林定國太太出書 盼來生再做香港人
2020/10/05 04:12:09 網誌分類: 生活
《來生再做香港人？》並非一本學術研究，而係將香港嘅三十六項數據，包括衣食住行、文化教育、就業科技等收集整理，再以通俗輕鬆手法表達，加上年輕人嘅插畫、卡通輔助，希望讀者重新發現香港美好嘅一面，同時借機抒發一些作者嘅個人感想，讓大家想一想，為甚麼同住在香港嘅人，對香港會有那麼截然不同的想法？
作者Law師奶自我介紹，幼時住劏房，要排隊用廚房廁所，有一次「盲舂舂」衝入廚房，結果被熱水嚴重灼傷。小學住梨木樹公屋，首嚐私人廁所滋味。中學入住荔景居屋，見到廚房、廁所分開而覺得好感動。投考香港大學時，本想報讀歷史、文學，但又想改善家人生活，所以喺限期最後一天改報法律，嫁咗一個同班同學，曾經係一名喺大律師行打工嘅小律師，從事訴訟，現在係半退休師奶，擅長做家務，不愛打扮。
Law師奶嘅丈夫，係消委會主席林定國（圓圖），佢本身係資深大律師，為太太新書作序時說︰「對於香港發生的事情，無法不感痛心。香港的問題，有人說是社會問題，有人說是政治問題，我認為是情緒問題。……香港人現時最需要的是定心丸，治療任何情緒病的第一步，想必是認清和接受眼前的有關客觀事實。」佢哋兩口子都話，能夠生於斯、長於斯，十分感恩，所以好堅定話，「我哋真係好鍾意香港。」
Kelly Chu
■《來生再做香港人？》羅列香港三十六項數據，包括衣食住行、文化教育、就業科技等。
回應 (0)
我要發表