嬸嬸早餐侍候兼掃背 野豬家族個個肥嘟嘟
2020/10/19 04:12:09 網誌分類: 生活
韋然經常一早由鰂魚涌行上畢架山，俾佢見到有嬸嬸同野豬家族老友鬼鬼，用把傘幫大肥豬掃背，大肥豬仲舒服到攤喺地上，當佢起身跟住嬸嬸，嬸嬸就話︰「畀咗條粟米你食啦，仲跟住我。」大野豬好乖，完全無攻擊性。
韋然話，有人每天都帶啲食物上山餵豬，搞到啲野豬一家大細定時定候出來等候，人豬感情好好咁話。
餵食野生動物或犯法
場面雖然溫馨，但餵野生動物可能犯法㗎！法例禁止喺好多郊野公園餵野生動物，雖然暫時唔包括畢架山，但喺禁餵區外餵飼野生動物，若餵飼時弄污公眾地方，食環署可以引用公眾地方潔淨及阻礙條例，向相關人士發出定額罰款通知書。
為免受檢控，大家都係唔好餵。同埋，餵野豬會令佢哋加快繁殖，亦會影響郊野生態。
Kelly Chu
■嬸嬸用把傘幫野豬掃背。
■野豬舒服到攤喺地上。
回應 (0)
我要發表