「日日運動身體好」就係人都知,不過你又有冇恒心keep住先?疫情期間,除咗要做好防疫措施,都要做運動,保持身體嘅抵抗力㗎。話你知,香港心臟專科學院今年推出咗全新形式嘅「世界心臟日2020健心跑」,活動由即日起至12月14日,以線上嘅方式進行,仲特別搵咗本地人氣卡通「阿讚貓」擔任吉祥物,同全香港人一齊Run for Heart。網上進行嘅活動唔使再受時間地域限制,只需使用任何品牌嘅智能手錶或手機應用程式,就可以將運動軌跡記低,再上傳至網站就得,咁就可以無論幾時都可以做運動強心啦!想了解多啲,上https://www.worldheartdayrun.hk/睇吓啦!