3/12 聚頂派貨

溫水煮蛙式派貨

3/12 周四恒指收26728,  升196點

今日港股反彈, 大鱷又係用輪動方式撐市, 推高大市有可能是為了預留波動空間, 因為明日港股有周末沽壓效應, 亦係恒指季檢調動日, 牽涉大量成份股, 減比重的股份沽壓會大增, 美團染藍會見買盤, 在被動買賣盤的影響下，股份升跌及收市U盤會立立亂，市況會較波動, 成交會急增,

以往恒指一般周波幅有800~1200點, 但近來波幅收窄, 11月最後3周恆指的周波幅只得565點、427點、671點, 本周恆指高低位26322~26961, 波幅638點已達標，本周可以炒細波幅, 明天唔爆邊都得, 回顧11月中港股沽壓大，但當時大鱷想守住26200，就托住大市，於周初的三天內就做了該周的高低位，當時全周只得427點超細波幅, 反映大鱷操控港股的能力已達神級, 咬住高位引牛熊入局, 部署好淡通殺以及派貨

上証昨日創高位3465後無以為繼, 連續兩日收3450大位之下, 今日底頂下移, 收3442, 跌7點, 連跌兩天, 惟跌幅不大, 可能係因為外資仍繼續流入A股, 令內地股市低位見承接, 內地股市回吐拖累國指今日大幅跑輸恒指, 國指收10586, 僅升12點, 今日港股雖然收升, 但下跌股份比例高, 好友大鱷/基金/大媽托沽手影明顯, 因為見大市跌唔落, 股民就會入市炒作

``````````````````````````````````````````````

恒指連日底部上移, 好友守關態度明顯, 已是連續3天收26500之上, 縱有沽壓, 仍能急跌急彈, 今早國指低見10531，創本周新低，好友自從16/11 一直守住10500, 配股潮起，大行有誘因托市, 投資者普遍看好後市呈反覆上升尋頂勢頭, 回顧今次升浪曾遇上美股暴跌, 港股科指插水, 螞蟻上市臨尾香, 但港股一插即彈, 反覆走高, 直到升抵27040才見頂回落, 數據顯示11月流入新興市場股市資金高達398億美元, 流入債市資金高達367億美元, 熱錢四圍炒, 怪不得港股往往死唔去,

港股11月升勢過急, 累積龐大升幅, 27040/10886已見短頂, 目前正處於消化沽壓的調整階段, 跌下彈下, 配股潮以及侵侵出招打壓中企, 制裁中企已增加至35間, 加上連日出現配股消息, 怪不得本周港中企業及國指特別弱, 富時羅素要因應美國禁令剔除八家中國企業, 預示未來兩周相關股份沽壓會愈來愈大, 尋頂市每周都會有新高, 但本周恒指高見26961, 未能突破上周五高位27040, 代表恒指已轉為尋底市, 下周會跌穿本周低位26322, 港股技術指標出現利淡訊號, 聚頂結束就會大插

疫苗及紓困措施的憧憬下, 美股強勢持續, 愈升愈有, 破頂而上, 但其實美國經濟數據差劣, Tesla於21/12(土木星相會日)加入標普, 呢幾個月炒左出外太空, 為美股埋下地雷, 港股於高位見沽壓, 月線已連升四周, 本周收跌機會極大, 如跟今年10月的周線四連升斷纜, 明日(周五)就會收26894/10790之下, 牛牛正不斷上移, 亦拉住港股後腿, 後市港股能走多遠要看中美股市表現，不進則退，如再度受制於27000，就要插穿26500 來擴大周波幅, 該水平有小牛, 以月波幅來看, 12月要插穿26000來擴大波幅