長假期前後例牌大龍鳳~升 升 升

結算日港股高開低收, 單日轉向呈陰燭, 部署上攻屠熊

29/9 周二恒指收報23257, 跌200點

~ 港股雖然收跌, 收市U盤更跌多48點, 不過睇盤路大鱷似係刻意壓低收, 留力, 養熊震牛, 恒指上周五(25/9)見底23124後, 已經連續兩日冇創新低, 係利好訊號

~ 一如日前所說, 過去8個月, 無論該月收升或跌, 恒指最少都升9天, 如今只係升了8天, 尚欠1天升市, 所以明日(30/9)理應收升

~ 今日港股沖高回落超樣衰, 扮反彈乏力, 吸引淡友入局, 沽空急增至15.02%, 為失守25000以來最大沽空比率, 挾淡誘因大, 9月初於25000沽空有肉食, 因為下跌空間大, 不過跌至23200沽空值博率低, 因港股跌了一個多月, 嚴重超賣, 反彈在即, 因為上証力守3200, 港股亦力保23000/9200不失

~ 上周失守24000後恒指日日低開, 代表淡友當道, 不過25/9低見23124後已是連續3日高開, 代表好友反擊中

~ 美元失守94.5, 向94進發, 美元見頂回落利好股市

~ 明日是黑期結算+基金季結+月結+中秋國慶長假期前夕, 大鱷要畫周線及月線, 亦有推升誘因

~ 今日港股通暫停, 港股雖然失去大媽條大水喉買盤, 但同時亦避免了大媽的沽盤, 有失亦有得, 港股成交縮, 大鱷就更容易操控大市上落

~ 9月已炒到水尾, 冇必要再擴大9月波幅, 10月開新局如要擴大月波幅, 就要會向23800.24000.24200進發, 不過23600~23800是10天線以及關鍵大位, 阻力非輕，要有利好消息才能上破, 如受阻而回，就要向 23000 ~ 23124 進發，兩邊都有牛熊, 目前貼價熊肥牛瘦, 正路應先上攻, 食飽熊掌再落山屠牛

~~~~~~~~~~~~~~~~~~~~~~~~~~~~~~~~~~~

~ 中港股市跌到走樣, 沽壓這麼大主因係侵侵抹黑及打壓中港, 以人權為藉口, 侵侵下令美國基金沽出中資股, 港股今個月跌勢加劇, 跌幅全面, 相信係有基金及機構投資者大規模減持中港股票, 所以連優質股都破位而下, 洗倉式下跌, 屢創新低

~ 25/9創今個月新低23124, 已回補1/6的大部份上升裂口23089~23540, 尚餘少許裂口未回補是後患, 不過由於9月波幅2130點已達標, 淡友大鱷就收手(可能食胡及反手買上), 可能10~11月才回補餘下的裂口, 因為美國大選前後(剛好是水星逆行)金融市場必定會大幅波動

~ 23500係好淡勝負關鍵位, 今年上旬每當跌穿23500都見趁大量低吸納買盤, 淡友有可能於23200附近回補空倉食胡, 短炒大鱷或會入場掃貨, 都有助港股作出反彈

~ 保力加通道底部在23000附近, 不會輕易插穿, 加上港股累積龐大跌幅, 現水平反彈空間大

~ 恒指現水平(約23300)賬面值比率(PB), 市賬率為1倍, 市況好時應有溢價, 現水平係大平賣, 已跌至不合理水平, 或會有價值投資者趁低吸納

~ 參考過去幾個月尋底之旅的下跌步伐, 自從7/7見頂26782之後, 每逢出現特大利淡消息, 恒指都會下沉一浸(26000.25000.24000)的走勢來看, 淡友想再插穿下一個整數大位就必需要有極淡消息出現, 然後才能降級插穿23000, 向第二季低位22756/22519進發, 不過無論係市賬率/保力加通道底都反映23000支持力會比24000強, 所以現水平反彈動力亦會較大

~ 淡友想插穿23124/23000就要中美股市破底才能成事, 如中美股市已見底, 港股亦不會獨自破底, 會炒番上24000來擴大10月波幅

~ 標普亞太區首席經濟學家羅奇表示，相信亞太區經濟最壞情況已經過去，反映經濟的BDI波羅的海乾散貨指數於9月中已見底, 展開尋頂之旅, 愈升愈有, 港股於9月尾觸底回升跟住上, 美國十年期債息亦同步拗腰向上, 美元見頂回落, 係股市向好徵兆, 預示恒指有望重上24000, 淡友命危, 尋頂期間窒窒步升係震牛養熊, 早前於港股見頂當天叫入貨的燈神梁蛇近來一直唱淡, 並於9月尾將中線倉沽清, 係港股見底訊號, 預示10月初港股會反彈

季結日好友大反擊

30/9 周三恒指收報23459, 升183點

今日恒指已是連續4日高開, 由25/9觸底23124反彈以來日日都係高開, 港股周線亦收升, 代表好友正主導大市, 下周就要向23800.24000進發, 港股本周反彈亦有可能是受了結算影響，未能作準，下周才見真章, 如能續升, 就打破9月下旬只升一天就回吐的尋底格, 進一步確認大市正處於反彈勢頭

結算周(28~30/9)恒指連續3天底頂上移, 呈尋頂格, 10月開新局, 如果要向上擴大月波幅, 就要殺上24000, 不過由7月起展開的跌浪每次跌穿整數關口(26000.25000.24000)都係一去冇回頭, 要有特大利好消息支持(放水及救市措施)才能站穩24000

今日高見23780, 反彈幅度未達標, 仍有上升空間, 國指連續5日跑輸恒指後, 今日已轉強, 未知是否與基金季結粉飾櫥窗有關, 要留意下周一國指強弱, 因為受國策拖累的內銀弱雞一直拉住港股後腿, 要內銀止跌回升, 港股上升動力才會增強

本周港股跟隨美股止跌回升，所以當美股見頂，港股亦會跟隨見頂回落，以一般約千點周波幅來看，10月開局一係挑戰23800/24000, 一係插穿前底23124來擴大周波幅

上周四(24/9)14 RSI低過30, 嚴重超賣, 上周五(25/9)創新低23124後就展開技術性反彈, 未有見頂跡象

~~~~~~~~~~~~~~~~~~~~~~~~~~~~~~~

美元回落利好股市

~ 過去8個月, 無論該月收升或跌, 恒指最少都升9天, 本周果然急起直追, 升多兩天, 最終今個月合共升9天, 符合每月起碼升9天的慣性走勢

~ 9月恒指的大跌浪係受美元急升所拖累, 如今美元見頂回落, 股市理應急彈, 點跌落黎就點上番去, 股市急跌亦會急升, 好淡通殺, 大鱷不愛炒單邊市, 9月已屠牛逾15000張, 係時候轉口味食熊掌, 資金流利好股市, 老外沽A股力度明顯減弱，下周港股表現由匯市主導

~ 周初美元企唔穩94.5轉弱, 插穿94, 已是連續四日收93.8附近, 港股會彈幾耐，彈幾高，就要看美元，日前美元見頂回落，連日下跌, 人民幣反彈, 收升123點子報6.8106, 所以股市就止跌回升, 不過當美元急升, 港股就要再落山

~ 尋底期間恒指好難收升超過200點, 多數係彈散，但本周兩次都大升，代表港股正處於反彈勢頭, 大鱷想挾淡殺熊, 早前平保增持匯控亦利好市場氣氛

~ 尋底市弱彈高難, 亦好難連日上升, 當收市升超過200點, 又或者出現連升, 就係回穩轉勢向上訊號, 市弱由低位累計彈500~800點(23124+500=23624~23924), 市強彈1000~1300點上24200~24500

~ 本周一及周三恒指一度反彈四五百點, 如果單純為了結算, 不會彈這麼多, 而且個別股份升幅驚人, 而且成交大，唔似基金粉飾窗櫉，似係有買盤趁低大手掃貨

~ 沽空高企不下, 過去兩日都超過15%, 熊熊不斷下移, 以往出現大跌浪, 當貼價新熊登場, 港股就會掉頭急彈屠熊, 如跌浪未完, 大鱷食1~2口熊就會再落山, 如果吃3口熊就代表大市已見短底, 展開反彈浪, 閒閒地由低位彈逾千點

~ QQ收$511.5, 收$510之上代表港股回穩, 收$520之上代表港股轉強, 收$510之下代表港股弱, 

~~~~~~~~~~~~~~~~~~~~~~~~~~~~~~~

~ 港股9月反艇, 股民慣性看淡造淡, 對升市投不信任票, 多數會繼續造淡, 所以大鱷玩窒窒步升, 今日高見23780(關鍵位23800)就掉頭收陰燭, 沽空持續高企, 有挾淡誘因

~ 10月中係賤美兩隻老鬼的第二場辯論大會, 10月上旬侵侵或會再托市, 否則會俾拜登恥笑他的股市政績泡湯, 所以就算美股急跌亦會急彈

~ 2020年第三次水星逆行：10月14日至11月4日

~ 9月份老外密密沽A股走鬼, 拖低港股, 內地國慶黃金周長假期休市, 老外冇得沽A股, 港股冇左A股制肘自由行, 好友就可乘機作出反擊

~ 9月港股跌足一個月, 以時間來推斷, 今次反彈浪不會升一兩日就收工, 下周(10月開局)仍會有新高, 即係會升穿今日高位23780

中秋及國慶長假期, 港股休市期間美股及美元走勢實在難以預測, 導致本周港股每日成交都不足千億, 下周一港股復市就要反映美股3天表現, 禍福難料，長假期前後例牌大龍鳳，要綁好安全帶, 淡友要小心, 因為睇測市指標下周大鱷係想踢上去屠熊及擴大月波幅, 目前債息及匯市利好股市

~ 有分析指過去11年恒指有9年的10月份都收升, 由於9月份恒指暴跌1718點, 跌幅大, 跌勢過急, 亦已提早反映不少利淡因素, 10月初好友有可能作出反擊, 有分析指如果侵侵連任利好股市

~ 美國真係賤到冇朋友, 左手打華為, 右手打中芯, 美國對於向中芯國際出口的部分美國設備、配件及原物料作出 出口管制規定, 企業須事前申請出口許可證方能向中芯供貨, 消息勢必拖累中芯

1~9月恒指連升記錄:

三連升: 5次
四連升: 1次
七連升: 1次(6月初)

=============================

10月開新局升 升 升 升

過去十年恒指10月份有8年收升(大升居多), 2年收跌~當中有一次股災, 加上今年的9月份跌過龍, 股價低殘, 10月反彈機會就更大

通勝說 5/10(周一)宜開市.交易==>10月開新局, 好友奪回主導權, 周初先上攻, 成功收復10天線, 不過升勢過急, 估計內地復市前夕獲利沽壓會加劇, 有A股的H股壓力會較大, 周五(9/10)內地復市後港股偷步升過龍的H股亦會見壓力

10月初趁內地黃金周休市, 港股冇皇管, 好友先搶攻, 誓要連升兩周, 因為內地復市(9/10)老外可能會再沽A股, 所以好友趁真空期拿拿臨殺上去, 在尋頂期間窒窒步升多數係震牛養熊, 收升周多數在周三四五創該周高位

升市也要有兩手準備, 當恒指連升3~4天就要慎防升勢隨時會斷纜(8/10轉節氣寒露), 中港美三地股市通常係同步見底頂, 現時港股跟隨美股同步尋頂, 當美股見頂, 港股亦走不遠, 本來唱淡並於港股大插時清倉的燈神梁蛇見港股連日急升, 技術指標改善就轉口風唱好並連日追貨, 反映大鱷推高大市托住指數來派貨, 吸引股民入市高追, 大插逼股民斬倉走鬼, 大升引股民高追(大鱷出貨), 這就是散戶的宿命, 本周一(5/10)梁蛇開始日日買貨, 往後當入到重倉就代表港股升到水尾

只要QQ守住$520就能穩住大市, 向上阻力$530.$540, 如能上破$525並站穩利好, 睇住港股溫度計QQ就知港股點走, 受國策打壓的內銀弱勢持續會拉住港股後腿, 要內銀止跌回升, 港股上升動力才會增強

大鱷已上山吃了2口肥熊, 如市強或確認轉勢向上就會吃超過3口熊, 一路殺上去, 如市弱食1~2口熊就要回, 24300樓上有肥熊, 不過30.50.60及100天線匯聚在24300~24700, 阻力非輕, 要有好消息才能上破, 如能收24500之上, 500點一級可見25000, 月中14/10水星逆行開始就要特別留神, 目前形勢係10月上旬先上攻挾淡屠熊

恒指重上23800後, 只要好友守住, 代表仍想上攻, 24000.24500.25000....港股9月跌幅過大, 已超前反映部份利淡因素, 大市超賣反而有利10月初先行作出技術性反彈, 去年國慶黃金周假期後復市首天上証係升市, 按照今年二月起周線的升跌韻律, 亦預示上証復市會收升

如10月首周收升, 就不應插穿23500, 目前美元處於94之下, 美國十年期債息在0.7%附近, 人民幣走強, 匯債形勢利好股市, 今次股市反彈係受美元下跌所帶動, 當美元止跌回升, 重上94殺上94.5, 股市就危, 通常科技指數升, 恒指就會收升, 地產板塊強弱對港股升跌幅度起關鍵作用, 見地產板塊大升代表當天港股走強, 見地產板塊大跌代表當天港股走弱, 

升  升  升  升