22/12 26000失而復得

2020/12/22 21:42:16 網誌分類: 經濟
22 Dec

22/12 周二港股連跌三天, 恒指收26119, 跌187點, 反彈在望

港股今日反艇, 創月內新低, 不過插穿26000低見25998後即彈, 收窄跌幅, 近來大媽沽QQ, 不過今日大媽就掃QQ托市, 恒指才得以重上26000, 港股雖然收跌, 但恒指已連跌3天, 通常連跌2~3天後就會彈, 今年最長亦只係連跌4天,

港股食粥食飯睇阿爺, 按照近來上証梅花間竹的升跌慣性走勢, 明日上証會反彈, 到時好友就有藉口反擊, 今日港股雖然續跌, 但沽空收斂, 只得11.06%, 有年尾收爐味, 好友淡友都快閃速食,

昨日已說牛熊分布嚴重失衡, 牛多熊少利下殺, 但大鱷非常奸險, 早市托住大市扮跌唔落, 引多些牛牛入局, 午後才跳水大插308點, 大舉屠牛, 食飽即彈上26119收, QQ今日收$572.5, 低見$567.5, 收市力守$570, 支持大位在$560, 如失不妙, $550就危, 會拉住港股落山, 反壟斷法一直壓住QQ, 大媽頻頻托沽QQ食胡

全球疫情惡化利好宅經濟股, 科指插穿8100後見趁低吸納買盤, 推動科指拗腰急彈, 逆市上升收報8186, 係港股收窄跌幅重上26000/10300的主因, 一雞死一雞鳴, 科企宅經濟股與舊經濟股輪流托市, 有托市派貨味

11月港股爆上27040, 遺留多個上升裂口是後患(24486~24689, 25093~25343, 25800~25950), 短線來說, 位於26000附近, 即最接近的上升裂口有機會回補

~~~~~~~~~~~~~~~~~~~~~~~~~~~~~~~~~

26000好淡角力大位

納指屢創新高, 科指似在追落後, 亦係港股往往死唔去的原因之一, 科指今日收升, 按照科指過去一個月的慣性走勢, 通常會係連升, 預示明日科指升勢會持續

港股本周開局跌跌不休, 但港股好少全周走同一方向日日升或日日跌, 預示未來兩天不會全跌, 會有反彈, 向上阻力26300/26498/10483/10500,  如能收於其上,代表大市回穩,如收於其下, 恒指就係連跌四周, 代表沽壓未除, 淡友仍主導大市

其實踏入12月, 港股一直由淡友主導大市, 跌下彈下碌落山, 好友不斷退守力撐, 長假期前通常買盤縮, 沽盤增, 如果今日插穿26000只係假突破或試水溫, 大市就會返回主波動區間26100~26700繼續磨, 好淡大鱷互不相讓, 拖到結算周才分勝負, 消息面利淡友

根據我的觀察, 呢幾個月有一班港股大鱷玩超短炒波幅, 係高沽低吸快閃黨, 導致港股升跌都陰陽怪氣,唔走單邊市, 同一方向1~2日就轉向, 難以預測, 呢班熱錢大鱷特別喜歡炒新經濟股及IPO和半新股, 抽升殺跌, 毫無徵兆下會突然變盤, 好淡通殺, 隨時係落山殺完好友又再彈番上去殺淡友, 不斷上攻下殺來蠶食股民的血汗錢,

早前講過道指及恒指約有三千多點的差距, 港股大幅跑輸道指, 但近來港股反覆下跌, 令兩者差距進一步擴大至近四千點, 極不合理, 只要上証回升, 港股有條件追落後, 收窄兩者差, 淡友想隊港股落地獄必需要中美股市大插才能拖低港股

~~~~~~~~~~~~~~~~~~~~~~~~~~~~~~~~~

中港股市同步走低

國指雖然連跌3天, 但今日僅跌17點, 大幅跑贏恒指的187點跌幅, 其實今個月的跌浪國指上周已率先收升, 跌勢喘定, 而今日國指低見10323後觸底反彈, 亦只係略為低過前底10339, 最終彈上10384收, 好友咬住10300唔放, 恒指上星期周線亦僅跌7點, 反映好友雖然節節敗退, 但仍未肯投降, 亦有可能係大鱷大媽想繼續托沽, 唔想深潛嚇到股民唔敢入市接貨, 今日恒指雖然收26119, 不過要收於26300之下3天才能確認淡友奪得主導權

中港股市多數係同步見底頂, 只要上証明日守得住今日低位3353, 止跌回升, 本周港股就唔洗再深潛, 3350係大位, 不容有失, 港股26300/10500係大位, 不會一去冇回頭, 就算走勢向上, 但點都會彈上去吻別, 今晚夜期亦冇再隊穿26000, 低見26068後反彈, 可能等到月尾結算周, 好淡大鱷才激戰分高下

今個月港股急跌急彈, 收市往往死唔去, 12月已玩到尾聲, 好淡大鱷勝負仍未分, 情況極為罕見, 大鱷大媽托住大市派貨, 大行亦有誘因為了新股ipo及配股托市

到今日為止恒指高低位25998~26870, 今日一插, 就擴大了周及月波幅, 周波幅已擴大至500點, 勉強達標, 短周可以玩細波幅就收工, 本周唔破底都得, 但月波幅仍未達標, 下周仍有爆邊的可能, 試完底再沖頂,如果向上仍受制於12月下旬高位26500~26700, 就要再插穿26000來擴大月波幅, 上月炒大波幅, 今個月可能炒細波幅,

港股成交持續縮減, 今日只得$1237億, 今日尾市再隊多一浸落山, 睇股份表現似有淡友回補空倉, 港股連跌3日, 國指未平倉合約減少, 可能有淡友趁今日大插食胡, 亦可能係提早轉倉

老外沽A股食胡, 權重A股急挫, 上証暴跌63點, 收3356, 險守3350大位, 不過近來上証係日升日跌, 今日跌, 明日理應上升, 只要明日上証及內銀內險A股反彈, 則有助穩住港股, 不過道指同樣係日升日跌格局, 昨晚V彈倒升, 預示今晚道指會下跌,

一直加害中港的英國惡有惡報, 疫情失控, 影響全球投資氣氛, 匯市大幅波動, 英鎊下挫, 美元連升多日, 90大關失而復得, 連續兩日收90之上, 收90.62, 仍受制於91水平, 人民幣結束兩連跌, 反彈14點子收6.5480

============================

11月尾港股見頂回落, 轉勢向下, 12月反覆下跌, 尋底市每周都會創新低(過去幾周低位26127.26256.26375), 今日低見25998, 底部進一步下移, 但下星期係結算周, 亦係基金年結, 或會粉飾櫥窗, 可能踢高股價出貨來埋年結鎖定利潤, 但股價升並不代表指數升, 月尾仍有創新低的可能, 有基金經理收爐放聖誕及新年假期, 港股成交縮, 大鱷就更容易舞高弄低, 升跌都不能盡信, 市場熱炒的新經濟股升過龍, 市盈率已升至不合理水平, 由於波幅大, 吸引股民炒作, 隨時接火棒

11月份恒指周波幅(連升4周):

第一周 1567點

第二周 565點

第三周 426點

第四周 671點

12月份恒指周波幅(連跌3周):

第一周 585點

第二周 614點

第三周 551點

第四周 ??點    全周只得3日半市, 24/12(平安夜)半日市, 冇夜期

第五周 ??點    全周只得3日半市, 31/12(大除夕)半日市, 冇夜期

============================

最新回應

投資高手
投資高手 2021/10/23
@soho*...

不過,貼價熊證甘多,雖然昨天減少了,但仍不少,是否顯示也有很多散戶看淡?甘大户會不會繼續炒上一邊殺熊證一邊派貨給散戶呢,即係短期仍不會下跌?

史哥
史哥 2021/10/23
@試下學下...

其實你股感咁好,信自己啦。

推弱王記得單聲~跟你揾食。

{#iconb_64}

soho*
soho* 2021/10/23

c6, 地產板塊昨日成交高達$49億, 為今個月最大成交, 這麼多資金突然湧入, 必有所圖, 結果今日再爆升, 連日急升, 夠水位食胡了

soho*
soho* 2021/10/23

投資高手, 通常每星期升/跌2~3天, 但本周只係跌了1天, 跌市日數未達標, 按照升跌日數的慣性走勢, 下周跌市日數會增加

月中曾寫了一個劇本, 就係預測本周恒指會收升, 連升四周, 市場氣氛升溫, 人人向上望 , 好友及後知後覺的散戶進場接火棒, 等埋貼價BB牛出世, 月尾淡反擊,