【Andy脫髮談】香港龍頭顯赫植髮要駛幾錢？

今日篇野既Topic係「香港龍頭顯赫植髮要駛幾錢？」，有追開Andy Blog既朋友都知道最近Andy開始講有關甩頭髮既topic，主要係因為以往講好多飲飲食食，俾人覺得我剩係識食冇乜建樹，其實唔係，我都想講d有建設性既，所以就講下我甩頭髮既故事，又點樣解決，第一集就講下植髮，呢個都可以算係甩頭髮既最終解決方法，但好多人都會好緊張個錢，又或者會擔心會太貴負擔唔起，所以等陣會講下我之前去顯赫植髮幾錢到，又點樣計法等等。

講去顯赫植髮同埋幾錢之前，首先講下我個死人頭先。我係3、4年前開始甩頭髮，一開始真係唔覺，但我發現漸漸開始兩邊髮線向後移，好有趣既係，你會發現個M字會愈黎愈明顯，就係頭頂兩邊頭髮開始稀疏，然後就慢慢剩番中間好大個M字尖，後來我上網睇過資料，我呢隻係典型雄性禿，而起因好有可能係遺傳，所以亦叫遺傳性脫髮，我Daddy其實都係咁，當然佢個M大過我，但我始終接受唔到，所以跟住就開始研究睇下點搞，始終我仲後生。

本來想買D生髮藥食住先睇下效果，但最後冇買到，主要係我研究過我呢隻好難用生髮藥醫到，因為係基因問題，改變唔到，始終都會甩頭髮，所以最後我揀左植髮，好老實講，最初我都有對植髮有疑問，因為植髮係先抽取仲係正常健康既毛囊再去植，咁如果我本身有遺傳性脫髮，去到尾D毛囊都會死哂架啦，咁植黎有乜用？但後尾發覺原來係我無知，我去顯赫植髮植時有見過佢地個植髮顧問，我曾經問過呢個問題，顧問話雄性禿既特點就係只會影響頭頂或兩側既毛囊，但係後尾帎既毛囊係完全唔會影響！會一直健在！就係咁，所以植髮就係會抽取後尾帎既毛囊黎植，完全唔會有衝突，植完之後生番出黎既頭髮都係健康而且永久，聽完佢講我先放心。

咁之後就去植勒，過程好順利，而且好快，我係做ARTAS，而家最新既植髮方式，效果好好多，講開ARTAS，呢度要補充一下，如果大家出去問植髮，可能會知道植髮技術都有幾種，除了我講既ARTAS之外，仲有FUT（傳統植髮）同埋FUE（無痕植髮），但係點解我做ARTAS而唔做其他，亦都建議大家揀呢隻呢？係因為ARTAS係而家運用最新科技既植髮技術，透過電腦AI先分析頭皮情況再抽取毛囊，所以能夠做到最精確仔細，除左效果更好之外，手術時間亦都快好多，而且全程無痛，所以而家好多人做植髮都揀呢隻包括我。

而我揀呢間顯赫，就係香港唯一做ARTAS既公司，所以都幾專業下，而且顯赫算係香港植髮龍頭，最耐經驗係佢地，我聽個顧問講都超過15年歷史，當然我自己都做過資料搜集，佢地個評價都幾好，大家都講佢地醫療團隊無論醫生同護士都好專業，我自己做完既感覺係，冇錯係專業，但我覺得佢地仲有一樣野幾好，就係都有人情味，例如做手術期間，姑娘成日都問我餓唔餓，駛唔駛休息下…同埋做完之後好似阿媽咁講左好多護理既POINT我聽，我係覺得窩心既，呢個我印象都幾深下。

不過講左咁耐，我諗大家都想知道到底去顯赫植髮幾錢，我可以坦白同大家講，我駛左幾萬蚊左右，但點解唔講實際數字，係因為根本就唔會有個大家都一樣既價，因為植髮係計你要植幾多束毛囊，你植得愈多咪愈貴LAW，顯赫佢地都算公道，明碼實價，如果有興趣大家可以再參考番。我做ARTAS你預5位數冇走雞。

俾大家睇下成果，植之前，

植前過左大約11個月。

我個人係幾滿意個效果，你會睇到植完再等佢生番出黎個效果真係唔錯，唔會有咩植髮痕跡同埋唔會俾人覺得你甩過頭髮，呢個係我最高興既，所以如果駛幾萬蚊能夠解決到呢個男人最怕既問題，我絕對願意而且覺得值得。Anyway，講到呢度，呢集都差唔多，下次再講甩頭髮既其他資訊，例如除左遺傳仲有咩原因呢？女人脫髮又點解決等等，為左植髮我真係對甩頭髮呢樣野研究左好耐哈哈！btw，有需要都可以去顯赫植髮參考下，網址呢個：https://www.nuhart.com.hk/，記住留意Andy Blog！