9~10/12 陰陰跌臨危托沽

2020/12/09 23:59:49 網誌分類: 經濟
09 Dec

9/12 周三港股吻別10及20天線, 恒指收26502, 升198點

港股繼續在26500/10500穿梭, 升唔喜.跌唔樂, 大鱷玩緊好淡通殺, 衝上26667殺熊382張, 吻別10及20天線即回, 今日港股雖然反彈, 但沖高回落, 收窄升幅, 走勢差, 已是連續兩日收20天線之下, 今日指數收升, 但卻似是溫水煮蛙式派貨, 托沽味濃, 唔少股份都收陰燭, 收近全日低位, 代表大市沽壓未除,

如果本周唔破底, 每周底頂下移的話, 月中的一周(14~18/12)就會破底, 跌穿26256, 港股技術指標早已出現利淡訊號, 跌下彈下係聚頂, 當大鱷完成部署就會大插

本周上証收跌機會大, 兩地股市同步的話, 本周港股亦會收跌, 即係周五會收26836/10624之下, 11月港股大漲小回, 但25/11見頂27040後就變成大回小漲, 轉勢向下, 所以每次彈上去就見龐大沽壓, 但大市往往係一插即彈死唔去, 皆因大行要維穩來做ipo及配股, 昨日港股沽空急降至10.15%, 但今日淡友趁港股反彈再度出手, 沽空回升至12.04%, 唔算多, 早前沽空超過14%

內地11年來首現通縮, 11月CPI出乎意料按年跌0.5%, 內地股市反艇, 上証失守3400, 連跌3天, 以全日最低位3372收, 不過上証通常跌3~4日就會反彈, 港股於11月的大升浪係受美元弱,人民幣強所推動,但美元連日反彈, 剛重上91, 人民幣下跌, 怪不得中港股市彈散, 美股升勢已露疲態, 加上嚴重超買, 回吐壓力大增, 會拖累中港股市, 滬深大媽近來密密掃QQ及小米托市,來掩護沽出其他股份, 年尾水緊, 大媽大鱷密密沽貨套現

~~~~~~~~~~~~~~~~~~~~~~~~~~~~~~~

臨危托沽

港股反彈, 指數冇跌穿周一低位26256只係假象, 唔少股份走勢已轉弱, 呈反覆向下尋底格, 恒指表面上仍在26500穿梭, 其實大市有暗湧, 似係跌下彈下走勢向下移, 不過25800~26000牛牛一直偏瘦, 欠缺吸引力, 所以暫時仍未有誘因插穿, 當牛牛養肥牛牛就會大插, 港股技術指標呈弱勢, 上証連跌3天, 失守3400大關, 上証本周收跌的話, 亦會拉住港股落山, 兩地股市周線會同步收跌, 中資股壓力仍大, 可能係受侵侵制裁措施所拖累, 有陰謀論認為侵侵想離任前瘋狂出招制裁中國, 令拜登騎虎難下

由於恒指本周已做夠周波幅, 底頂下移的話, 下周(14~18/12)如要擴大周波幅, 只能插穿本周低位26256, 該周有日蝕.雙子星座流星雨.美國選舉人團投票, 12月下旬會風高浪急, 係淡友再出手的好時機

美股超買, 美元上周插穿90.5後止跌回升, 衝緊上91, 人民幣亦見頂回落, 不利股市, 亦係上証接連失守3450及3400兩個大位的其中一個原因,

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

溫水煮蛙式派貨

10/12 周四港股即市調整, 恒指收26410, 跌92點

昨晚夜期大跌263點低見26230, 跌穿周一期指低位26257, 創本月期指新低, 但日期低見26252即彈, 現貨低見26287急彈, 守得住本月低位26256(最多跌216點), 港股即市完成調整, 收窄跌幅, 無形之手繼續托市, 皆因ipo及配股抽水活動頻繁, 如插水就會破壞投資氣氛, 今日港股碧桂園服務.康希諾生物宣布配股合共籌$63億

指數冇跌穿本周低位, 收市跌幅不大只係假象, 唔少股份都反艇, 走勢差劣, 整體下跌股份比例極高(653升 vs 1030跌), 代表大鱷/大媽臨危托沽, 年尾水緊, 有誘因沽貨套現, 四川突然爆發多宗本土新冠病例, 加上CPI下跌, 內地11年來首現通縮, 內地股市本周反艇, 亦拖累相關H股, 上証本周收跌已無懸念, 港股亦會同步周線收跌, 明日會收26836/10624之下, 過去兩周的星期一港股都收跌, 下周高危, 會有大龍鳳

港股本周作出調整, 消化沽壓, 三度跌穿26300皆能收於其上, 大市仍在26500及10.20天線穿梭, 不過恒指已是連續兩周底頂下移, 預示下周仍有可能插穿本周低位26256, 等牛牛養肥就插得, 上証結束三連跌, 收升1點報3373, 已是連續兩天收3400之下, 走勢進一步轉弱, 勢必拖低港股

本周恒指1升3跌, 按照一般升跌2~3天的韻律, 尚欠1日升市, 全球市場氣氛仍佳, 風險胃納高, 美元衝上91企唔穩打回頭, 資金由債市及金市流出, 轉投股市, 所以股市跌下彈下死唔去, 明日新股泡泡登場, 升勢必定靚爆鏡, 股民寧願抽新股, 好過炒反覆向下彈散的現貨

昨晚納指高開低收,單日轉向呈陰燭,其實納指超買,早應調整,今次只係利用谷哥及面書受反壟斷法起訴做藉口,借勢回吐, 其實反壟斷法已經講咗好耐,點解納指一直冇負面反應? 仍屢創新高,升到嚴重超買才反艇, 美股疑似見頂, 獲利沽壓會增加, 如美股見頂回落, 下周港股就危

美元上周插穿90.5後止跌回升, 今日收91.04, 拖累人民幣連跌2天, 不利股市, 亦係上証接連失守3450及3400兩個大位的其中一個原因,

{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}

小心子年子月: 7/12/2020~4/1/2021

周四(17/12)聯儲局議息

周五(18/12)美國市場四重結算日, 中芯國際(00981)、中交建(01800)、中鐵建(01186)和中國中車(01766)四間中國企業將從納斯達克指數成份股組合內剔除,以遵從美國政府限制中國企業股票交易的指令, 剔除於12月21日起生效。富時指數調動, 有被美國制裁股份會被剔出, 沽壓會增加,

21/12開始土木星相會

美國電動車製造商Tesla將於12月21日納入指數, Toyota進軍電動車市場, 強大競爭對手出現, 或會對Tesla構成威脅

============================

免責聲明

本網站所載的資料並不構成投資的意見或建議。在作出任何投資決策前,您應考慮自己的財務狀況、投資目標及經驗、風險承受能力

本網站所載的資料不構成任何投資產品之要約、要約招攬或建議。本資料只作為一般參考用途;並未就所載資料的完整性、準確性及時間性作出任何保證, 它並沒有考慮您的個人需要、投資目標及特定財政狀況。

最新回應

c6
c6 2021/10/21

我要替內銀打氣

🔥🔥🔥🔥🔥

c6
c6 2021/10/21

唔公平

資金市

內銀🈚️🉐️炒

c6
c6 2021/10/21
@soho*...

大元帥

今早重溫完19/10的收市評論

再衷心感謝🙏你👍👍💕👍👍

c6
c6 2021/10/21
@投資高手...

投資高手早晨

感謝🙏回覆👍

你一定係大好人🥳

知道C6想大🐊🐊🔪🐻