野豬站長室外等候 等緊人餵嘢食? 2020/10/24 04:12:20 網誌分類: 生活 24 Oct 近日經常有野豬現身鬧市,除咗曾被發現喺隧道、港鐵站出口等出沒外,有市民網民喺facebook群組「西環變幻時」上載相片,指喺堅尼地城巴士總站發現一隻野豬企喺站長室門口。隻野豬身形肥大,將頭伸進站長室內,路過市民紛紛舉機影相。 網民留言大讚豐滿嘅野豬「冇周圍衝好乖」。亦有不少網民為野豬設計對白:「冇八達通點算」、「我咁嘅身形,搭車使唔使畀雙倍?」 部份網民懷疑野豬等緊其他人畀嘢食。有人解畫指,野豬其實經常走到站長室門外,有人曾經餵飼食物,野豬就會經常回來。Kelly提提大家,唔好餵飼任何野生或流浪動物,亦唔好驅趕,以免因挑釁而有危險。 Kelly Chu 回應 (0) 我要發表 發表回應 會員回應 私人回應 名稱 密碼 登入並發表回應 新會員登記 取消