10月下旬水逆波動期

恒大(03333)擬折讓11-15%配售4.9億股籌81-84億元, 配售可增發1.2億股 本來可令集資增至100-105億元, 惟配股反應欠佳, 結果集資規模大縮水, 並以下限定價, 阿爺發債踢匯控出局, 一眾利淡消息皆不利後市, 當淡友逃命, 好友牛牛上移, 就係港股掉頭向下的時候

港股由9月尾展開反彈浪, 大鱷/大行推高股市必定有目的, 其中一個原因就係推高股價來配股, 另外亦係為了高位派貨, 挾淡屠熊, 大鱷利用好消息(或超賣)來抽升, 但當升勢過急(偷步急升炒政策及業績, 要慎防見光死), 當升過龍或超賣, 大市就會大幅回吐, 大鱷喜歡好淡通殺, 所以港股急升亦會急跌, 急跌就會急彈, 唔會單邊月頭升(跌)到月尾, 港股由9月尾升至10月中, 累積龐大升幅, 已夠水位俾好友大鱷轉身,

由今年一月中起, 恒指最多連升兩周就會收跌, 未見過連升三周, 代表連升兩周累積龐大升幅, 獲利沽壓就會湧現, 目前恒指已連升兩周, 但內地股市黃金周後復市爆升, 或會推動港股連升三周, 打破了慣性走勢,

~~~~~~~~~~~~~~~~~~~~~~~~~~~~~~~~~

中港美三地股市整數大位的魔咒

上証3350/3400, 恒指25000, 國指10000, 道指29000, 納指12000

12/10美股急升, 道指大升250點(已是連升4天), 道指成交突然急增唔係好事, 大成交沖頂冇好下場, 道指挑戰29000整數關鍵阻力大位, 大成交爆上亦有可能係散貨, 因道指通常升3~4天就斷纜收跌, 無論道指抑或納指, 當去到整數大位沽壓會特別大, 美股回吐亦會禍及港股, 因中港股市多數係同步見頂

13/10(周二)港股因颱風休市, 14/10(周三)復市除了反映美股周一急升外, 亦要釋放周二休市的沽壓, 剛好遇上首日的水星逆行, 好淡大鱷角力, 股市必定會有大龍鳳, 要有兩手準備

今個月港股開局先行尋頂, 首6個交易日(1~12/10)當中, 有3次恒指都係一開即插, 即係競價開市位已是全日高位, 大鱷畫陰燭引淡友入局後, 收市往往死唔去, 當天一係收升, 一係小幅收跌, 抖一抖又再破頂殺上去屠熊, 呢種走勢會令股民冷待利淡訊號, 危機意識下降, 誤以為開市即插, 往後會再上攻破頂, 當大市真係見頂回落股民就會走避不及

於尋頂期間如果沽壓大, 收陰燭, 多數係沖高回落, 抹去升幅, 但不會大插跌入肉, 收市跌幅會少過200點, 又或者即市完成調整, 如收跌超過200點或出現連日大跌, 就係見頂訊號, 代表尋頂之旅結束

25/9創9個月新低23124, 已回補1/6的大部份上升裂口23089~23540, 尚餘少許裂口未回補是後患, 不過由於9月波幅2130點已達標, 淡友大鱷就收手(食胡及反手買上), 可能3/11美國總統大選後才回補餘下的裂口, 因為美國大選前後(剛好是水星逆行)金融市場必定會大幅波動

~~~~~~~~~~~~~~~~~~~~~~~~~~~~~~~~~

利淡訊號

今次港股反彈浪係受美元下跌, 人仔急升所推動, 但上周末阿爺出招干預人民幣升勢, 導致人民幣連跌兩天, 而美元於9月尾由94.5樓上碌落山, 近日幾度下試93後拗腰急彈, 美元日圓反彈, 匯債有暗湧, 過去幾日人仔港匯強, 老外大手掃A股, 小心當資金流有變, 老外就會走貨, 拖低中港股市

恒指已收復多條重要平均線, 全城看好反而要小心, 燈神梁蛇近日亦不斷追貨至重倉, 以及繼續唱好後市, 早前燈神清倉, 港股就見底, 如今重倉, 係利淡訊號, 有基金經理表示近乎滿倉買上, 市場太樂觀唔係好事, 散戶要有兩手準備, 由於中港美股市通常係同步見頂, 要留意中美股市何時見頂, 好友不要凈係向上望, 要密切留意匯市變化, 對港股升跌起關鍵作用

10月上旬港股一路殺上去, 近日已出現暗湧, 月中係回吐的時間窗口, 睇住港股溫度計QQ就知港股點走, 如跌穿上日低位就係警號, 月中14/10水星逆行開始就要特別留神, 不過如市強, 回吐後就會破頂而上

歐美英加等多國的新冠肺炎疫情進一步惡化, 全球經濟形勢不容樂觀, 反映經濟的波羅的海乾散貨指數(BDI)10月初急升, 港股亦重上10及20天線, 但BDI於7/10見頂回落, 連日急挫, 係利淡訊號, 但侵侵的托市盤扭曲了股市表現, 股市唔跟BDI落山, 但亦要小心這種虛火上升未必能持久, 股市最終要跟隨BDI向下走, 10月收升後, 11月就危

今次反彈浪, 由低位23124拗腰上山, 市強由低位彈1000~1300點上24200~24500, 呢一浸上到24800水平已超標完成任務, 24600~24800係多條平均線所在, 阻力非輕, 呢個水平獲利沽壓會大增, 如作出回吐, 只要守得住24000~24200, 試完底就會再沖頂, 大方向要上25000

財經日誌

市場本來預期螞蟻集團有望在10月中旬開始招股, 擬滬港同日定價, 不過因賤美研究限制騰訊、螞蟻集團支付平台, 涉「威脅國家安全」, 

特朗普於14/7簽署實施《香港自治法》，可制裁中港官員及與他們有業務往來的金融機構，美國國務院必須在法案生效的90天向國會公布制裁名單，期限將在周一(10月12日)到期, 市場憂慮滙豐及渣打會否受牽連

美股10月踏入業績期，摩根大通(JPM)和高盛(GS)等金融股將率先放榜, 小心見光死

行政長官林鄭月娥宣布,押後原訂周三(14/10)在立法會發表的新一份《施政報告》

習近平將於周三(14/10)早上在深圳出席深圳經濟特區建立40周年慶祝大會, 憧憬習近平南下將發表重要講話

美國總統辯論委員會宣布, 15/10(周四)舉行的第二場總統大選辯論,將以視像形式舉行, 不過侵侵拒絕出席, 其後委員會決定取消, 只安排22/10一場辯論會

港交所10月19日實施市前時段優化措施及ETP上市日市前價格限制

美國參議院全體議員10月19日重返國會後,將着手審議一項援助議案,

匯控10月27日公布今年第3季盈利

市場憧憬26~29/10召開的五中全會將有推動經濟發展的政策出台

2020年第三次水星逆行：10月14日至11月4日, 臨近3/11美國總統大選, 金融市場會大幅波動

平保旗下財富管理公司陸金所已向美國證券交易委員會(SEC)上市申請

<匯港通訊> 美國首都華盛頓地方法院法官9月27日發出臨時禁制令，阻止聯邦政府將TikTok下架，而最新訂出11月4日進行聆訊，意味TikTok在11月3日總統大選前不會下架。另外，他將決定商務部11月12日禁止TikTok在美國進行活動的命令是否合適。