炒，投資者可以等這些強股回深少少，先考慮落注。

　　大市昨日呆呆滯滯，最熱鬧係史上最大「凍資王」農夫山泉(9633) 首掛。凍資王雖然暗盤曾破40元大關，正式掛牌一開市抽上39.85元，但已是全日高位，之後大幅回軟，午休前低見31元，之後稍為反彈，收報33.1元，較上市價21.5元升54%，成交2.24億股，涉資81.4億元。凍資王不計手續費及佣金，一手200股帳面賺2320元，這個升幅已經對得起抽「孖展」股民。對借大錢去認購者來說，首掛後會馬上沽貨計數，不會太過考慮往後表現。

　　農夫山泉市值1647億元，現在流通股份只係幾個巴仙，在股價急升下，大股東鍾睒睒一度超越馬雲成為中國首富。據報道，鍾睒睒係財技玩家，他名下A股曾經狂飆幾十倍，因此才引得股民瞓身抽股，所以按現時股價，市盈率估計達4、50倍，相當偏高，大家投機的只係大股東財技而已。

　　陸羽仁

animal666 2020/09/09 06:42:03 回覆

2028...

SIGH...

2028…

SIGH…

唔買貴嘢

2017/07/25 09:28:51 網誌分類: 經濟

25Jul

外圍股市變化不大，杜指跌66點，趁住市靜少少，我又無咁忙，答一答問題。

近日經常有人貼我在2012年的舊文，質疑我在當年話樓貴，他們問我兩個問題，1. 點解「股平樓貴難永續」(當日文章的題)? 2. 2012年樓市是高還是低？

簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升，兩者不會出現這麼大的差價，差價終將拉近。邏輯上之後會出現三種可能，第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

如今暫時接近第二種情況，2012年樓價，以中原城市領先指數計，當年年中上升到110，比97年高位還要高。但當日恒生地產分類指數只有25000點左右。到今天中原指數升到159，地產分類指數升到36326點，中原指數升咗44.5%，地產指數升了45.3%，兩者升幅相當接近。

唔買樓買地產股一樣升。你可以駁我買樓有槓桿，買股唔借錢無槓桿，呢樣確實係。你又可以駁我細價樓升幅比大價樓多，中原指數不完全反映現實。呢樣亦係，不過若你咁唔好彩走去買豪宅，或者新樓貴貴單位，而家比2012年跌了要蝕讓的大有樓在。

我當日想講兩個觀點，第一是2012年樓價是高(這是第二個問題的答案，今天仍然覺得如此，不是今天更高，當日便不是高，樓價高低從租金收益率可以看到)。第二是有其他替代投資。

第一點針對「自住的我」，第二點針對「投資的我」。先講第二點「投資的我」，這個世界有很多投資目標，不買本地港島樓去投資其他東西，可以買股票，也可以買其他地方的樓，如大陸樓，這就是所謂替代投資。最笨的如買我經常講的越秀房地產(405)，每年派7厘息，2012年中3.6元，如今5元，賺價39%，加埋每年7%息，夾埋5年有70%以上回報，唔係好失禮。

其餘如2008年、2009年我都幾經常講在大陸買樓，在2008年廣州市區天河樓1000元人仔一呎，即使到2012年也是1200、1300元人仔一呎，如今是5000元一呎，當然亦唔係咁多人買咗，我唔好講咁多，費事俾人媽我。不過對唔住，我自己過去幾年無在香港買樓，不過在大陸在倫敦買了樓，回報也不俗。所以覺得香港呢度樓貴，唔買有乜咁出奇。

講番第一點針對「自住的我」，雖然我當日主要針對投資者，無叫人自住唔好買，我對自住用家買樓的問題都通常答案是「量力而為」，但如果你當日追問我，我會認為自住其實亦都唔太建議買。原因好簡單，我當日已覺得樓價貴，若財力唔夠夾硬去買，咁就咪制啦。

我的心只想叫大家「控制風險」，自住樓也是長線投資，咁貴買風險幾高(今天係好高，明天可以係極高)。我見過1997年、2003年樓價大跌，好多人買了樓輸身家的慘況，有人被銀行斬倉，有人收入高頂得順，也供了20年貴樓，到今天才剛剛供完，20年收入主要拿了去供樓，特別是下跌之初頭5年，供貴樓搞到自怨自艾，搞到家嘈屋閉。所以我就扮晒巴菲特，叫大家不一定要買貴嘢。我年紀大啲，乜都見過，難免保守。

講多兩句巴菲特，佢投資的基本點是不買貴嘢。但不冒風險不買貴嘢，貴嘢繼續升，提建議者會俾人鬧。巴菲特係芬佬，佢話試過唔買貴嘢，佢的巴郡表現跑輸大市，俾客戶日日鬧，又要沽佢隻股贖回投資，佢壓力好大，搞到電話都唔敢聽，捱幾年先至捱得過。

都係唔好扮晒股神，我同巴菲特唔同，佢叻啲，我蠢啲。但佢搞基金怕客戶沽貨，我只係在免費網站吹吓水，無咁大壓力。我呢啲投資建議，你覺得啱睇可以睇，覺得唔啱睇可以咪睇，兩不相欠，相當自由。

2012年樓市是高還是低？

2028...

SIGH...

股平樓貴難永續(大結局)

2028年xx月xx日 (xx:xx AM)

陸羽仁

金融High Tea——
股平樓貴難永續（下集）
2012-07-16

上周五是「黑色星期五」，但股市並不黑色，內地公佈第二季經濟增長只有7.6％，市場相當冷靜，內地上證綜指微微升鰦一點都唔夠，等如無上落，收2185點。港股亦撐住19000點大關，收19092點，升67點。

      不過呢個黑色星期五去到美國仲精采，早前摩根大通深受「倫敦鯨」交易員投資失利影響，但上周五佢公佈上季業績較市場預期佳，股價勁升6％，帶動整片美國金融股抽上，再加上歐美投資者認為中國7.6％經濟增長，不是硬覑陸，杜指爆升203點，大升1.6％，終止連跌六日的頹勢，港股應有反彈，特別係跌得好殘的內銀股，應有像樣一點的反彈。

      大戶操控詮釋權

      股市就係咁，上上落落，壞消息面世時，又話「好過預期」、「其實唔係咁壞鎹」，股市升彈。股壇老雀極短炒時鍾意炒相反，認為如何詮釋市場資訊的權利在大戶手上，佢地鍾意同散戶做對手，所以要極短期炒作，只能在市場評價好差時買，在評價好好時賣。

      上星期寫了篇文「股平樓貴難永續」，講起網友「硬道理」在09年中因錯判市況，將05年入市的自住樓賣掉，然後將所有資金分段投放在A50（2823）及工行（1398）上，如今樓價升了，投資的股票跌了兩成多。文章見報後，迴響不少，有不少甚為專業的老友都有評價，可以寫寫他們的寶貴意見畀大家參考。

      第一，順大潮流炒作。有一個擅作價值投資的老手，睇完「硬道理」棄樓買股的手法，有此感歎，「買股票要年年有表現，其實近乎炒作，不是投資，炒作要順勢，唔講你個網友『硬道理』把自住樓賣掉，要冒上替代使用成本高升的風險（租金上升），單就炒作而言，佢鱓做法都是逆勢施為。」

      投資老手話，股神巴菲特咁成功，除鰦佢善睇公司價值，低價入市之外，佢都有「順勢投資」的味道，才不止長線有表現，而且中短期都有表現。例如佢在2002年、2003年以2元多的低價大手買入中石油（857），除了因為中石油股價低迷外，還睇到2002年911事件後，美國大幅降息，美元將持續走弱，石油等商品價格將長線走強的大趨勢，當時美國石油股唔便宜，就買纒中國石油股，結果食正油價連年大升的潮流，多年後就在10元以上沽出中石油獲利。

      股神都要順勢買

      又例如巴菲特在2011年1月以440億美元收購美國第二大鐵路營運商伯林頓鐵路公司（BNSF）。巴菲特雖然聲稱這次收購是對美國經濟前景的一次豪賭，但如果真係咁睇好美國經濟前景，點解係買鐵路公司而唔係買銀行？巴菲特係睇住美國正發生可能長達10年的非槓桿化過程，靠借貸賺錢的銀行唔係咁掂，投資進入低回報年代，加上油價高企，所以就買入鐵路這種回報較穩定的傳統公用事業，這種行為和李超人去英國買電廠、水廠有異曲同工之妙。當然，巴菲特偶有睇錯大潮流出事的投資，例如油價高睇好電動車，過份放大呢個行業的發展，入股比亞迪（1211），結果概念掂生意唔掂，股神勝在以8元入股比亞迪作價夠平，所以佢未死只是跟風者死晒。

      投資老手話「硬道理」在09年買入工行和A50基金長獱，事後睇係逆勢投資，因為阿爺在08年驚得滯大力投放4萬億救市，令股市和樓市當年升得太勁，再加上基建泡沫，觸發巨大通脹，2010年開始要收水救亡，這種收水潮，對投資內銀的氣氛不利，「硬道理」投資失利，係睇唔飱呢個收水大勢。反而好多人中短線炒纒內銀，跌得多買鱓，升一兩成走人，仲搵到食。

      第二，買樓有利長獱。我有另一個老友是極資深投資銀行前輩，佢20年前係巨型銀行的投資銀行部獱fit人，一直鍾情股票長線投資，唔喜歡買樓，當然佢亦有兩三間樓畀自己和屋企人自用，但他和香港人大多數發達方式不同，主要投資放在股票之上，而且係20、30年咁長獱。

      這位投行前輩舉鰦個例，佢話當年佢在包銷上市的公司中，揀鱓好鱓公司，用好少錢例如一、兩萬去買它們的股票（呢鱓錢在他而言只是零錢），買鰦十家八家公司股票，夾埋只是用鰦十幾萬，到而家無計歷年收的利息都值400幾萬，當中仲扣埋有一家公司執鰦笠股票變廢紙。佢話我可能唔覺得400幾萬係乜№錢，但佢只想試纒證明，長獱優質股票，獱得夠長有好回報。

      散戶買股難長獱

      當然，佢當年係投行大佬，睇住呢鱓公司上市，知道晒佢地盤數真假，佢長獱的股票有質素。佢承認呢個係事實，普通股民唔識揀，好多時會揀鰦鱓垃圾股，佢以內銀為例，雖然好多人怕內銀有壞帳黑洞，佢就唔係咁驚。呢個前投行大佬係中國好友，話中國第二季經濟仲有7.6％增長，仲話已經見鰦底，咁有乜№大問題，你睇纒歐美日的經濟有幾多增長？點解覺得美國好似安全過中國？美國最好的年代也只月3點幾巴仙增長，美國今年第1季增長只有1.9％，有幾好？所以拉長十年睇，佢唔覺得股票投資有乜問題，但你要日日問股價，日日去比較，咁就大問題囉，心理好易不平衡。

      前投行大佬話，一般人買樓好過買股，除了因為買樓有槓桿外，還因為買樓焗你長獱，但買股好易出出入入，但完全唔贊成投資者買股「游水」（將長線投資的股份高位沽出低位獱番），因為覺得大部份股民沒有合適的心理質素，所謂高沽，可能升少少沽鰦，結果只有輸錢股會長獱，賺錢股一早就沽走。內銀現價息率4厘、5厘，點解唔可以長獱？佢認為若有心理質素長獱，買樓買股都得，只要選擇低位入市獱佢十年廿年就得啦。

      第三，最怕係樓價追股價。聽完呢兩個朋友的意見，雖然好似一個話內銀唔得，一個話內銀得，其實只是中短線和長線的分別，內銀價殘，卻是大家都同意的事實。

      有一個靚女朋友上周問我，好買唔好買一個西半山樓盤投資，16000元一呎，佢想買一個500呎細單位租畀人，話利息咁平，隨時供平過租，有租金淨收入。我計一計，500呎單位盛惠800萬大元，呢鱓單幢樓實用率好低，500呎樓有300幾呎都偷笑，呎價真係貴得好緊要。但我見靚女貌美如花，好怕叫佢唔買一年後升到20000元一呎佢鈬找我晦氣，只能咁同佢講，樓價咁貴，但利息續低，升3成變20800元一呎當然有可能，但跌4成變9600元一呎也有機會，好似跌的機會大過升少少，就算升鰦上20000元一呎，兩年內賣要畀特別印花稅，利潤無鰦一大截，叫三思才好後行。

      靚女又問睇完我話「股平樓貴」，係唔係股價會大升？我見靚女一面「炒相」，好似唔炒樓想炒股咁，就提佢小心係「樓價追股價喎」，在這種百年不遇的金融海嘯中，投資唔好太冒進啦。

      陸羽仁