4~7/12 周線四連升斷纜沽壓增

2020/12/04 21:27:29 網誌分類: 經濟
04 Dec

4/12 周五恒指收26836,  升107點, 連升兩天, 臨危托沽

向上阻力:

關鍵位26800/27000/前頂27040

回升熊市跌幅0.5倍: 27311

24/2下跌裂口27105~27264

支持位:

30/11低位26322/11月下旬低位26191/26000/上升裂口25800~25950

保歷加通道頂: 26975

保歷加通道底: 25757

一直唔信金大師兄所說12月初港股仍然向好, 就算係資金市都要回一回才有力再上, 結果港股周線四連升一如元帥所料斷纜, 今日美團染藍急升只係受被動買盤所推動,睇其他股份表現唔係幾妥, 早已見頂回落, 逆市向下, 技術指標轉弱, 下周風高浪急, 要再下試前底26322, 唔知大鱷想咬住26500穿梭磨幾耐

美團.安踏.百威亞太染藍, 超高市盈率升過龍, 下周一起恒指成份股就變成52隻, 港股生態已改變, 太多已經炒爆了宅經濟股入指數唔係好事, 這些股份波幅大, 會令港股無啦啦急升急跌, 美股升過龍, 如回吐就會拖低港股, 目前仍在高位反覆只係大媽/大鱷托沽, 以及用來托市, 納指屢創新高, 大媽/大鱷亦有藉口推高派貨

本周恒指僅跌59點, 跌幅太少, 恒指連升兩天, 港股高收只係假象, 其實沽壓未除, 恒指於收市U盤博大霧踢高以全日最高位26836收, 收得太高反而唔係好事, 會增加下周收升的難度, 而且平保.阿里.美團.匯控等多隻權重股踢上高位收, 亦會令下周獲利沽壓增加, 會拖低大市, 向上27000阻力非輕, 牛牛已上移至26500附近, 具吸引力, 如失守26500並收於其下, 代表大市已轉為尋底市

本周恒指在26500穿梭, 大鱷既殺牛亦屠熊, 今日恒指只得183點超細即市波幅, 創兩周以來最細波幅, 波幅急降代表大鱷有陰謀, 預示下周一會有大龍鳳, 過去幾日仍未插穿26300就係因為大鱷嫌牛唔夠肥, 所以彈番上去吻別10天線, 等養肥牛牛就插得, 睇盤路似係咬住高位溫水煮蛙式派貨, 大市正在聚頂, 基金經理於11月下旬已經開始部署粉飾櫥窗埋年結,沽貨止賺換馬執倉,準備放聖誕新年長假期, 削弱港股現水平再買上的動力

近來大市係虛火上升, 指數升, 但唔少股份都逆勢向下走,代表股市有暗湧,要有兩手準備,仍然擔心匯市有變,以及21/12起土木星相會, 7/12轉節氣大雪, 預示有大變, 要小心大鱷殺完淡友下周就變臉殺好友, 25800~25950有上升裂口未回補是後患, 目前全城看好後市, 淡友節節敗退, 嚇到唔敢再造淡, 連恐慌指數都愈走愈低, 物極必反, 小心市況突然逆轉

由於10~11月港股升幅太大, 升過龍, 透支了升幅, 有可能拖累12月表現, 增加12月收升的難度, 不要看輕21/12土木星相會的威力, 巧合的是升過龍的 Tesla 將於21/12(土木星相會日)加入標普, 被動買盤不斷推高股價, 係計時炸彈, 如果反艇就不得了

=================================

要留意與股市息息相關的美元表現,美元本星期累計跌1.3%,略為插穿90.5,創2018年4月以來低位後反彈,周五收90.8, 港股於11月的大升浪係受美元弱,人民幣強所推動,當美元變盤,就會令股市受壓, 所以要密切觀察未來幾日美元的表現

過去一周(30/11~4/12)港股升跌如下, 除了金融板塊收升托市, 其他板塊全面下跌, 托沽味濃, 散戶跟基金經理及大媽減磅是上策,

恆生指數 -0.22%
恆生科指 -1.70%
港中企業 -3.35%
國企指數 -1.54%

金融分類 +1.78%
公用分類 -1.45%
地產分類 -2.55%
工商分類 -1.84%

恆生內銀 -0.72%
恆生內房 -4.81%
恆生內地油氣 -11.68%

=================================

港股26500/10500久守必失

港股11月升勢過急, 累積龐大升幅, 27040/10886已見短頂, 目前正處於消化沽壓的調整階段, 跌下彈下, 配股潮以及侵侵出招打壓中企, 制裁中企已增加至35間, 加上連日出現配股消息, 怪不得本周港中企業及國指特別弱, 富時羅素要因應美國禁令剔除八家中國企業, 預示未來兩周相關股份沽壓會愈來愈大, 尋頂市每周都會有新高, 但本周恒指高見26961, 未能突破上周五高位27040, 代表恒指已轉為尋底市, 下周會跌穿本周低位26322, 港股技術指標出現利淡訊號, 聚頂結束就會大插

好消息已消化得七七八八, 短線買上見好要收, 因為今日的升市係受恒指季檢調動的被動買盤所推動, 下周一就會作出修正, 相關股份會見沽壓, 中港美三地股市多數係同步尋頂, 同部見頂, 而上証於2/12已見頂3465回落, 其後連續兩日底頂下移及收3450大位之下, 25/11恒指高見27040, 30/11國指高見10886, 受侵侵加碼制裁中企, 以及本港疫情於社區爆發, 政府收緊防疫措施拖垮經濟, 港股於12月開局未能跟隨上証破頂, 上証沖高回落, 失守3450,  皆因阿爺推出[系統重要性銀行評估辦法], 係近日內銀內房受壓的主因

1/12低位26375早晚會插穿來擴大周及月波幅, 10及20天線已上移至26500~26700水平, 不可能一直守得住, 日前彈升的內銀走勢再度轉弱, 今日上証雖然收升2點, 報3444, 但內銀A股卻逆市下挫, 國指已是連續3日跑輸恒指, 好明顯係受了侵侵的不斷加碼的制裁措施所拖累, 

11月由24107反彈至27040, 升幅2933點, 累積龐大升幅, 高處不勝寒, 獲利沽壓湧現, 11月下旬恆指六連升於27000水平斷纜,代表投資者於27000再買上感到猶豫及不安,因而沽貨止賺或減倉, 基金經理要埋年結亦有誘因沽貨鎖定利潤, 入市不會太取進

12月份港股表現就要睇資金, 資金流入大市就會急升, 如熱錢再湧入或留港炒作, 恒指就會守住26000繼續向上推進, 27000.27100.27500...., 如資金流走大市就會暴跌, 如熱錢撤退, 就要下試26000, 甚至落去回補25800~25950的上升裂口, 美元插穿90.5後反彈, 小心資金流有變, 會拖低股市

=================================

利淡因素發酵

中國科企係美國打壓的主要對象, 加上反壟斷法的陰霾, 科技指數於9/11見頂8524後不但一直無法再創新高, 更不斷在8000穿梭, 皆因消息面利淡, 市盈率太高, 升過龍, 業績後見光死, 高位獲利沽壓湧現, 連大媽都趁高沽出宅經濟科技股, 派貨/換馬手影明顯, 新舊經濟股交替撐市, 但升勢已露疲態, 普遍股份早已見頂回落

年尾水緊, 移卡, 康方生物, 龍湖地產及小米齊齊配股集資, 美眾議院料通過立法收緊審計要求, 阻止部分中資企業在美上市, 疫情下經濟不景, 企業債務違約潮起, 加上年尾資金需求大, 企業水緊, 債務危機, 企業債券違約, 阿爺打壓內房政策, 都是隱憂, 中美打算推反壟斷法, 螞蟻延後上市及美國訴訟亦拖累阿里, 侵侵宣布明年1月11日起禁止美國機構投資解放軍關連企業股票, 侵侵實施愈來愈多制裁中國的強硬措施, 台海局勢, 都是後市隱憂

有調查顯示拜登當選有利資金流入中港股市, 因為基金/大戶憧憬拜登打壓中國手段未必會如侵侵那麼強硬及瘋狂, 亦係過去幾周中港股市走高的主因, 但日前拜登已表示上任後暫時不會取消新增的貿易關稅, 其實拜登及副總統賀錦麗都係反華份子, 打壓中國的美國國策勢必延續, 而侵侵過去一個月不斷加碼制裁中資股, 相關股份沽壓沉重, 因此港中企業及國企本周跌幅比恒指大, 富時羅素要因應美國禁令剔除八家中國企業, 預示未來兩周相關股份沽壓會愈來愈大, 富時指數調動於18/12生效

拜登五個主要政策:

控制疫情
防止氣候變化
重建經濟
改善因BLM所引發的種族問題
處理中美關係

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

7/12 周一港股結束兩連升, 利淡, 恒指收26506,  跌329點,

港股今日明明要跌, 但大鱷又玩好淡通殺, 最陰毒係先裂口高開殺熊157張, 然後直插殺牛479張

11月份港股急升, 每星期的周線都係底頂上移, 不過於11月尾上升趨勢已逆轉, 25/11見頂27040, 踏入12月首周(30/11~4/12), 已變成頂部下移(26375~26960), 12月第二周(7~11/12), 今日進一步走弱, 底頂下移(26256~26870), 令本周港股收跌機會大增

回顧上周一(30/11)恒指插水, 收跌553點, 翌日急彈226點, 其後反覆上升, 收復失地, 但今日港股下挫不能和上周一跌市來比較,因為上周一匯市形勢以及MACD等技術指標都明顯不同,今次走勢比上次弱, 已失守10及20天線, 沽壓未除要續跌, 明日冇得彈高

侵侵制裁中企, 本港疫情惡化收緊防疫措施, 阿爺推出[系統重要性銀行評估辦法]禍及內銀內險內房, 內銀有補充資本需要, 以及恒指季檢調動的急升股回吐, 一眾利淡因素拖累今日港股下挫,

雖然全球經濟與股市各走極端, 經濟差, 股市卻屢創新高, 但央行紛紛放水, RCEP及疫苗, 加上低息環境, 熱錢氾濫, 投資者仍看好後市, 資金由債市轉投股市, 美股牛氣沖天, 亦係恒指創3月以來高位後仍能高企不下的主因, 另外亦有資金炒明年經濟復蘇, 不過基金經理年尾收爐在即, 既然今年已大賺, 27000欠缺吸引力, 就hea住炒, 港股就在26000~27000千點困局中波動

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

周五(4/12) 恒指季檢調動, 7/12美團正式染藍

周四(10/12)歐央行決議金融機構可否派息

2020庚子病鼠年12月14日將會出現日全食, 小心政經會有震盪

14/12美國總統大選~選舉人團投票日, 侵侵能否翻盤就睇這天, 所以12月大市或會出現避險沽壓

子年子月: 7/12/2020~4/1/2021

21/12開始土木星相會

12月基金年結

市傳美國德國英國料最快12月展開新冠疫苗接種

拜登將於明年20/1/2021入主白宮

因頭條網登入時常出問題,所以另設後備留言區

SOHO網友備用落腳點~留言

https://sohofriends.blogspot.com/2020/12/

https://sohofriends.blogspot.com/2020/11/111122.html?showComment=1606103051614#c8623609630816391171

最新回應

試下學下
試下學下 2021/03/08

連跌

淡友回補完又沽,好友一次又一次被大幅消耗實力,連跌3日

要大市回穩要出現連升

吾係的話隨時再創新低/高開即插/裂口低開彈完又插

美股背後的暗黑帝國,誓要聯儲局維穩托市,美股一定chok過貓王

門兄,今日開市同下午開市都比左機會你,我點都要贏番次,無理由成日輸就我,贏就你 {#iconb_239}

試下學下
試下學下 2021/03/08

試兄, 大家齊齊回憶下以前見頂回落的模式, 當大市展開跌浪反而更易部署搵食,

~ 印象中係要跌到股民死心才見底, 大家公認的支持位都失守

~ 股份會跌到阿媽都唔認得, 洗倉式下挫, 所以炒個股熊有得諗, 只要拋離股份頂部, 熊仔企安全水平, 就算有死貓彈都唔使死

~ 手腳慢就要避開超強成份股的熊熊, 否則失驚無神急彈就會被屠

~ 升過龍超高市盈率的股份熊得過

元帥的股災心態預示文件🤪👍👍

水滴石穿
水滴石穿 2021/03/08
@門徒...

升兮跌所依,跌兮升所倚

門徒
門徒 2021/03/08

元帥妳有冇做淡後市呀 {#iconb_615}