23~26/11 部署高位結算

2020/11/23 23:06:43 網誌分類: 經濟
23 Nov

聚頂托沽挾淡.消化沽壓.結算周轉倉活躍

23/11周一恒指收26486, 升34點, 挾淡屠熊, 繼續尋頂

24/11周二恒指收26588, 升102點, 部署高位結算

大鱷未殺上26800好明顯係留力引淡友入局(過去幾日高位26630, 26662, 26564, 窒窒步推升), 26700樓上熊熊愈養愈肥, 只要上到27000大鱷就可殺熊約4000張, 大鱷拖得一日得一日, 肥熊已埋位待屠, 恒指由20/11起, 每日底部上移, 推升尋頂勢態明顯,

港股愈升愈有, 已收復所有平均線, 勢頭向上, 呢兩個月港股處於大升浪, 因美國大選/新冠肺炎/黑暴亂港等陰霾已逐步消散, 疫苗及各國推出刺激經濟措施提振市場信心, 睇下避險的美元及金價跌到阿媽都唔認得, 美國十年期債息一直處於0.8%之上, 恐慌指數碌落山, 就知道資金流入股市有多熾熱, 以及市場的樂觀情緒有多高漲,

收升周多數在周三四五創該周高位, 即係港股仍未見頂, 中港美三地股市多數係同步尋頂, 後市只要中美股市破頂, 又或者有強烈利好消息, 恒指就可借勢爆上, 上周恒指創今年最細周波幅427點, 代表大鱷刻意壓住升勢, 養熊引淡, 來部署結算周挾淡爆上27000, 大龍鳳即將上演

中國科企係美國打壓的主要對象, 加上反壟斷法的陰霾, 科技指數於9/11見頂8524後不但一直無法再創新高, 更一度失守8000水平, 皆因消息面利淡, 市盈率太高, 升過龍, 業績後見光死, 高位獲利沽壓湧現, 連大媽都趁高沽出宅經濟科技股, 派貨/換馬手影明顯, 反觀市盈率低, 落後的地產內房金融資源商品等舊經濟股見買盤, 

上周(16~20/11)恒指(收升收陽).國指(收升收陰).科指(收升收陰), 港中企業周線率先收跌, 反映中資股動力不繼, 大鱷大媽滲緊貨出街, 幸好新舊經濟股交替撐市, 加上有追落後買盤, 就算超賣股份大跌, 但指數仍能高企不下, 好友連撐部署高位結算

港股反覆上升, 但其實唔少股份都急升暴跌, 大鱷玩緊好淡通殺, 有資深投資者表示, 港股係風高浪急, 雖然看好後市, 不過短炒入市不要太進取, 12月年尾基金亦有誘因趁高沽貨套現來派息及應付贖回, 有基金/大戶沽出升過龍的科技股止賺埋年結, 換馬落後舊經濟股及盈富基金, 因盈富大包圍新舊經濟股, 穩打穩扎, 不會跑輸大市, 基金經理就可安心放聖誕新年假期

一如日前所說, 好友大鱷往往於尾市及收市U盤踢高收, 由5/11起每日收市U盤都走高, 只得一日(19/11)例外, 當天匯市大幅波動, 好友頻頻於尾市及收市U盤做手腳, 推升態度明顯, 後市當收市U盤冇踢高就要小心

11月由好友主導大市, 尋頂市每周都會有新高, 預示後市會繼續尋頂, 大鱷冇一步到位爆上26800肥熊區殺雞取卵,養多一日淡友熊熊會增肥, 扮見頂壓住升勢,就可預留多些空間後市頂部不斷上移, 陰d陰d推升來營造屢創新高的利好形態, 引股民高追接火棒, 幫手推高大市

~~~~~~~~~~~~~~~~~~~~~~~~~~~~~~~

靜候中資股追落後

疫情下經濟不景, 企業債務違約潮起, 加上年尾資金需求大, 企業水緊, 債務危機是隱憂, 怪不得內銀見沽壓, 幸好內銀價殘, 每次回吐都見趁低吸納買盤, 河南省國有大型煤炭企業永煤集團債券違約, 阿爺打壓內房政策, 都利淡國指, 恒指頻頻創新高, 23/11再創新高26662, 國指雖然走弱, 但終於追落後, 24/11亦突破9/11頂10707, 高見10710已做夠一般月波幅, 如做超大月波幅可見11000, 侵侵制裁中資股令投資者有戒心, 其實唔少優質中資股仍未收復所有平均線, 落後大市, 只要投資者肯追落後掃中資股, 就能推動港股更上一層樓

上証表現亮麗, 創月內新高後進一步突破阻力大位3400, 24/11收3402, 不過今日(周二)內銀內險A股見明顯沽壓, 拖低相關H股, 國指因而收跌54點, 收報10612, 過去幾日老外都掃A股, 當老外沽出A股就要小心, 牛牛正不斷上移至26400水平, 當大鱷食飽肥熊就會落山食牛扒

恒指今年多數有1700~2300點月波幅, 上到量度升幅目標26500有約2300點月波幅已達標, 所以月中升抵26500獲利沽壓湧現, 不過港股在高位窄幅波動, 高企不下, 大市往往一插即彈, 即市完成調整, 反映買盤強勁, 似係我早前所說熱錢流入, 投資者入貨部署明年倉位炒復蘇, 當然亦有可能係大鱷仍想殺上27000, 以及部署高位結算, 所以咬住高位唔放

美國大選/疫苗等好消息已炒得七七八八, RSI亦處於超買水平, 港股向上動力轉弱, 在高位整固, 好友大鱷等緊新的利好消息做催化劑殺上26800~27000, 短線阻力: 頭肩底量度升幅26500/7月頂26782, 如跟1月做2900點超大月波幅11月目標可見27100

今個月已是第8次恆指開市後創即市高位就碌落山,大鱷不斷畫見頂圖表來誤導股民, 係大鱷引淡友入局的手法, 好友當道, 水浸市場, 11月逢跌買上好過造淡,短線來說,坐好倉及優質股博上27000食胡, 大媽想止賺出貨就會踢高股價, 26800係超級大位,只要有超肥熊,加上利好消息就會爆上,通常係靠挾淡,逼淡友回補空倉,港股磨咗咁耐,沽空愈來愈多,當時辰一到就會殺上去

~~~~~~~~~~~~~~~~~~~~~~~~~~~~~~~

資金流入炒經濟復蘇

呢兩個月元帥直唱好港股, 建議逢跌買上,皆因睇盤路見中長線投資者/大鱷於低位掃貨,等食大茶飯的格局, 升幅必定龐大, 但普遍散戶唔信今次港股的升浪,看淡造淡,死傷無數, 元帥早已說游資流入新興市場, 中港股市會受惠,昨天連陸Sir都說外資加注亞洲,與元帥的看法不謀而合, 近來台韓股市屢創新高, 相信就係熱錢的威力

舊經濟股份如未去到7月初水平(當時恒指見26782)則見追落後買盤暗暗吸納, 明年主調是炒經濟復蘇, 市場認為今年最壞的時期已成過去, 睇過去一個月的盤路, 資金趁低吸納舊經濟股, 憧憬疫苗進展或令全球經濟復甦較預期快, 基金經理仍看好後市, 皆因中國係全球經濟復蘇表現最亮麗的國家, 唔少老外的基金都部署投資亞洲中國市場, 這就可解釋為何中港股市由低位大幅反彈後仍高企不下, 就算有壞消息仍跌唔落

第二三季港股受政局不穩, 黑暴亂港, 國安法出台拖累, 資金流走, 導致恒指不斷插穿23000水平, 不過9月尾低見23124就止跌回升, 重拾升軌, 皆因10月份資金開始慢慢重新流入中港股市, 踏入11月份, 受美國大選陰霾影響, 擔心美國動亂避險熱錢加速流入, 所以10月份恒指升648點, 而11月就升超過2500點, 熱錢愈多, 港股升幅愈大, 過去兩個月港股強得不尋常, 就算美股兩度災難式插千點, 螞蟻延後上市, 強烈利淡消息下, 但港股仍能一插即彈, 屢創高位, 要擔心的是熱錢來也匆匆, 去也匆匆

11月港股埋單大升已無懸念, 12月份港股表現就要睇資金流, 如熱錢再湧入或留港炒作, 恒指就會守住26000繼續向上推進, 27000.27100.27500.27700...., 如熱錢撤退, 就要下試26000, 落去回補上升裂口

中美打算推反壟斷法, 受螞蟻延後上市及美國訴訟拖累的阿里有好消息, 阿里旗下的阿里雲與中關村科服、北藥交易中心合作打造One Campus數智園區,上周五(20/11)阿里於美股市場急升4.1%,周一(23/11)港股時段跟隨急升4.35%,收$264, 周二(24/11)再下一城, 收$270, 不過分析認為阿里由$245急彈重上$270, $275會見阻力, 上升空間已收窄, 而QQ$590~$600阻力亦大, 因為30/11 MSCI調動, 基金亦要因應比重而沽出部份QQ持倉, 所以未來幾天QQ或會見沽壓

~~~~~~~~~~~~~~~~~~~~~~~~~~~~~~~

拜登效應

國指受侵侵宣布明年1月11日起禁止美國機構投資解放軍關連企業股票拖累, 表現遜恒指, 侵侵計劃於未來數周對中國實施多項更強硬措施, 台海局勢緊張, 成港股後市隱憂

侵侵雖然沒有正式承認落敗, 但美國國務院已開始交接程序, 新人事新氣象, 市場瀰漫樂觀情緒, 資金湧入股市, 資源商品金融等復蘇概念股均見買盤追入, 炒新能源股係拜登效應, 市傳耶倫婆婆做新財長,市場反應正面

有分析指3/11美國大選後, 由於拜登勝算機會極高, 金融市場反應正面, 嚇到淡友大戶紛紛反手造好買上, 這就可解釋到為何港股見利淡消息都跌唔落, 一路殺上26000仍高企不下, 反映好友主導大市, 而6/11後於25800附近才建好倉的大鱷就力守25800~26000水平, 呢批好倉點都要食千點吧!

根據統計, 以往美國大選3個月內股市都係向好, 睇基金經理的樂觀態度, 就會明白為何港股好像對壞消息免疫, 總係一插即彈, 港股升底量度升幅目標以往都會大幅回吐, 但今次卻咬住高位唔放, 而且每日成交都超過$1300億, 多位基金經理都表示如見回吐, 就會趁低吸納,

周一(23/11)恒生科技指數相關認股證牛熊證及期權出台, 券商發行百多隻科指牛熊及窩輪要買科企做對沖, 這些技術性買盤係科技股仍受追捧的原因之一, 加上大媽的科企買賣盤, 就導致科企急跌急彈, 期貨分析師表示,當券商完成部署, 科技股就會失去這些買盤支持

恒指本周初高低位26369~26662, 周波幅只得293點仍未達標, 預示周三四五會創新高來擴大周波幅, 如好友健在, 就會推高結算, 周五(27/11)就會收於26451之上, 未來幾日如沖高回落, 跌穿26451/26369/26313代表市況轉弱

過去17個交易日恒指12升5跌, 升多跌少, 不過要小心未來4個交易日不會全升, 因為通常每月最少跌7日, 如今只係跌了5天, 施政報告(25/11周三).結算前夕(26/11周四).結算日(27/11周五)及 MSCI調動30/11(周一)

~~~~~~~~~~~~~~~~~~~~~~~~~~~~~~~

11月好倉底

按照慣性走勢月中係回吐的時間窗口, 上周應收跌, 回一回再上,但周日(15/11) 15國簽定的RCEP貿協就煞停了調整,港股觸底回升,再展升浪, 恆指繼續底部上移,陰啲陰啲推升, 挾淡屠熊

於尋頂期間, 大鱷用輪動方式推高大市, 急升股回吐, 落後股接力上, 來維持頂部上移的走勢, 一路窒窒步升, 一路養牛熊, 新舊經濟股交替推升, 大鱷似乎想用拖字訣, 唔想大市太快於月中就飛出外太空, 因為26800係關鍵大位, 27000係整數關口, 阻力非輕, 衝上去勢必惹來沽壓, 倒不如用拖字訣, 月尾結算周才爆上, 到時熊熊及淡友就會養到肥騰騰, 亦可在高位結算

拜登當選/疫苗/RCEP等好消息已消化得七七八八, 大鱷等緊新的利好消息(美國紓困措施.施政報告,拜登新內閣名單.耶倫是財長人選)來做破頂催化劑, 施政報告前炒起地產股, 地產股突然急升,係炒放寬按揭成數, 有報道指中央將擴大「互聯互通」合資格股票範圍,南下資金可買賣在港上市的生物科技股及第二上市公司

下周五(27/11)期指結算, 睇今個月盤路, 11月係好倉底, 大漲小回, 每周都能創新高, 而收市跌幅每次都係少過200點, 如跌超過200點就係見頂訊號, 按照慣性走勢, 如未見頂, 回吐震完就會收復失地並破頂, 恒指能走多遠睇美股及上証, 因為中港美三地股市多數係同步尋頂, 同步見頂, 好友要等新的利好消息才能突破26800關鍵阻力大位

正不斷上移的10天線在26400附近, 是好友大鱷的第一度防線, 如不推升就會跌穿10天線, 所以未來幾日就要挑戰前頂26782及關鍵大位26800,

老外由18/11起就日日掃A股, 有調查顯示基金大戶因為拜登當選而加碼投資亞洲新興市場, 相信中港股市會受惠資金流入, 人民幣強利好中港股市, 所以好友大鱷力守26000, 以窄幅橫行來消化沽壓, 來代替深度調整, 部署周五結算位,

上周內地股市除了創業板收跌外, 其他指數表現亮麗, 上証不但站穩3350, 更突破向10/11頂3387及3400整數關口, 按照慣性走勢, 只要上証破頂, 港股就會跟隨破頂, 同樣地, 當上証見頂, 港股亦會跟隨見頂回落

{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}

25/11周三恒指收26669, 升102點, 部署高位結算

今日恒指雖然沖高回落, 收窄升幅, 但升穿7月高位26782, 是向上突破, 亦是連續兩日收於26500之上, 反映好友仍未放手, 正在部署後日(周五27/11)高位結算, 基金經理表示會繼續新舊經濟股交替輪流炒, 短炒倉快進快出

科技新經濟股於疫情爆發期間大受追捧因而升過龍, 高位見獲利沽壓, 公布業績後往往見光死, 所以港股突破26500/10700後動力不繼, 加上超買, 理應回吐, 但受周五結算因素影響, 以及新經濟股流出的資金轉投舊經濟股, 接力撐市, 大市不但跌唔落, 更穩步上揚, 好友借勢咬住高位唔放, 今日謠傳施政報告會宣布住宅樓減辣, 夾硬伸一腳上27040/10738創今個月新高, 挾淡屠熊, 真係陰毒

昨晚道指創新高30116, 帶動中港股市亦同步創新高27040/10738/3423, 不過中港美三地股市同步沖高回落, 資金市水浸市場, 後市港股再創新高不難, 能走多遠就要看中美股市表現, 如中美股市續升, 就可推動港股於12月挑戰27700~28000水平, 不過受年尾企業/基金水緊影響, 估計後市中港美三地股市獲利沽壓會增加

今日老外沽出A股, 拖累上証大跌40點, 收3362, 仍力守3350大位, 國指連跌兩天, 今個月國指兩連跌例彈, 預示明日國指會作出反彈

今日高位27040為25/2以來新高, 早前曾推算如跟今年一月做超大月波幅可見27100, 今次做了2808波幅見27040亦已達標, 好友11月超額完成推升任務, 夠水位食胡

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

26/11周四恒指收26816, 升149點, 連升5天, 結算前夕部署高位結算

今晚美股感恩節休市, 明日期指結算港股自由行, 大鱷點玩都得, 今日結算前夕, 好友在收市U盤例牌踢高港股, 恒指國指科指三大指數以全日最高位收, 推高目的係部署明日於26700/10600附近結算, 踢高亦可預留回調水位, 確保明日畫周線收陽收升, 只要收26451/26659/10553/10646之上, 港股就連升4周

可能係受京東健康等多隻IPO招股抽資所拖累, 今日港股升市成交縮, 明日有周末沽壓效應, MSCI調動相關股份亦會偷步買賣, 今日已有資金炒下周一美團公布業績, 結算日市況難測, 今個月的升浪多數係即市調整或小幅收跌, 抽高再插, 不會跌入肉, 如果好友明日力撐結算, 就要小心下周一才收跌, 因為MSCI調動牽涉股份太多, 好友將難以穩住大市

恒指高見27040已做夠11月波幅, 但國指只係高見10738, 未來幾日國指仍有可能破頂, 因11月國指落後, 波幅跑輸恒指, 今日內銀AH股皆見資金追入, 有助穩住大市

施政報告並沒有放寬住宅樓措施, 昨日急升的地產股反艇, 大鱷就推高科企, 繼續以輪動方式來接力撐市, 好友托市態度明顯, 點都要撐埋明日結算

QQ$590~$600阻力大, 30/11 MSCI調動, 基金亦要因應比重而沽出部份QQ持倉, 未來兩天QQ沽壓會進一步加劇

本周恒指日日高開高收, 只要明日低開, 就係淡友反擊訊號, 按照今個月恒指的慣性走勢, 如低開就會低收, 不過明日期指結算, 亦有可能扭曲慣性走勢, 由於本周恒指已升了4天, 明日如仍收升, 就打破了恒指不會全周日日升的慣性走勢, 跌市或會延後至下周一(30/11), 恒指已連升5天, 今年恒指最長係連升7天, 港股高處不勝寒, 要有變盤的心理準備

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}


周一(23/11) 日本勤勞感谢日, 日股假期休市

周三上午(25/11) 施政報告

周四(26/11) 感恩節,美股休市

周四(26/11) 美國聯儲局公布4~5/11政策會議記錄

周五(27/11) 美股半日市,當天港股期指結算

周一(30/11) MSCI 調動、黑期結算、基金月結

市傳美國德國英國料最快12月展開新冠疫苗接種

拜登將於明年20/1/2021入主白宮, 拜登將於周二(24/11)公布首批內閣官員名單, 市傳耶倫是新財長人選, 14/12選舉人團投票日

因頭條網登入時常出問題,所以另設後備留言區

SOHO網友備用落腳點~留言

https://sohofriends.blogspot.com/2020/11/111122.html?showComment=1606103051614#c8623609630816391171

https://sohofriends.blogspot.com/2020/11/111114.html#comment-form

最新回應

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏

史哥
史哥 2024/03/27
@門徒...

門徒~

保證資金~咪即係你户口要確保要有嘅金額囉~

如果低過的話~會被迫強行斬倉 跟現實期期一樣~

因為有桿杆~

至於~手什麼美元手續費係咩~就唔知喇~可能係美股買賣交易手續費? {#icono0_33}

你有咁多問題~自己問客服啦~或者入群啦⋯⋯ {#iconb_23}