運輸署答應會檢視設計 「墜機」 路牌 真係大吉利是!
2020/10/06 04:12:16 網誌分類: 生活
運輸署回覆小妹話,涉事路牌由屯門赤鱲角隧道公路嘅工程隊伍建造,並於近月完成,該路牌係方向指示牌,部份由「三面柱體可變訊息標誌」組成,喺唔同隧道運作情況下,指示駕駛者嘅行車方向,例如當隧道全線封閉時,需要喺迴旋處掉頭,改道經屯門公路前往東涌、珠海及澳門。
運輸署知道公眾對呢塊路牌議論紛紛,正與路政署檢視佢嘅設計,優化入面嘅文字和標誌。
另外,亦有眼利嘅網民發現喺新田公路往上水方向,近錦繡花園出口嘅路牌,亦都出現過「墜機」標誌。小妹希望當局會一併作出改善。
Kelly Chu
■蝴蝶灣附近一塊路牌曾出現「墜機」標誌,事後被遮蓋住。
■近錦綉花園亦有一塊「墜機」路牌。
回應 (0)
我要發表