帶刺猬酒店「打卡」被阻港女呻不滿被網民鬧爆

2020/10/27 04:12:21 網誌分類: 生活

27 Oct

        　　香港人無法外遊，唔少人玩「Staycation」，但有人真係玩得過份。近日一名港女喺社交網站發文，大呻酒店唔准佢帶寵物刺蝟進入泳池，點知帖文一出，就俾網民鬧爆。

        　　呢名港女日前帶住寵物刺蝟入住旺角一酒店度假，期間佢去泳池游水，拿刺蝟帶出來「打卡」，酒店職員見狀阻止，要求佢收起刺蝟。呢個港女喺社交網站用英文發文宣洩不滿，指職員並冇告知酒店政策不容許刺蝟進入酒店，又以粗言穢語大罵酒店：「我的寵物有甚麼問題？這個世界發生甚麼事情？連一個小動物都不能容納嗎？請尊重我的寵物，嘔心的人類」。

        　　有前酒店員工喺網上發聲，指酒店政策已列明不允許酒店以外嘅寵物進入酒店範圍，指責港女橫蠻無理。其他網民紛紛批評港女，佢可能知道自己理虧，隨後刪除社交媒體上所有涉事嘅帖子同相片。

        Kelly Chu