途人怒斥「污染香港」 山澗當露天浴堂 大媽旁若無人裸浴
2020/10/17 04:12:06 網誌分類: 生活
從影片可見，一名全身赤裸、身形肥胖嘅女人蹲喺山澗旁嘅儲水池浸浴，旁邊仲放咗一堆物件、沐浴露等，途中有男士經過，該名女士仍然不理。片段又傳來另一把女聲，斥責涉事女人「喺度剝晒衫褲沖涼，啲人行過又唔理喎，點可以咁樣㗎，簡直係污染香港啦！」
有網民質疑該水池於水泉澳邨後山溪澗，但沙田區議員丘文俊稱，曾到水泉澳邨對上山頭視察，都幾肯定唔係，因為水泉澳山頭嘅溪澗天然而成，唔會有片中拍到有石屎建築嘅「浴池」。
喺公眾地方暴露身體任何部份屬犯罪行為，一經定罪最高可處罰一千港元及監禁半年，小妹奉勸大家切勿以身試法！
Kelly Chu
■一位體態肥胖兼全身赤裸嘅女人，無視途人目光，喺山頭一個戶外水池浸浴。
回應 (0)
我要發表