13/11 三連跌反彈在望

2020/11/13 20:34:32 網誌分類: 經濟
13 Nov

新經濟股觸底回升, 報復式反彈, 舊經濟股回氣, 部署屠熊

13/11周五恒指收26156, 跌12點, 連跌3日收陽燭, 反彈在望

10/11恒指見短頂26474後作出調整, 下殺小牛99張, 按照慣性走勢, 市強落山食1~2口牛就會反彈, 不會深潛, 下周如想守住今日低位25909,以最少600點周波幅來推算,就要上破26500, 如受阻而回, 就要再下試26000水平

港股周初彈高後連日回吐, 於25909~26474窄幅上落, 貼價牛熊通殺, 上攻26500, 下試25800~26000, 15國簽定RCEP貿協, 疫苗成功研發以及侵侵翻盤機會愈來愈細, 都係利好消息, 不過侵侵簽署行政命令禁止美國資金投資31間中國企業, 拖累相關電訊及基建股大幅下挫, 利淡消息會拉住港股後腿, 看來侵侵有意在明年一月離任前的最後兩個月盡地一煲, 加強打壓中國的力度, 或會挑起台海戰爭, 留低蘇州屎俾拜登

今日內銀內險油企A股急瀉, 老外大手沽出A股, 拖低相關H股, 不過只要A股回穩, 下周一作出反彈,港股向上動力就會增強, 因為中港股市通常係同步見底頂, 港股已收復所有平均線, 反覆向上勢頭仍在

本周港股收窄升幅, 消化沽壓及超買, 反而有利下周反彈, 恒指連跌3天, 上証連跌4天, 按照慣性走勢, 恒指及上証通常連跌3~4日就反彈, 好友等利好催化劑出現就會彈上去收復失地

9/11上升裂口在25800~25950, 今日回補至25909即彈, 好友力守25900~26000水平, 大鱷刻意未有全數回補整個裂口, 目的係令淡友有錯覺以為未見底, 結果大鱷成功引淡友入局, 小熊大幅下移至26200~26500, 26500樓上有肥熊, 如上破26500阻力位就要小心大市要調整

日前港股超買, 因而預測本周會插穿26000/10500來擴大周波幅, 今日一如所料, 插穿整數關口低見25909已回補部份上升裂, 市底強, 低位一瞬即逝, 反映投資者看好後市

~~~~~~~~~~~~~~~~~~~~~~~~~~

試完底就會再沖頂

恒指由高位26474回吐至今日低位25909, 累計下跌565點, 如未見大頂, 通常由高位回吐600~800點就會止跌回升, 震完倉就會破頂, 按照慣性走勢, 沖頂打回頭要尋底, 試完底就會再沖頂,

尋頂市通常每周都會有新高, 本周高見26474, 大鱷刻意留力, 攤開來推升, 留待11月下旬逐步向上推進, 好過月初見大頂惹來沽壓一路碌落山

以1700~2300點一般月波幅以及量度升幅計, 上望26500, 本周高見26474已達標, 如跟今年1月的超大月波幅2900可見27100(阻力: 頭肩底量度升幅26500/7月頂26782)

中港股市日前於26474/10707/3387見短頂, 9/11美股見頂, 10/11上証見頂3387, 恒指亦同步見頂26474, 中港美三地股市同步見底頂, 所以港股亦無法創新高, 後市只要中美股市破頂, 又或者有強烈利好消息, 港股就能創新高

本周好友托住大市來消化沽壓, 等中美股市爆上, 按照升跌日數韻律, 本周港股跌市日多, 下周就會補漲, 恒指已連跌3日, 反彈在望, 本周大鱷忍忍手, 留力下周才踢高港股, 目的係維持頂部上移的尋頂勢頭

恆指季檢入成份股新貴美團、百威亞太、明源雲、網易等股份, 下周或會大幅波動,港股連升兩周, 本周初港股創月內新高後回吐, 每日都係即市完成調整, 小幅收跌, 反映買盤強勁, 好友仍未放手, 大鱷為了收窄港股跌幅, 於收市U盤將QQ踢上全日最高位$602收, 呢種走勢會令下周一獲利沽壓增加, QQ由本周低位$551彈上$602, 短短兩日累積急升$51, 由於科技股走勢轉弱, $600未必能企穩

~~~~~~~~~~~~~~~~~~~~~~~~~~~~~~~~~

美元回落.人幣回升.利好股市

本周港股回調整固, 消化沽壓, 儲力向上, 一如早前預測, 大鱷托住指數由得急升股落去補裂口,

市強低位會一瞬即逝, 不會在低位徘徊, 近來大鱷多數玩即市調整, 尾市及收市U盤踢高收, 由5/11起每日收市U盤都走高, 好友護盤推升態度明顯

由中國牽頭14國(日本.澳洲.南韓.新西蘭及東盟十國)於15/11簽署RCEP《區域全面經濟夥伴關係協定》(RCEP)超級貿易協定(台灣因而被邊緣化), 有望大減關稅, 這聯盟佔全球GDP經濟總量的三分一, 加上中國經濟復蘇形勢冠絕全球, 熱錢流入新興市場是無可置疑,並非中港股市獨強

港股已收復所有平均線,反映本月由好友主導, 冷待利淡消息, 大市往往係一插即彈, 收升月多數在該月下旬創月內新高, 應市策略係趁低吸納, 逢跌買上博破頂

港股低位買盤積極,似係看好疫苗有助經濟復甦,所以大手掃貨,唔似係短炒買盤, 可能係睇中長線, 新舊經濟股輪流推升, 力撐大市, 拜登曾表示上任後會取消貿易戰, 市場對這利好消息充滿期待

呢種資金市通常係強股急升後就回吐,由落後股接力,當強股唞夠就會再起動,以輪動方式接力推高大市,

受阿爺打算推反壟斷法, QQ由高位累計回吐逾80元, 11/11低見$551, 當好友死得七七八八, 淡友回補空倉就急彈, 於高位已減磅的大媽趁低大手吸納, 炒業績, QQ業績果然亮麗, QQ連續兩日急升, QQ見底, 代表港股亦見底

美元於93.2打回頭, 失守93大關, 利好股市,人民幣連跌三天後亦止跌回升, 結束三連跌, 反彈153點子, 收6.6144

周二三(10~11/11)新經濟股急瀉,似係為了殺好友/逼人止蝕斬倉而刻意直插深d, 係蓄意謀殺大震倉, 持貨者斬倉/止蝕/被屠, 插完就急彈, 好淡通殺, 宅經濟的科技股受政策及疫苗成功研發拖累, 走勢的確已轉弱, 大鱷大媽都派緊貨, 基金經理及唔少專業投機客於螞蟻出事後都紛紛減持新經濟股

今次新經濟股暴跌令投資者有戒心, 因而減新經濟股比重, 換馬落後的優質舊經濟股, 亦有基金經理沽出新經濟股換入盈富基金, 一則可避險, 二則可確保不會跑輸大市, 三則保持倉位水平, 由10/11科技股急挫那天起, 每日都見資金大手掃盈富基金, 基金經理及中長線投資者正在部署明年的倉位, 執倉後就可安心放聖誕新年假期

周三QQ以全日最低位$551收, 周四大裂口以$570開出, 今日(周五)再爆上, 沒有在昨日低位徘徊, 低位一瞬即逝, 守得住$550, 利反彈

有侵侵律師團隊退出及於個別州份要求重點選票上訴失敗, 侵侵號召粉絲上街示威, 抗議選舉舞弊,或會引起暴動,拜登賀錦麗陣營亦係反華份子, 相信會繼續打壓中國, 後市仍有隱憂

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

16/11周一恒指收26381, 升224點, 醞釀破頂, 部署屠熊

最新回應

c6
c6 2020/11/23
@soho*...

大元帥

你有無見到

紅底金字的口罩😷

我今日無出街無發現

c6
c6 2020/11/23
@soho*...

大元帥好

唔好勞氣

保重身體

放假在家

好好享樂

如果屋企人

有食物供應

少出街安全啲

c6
c6 2020/11/23

soho* 2020/11/22 00:59:28 回覆

我自住一間千呎豪宅,另外有兩個物業收租,户口流動現金三億元(發夢中),希望日日拜神就能得償所願

都係打機的錯

原來你有出現

我住的地方很細

我間房只有幾十呎

羨慕你的千尺豪宅

soho*
soho* 2020/11/22

對於跳舞群組所引起的第四波疫情, 我感到非常憤怒, 始作俑者違反政府的防疫措施, 令疫情於社區大爆法, 現時已有數百人出事, 可能會陸續導致數千人受感染, 千百億元的香港經濟損失, 自私的人以為戴口罩就會百毒不侵, 白痴及無知

{#iconb_3134}

自私的香港人實在太多了, 罪魁禍首必定會有報應