24/12 力守26300部署結算位

2020/12/24 21:06:59 網誌分類: 經濟
24 Dec

24/12 周四半日市, 恒指收26386, 升43點, 連升兩天

今日港股收關鍵阻力位之下, 阿爺約談阿里螞蟻, 拖累科技股急瀉低收, 科指形勢不妙, 但大鱷力撐港股, 恒指企定定, 連升兩日, 部署下周三結算

恒指 收26386 (關鍵阻力位 26422/26498)
國指 收10430 (關鍵阻力位 10442/10483)

又講下慣性走勢, 11月尋頂市, 每逢周一都係大裂口高開, 但升到11月尾殺上27040見頂回落, 展開尋底之旅, 隨後每逢周一競價都係升跌不足50點, 然後就碌落山低收, 過去4周的星期一都係收跌, 反映12月係由淡友主導大市, 不過22/12插穿26000低見25998淡友可能已食胡, 因為其後連升兩天重上26300關鍵位, 26300係好淡角力大位, 以收市計, 今個月只得15/12及22/12收於其下, 好友仍力撐大市, 部署高位結算

指數表面上高企不下, 但其實唔少股份都深潛, 明顯跑輸大市, 由於港股今個月配股及IPO活動頻繁, 加上基金全年結, 指數插不得, 大行/大媽/大鱷托住指數派貨, 窄幅橫行, 用時間來消化沽壓, 代替深度調整,

恒指已連跌四周, 指數仍收26300附近, 月初曾說見資金流入盈富, 估計係基金或大戶執倉換馬避險, 準備放假及埋年結, 如今看來這部署非常高明, 科指洗倉暴跌但舊經濟股托市, 港股仍企26300附近, 盈富企定定

利淡消息正在發酵, 阿里及QQ沽壓沉重, 科指暴跌, 持有科企的投資者爭相止賺/止蝕, 資金換馬舊經濟股, 恒指才得以收升43點, 反映好友仍未放手, 推高價殘的舊經濟股來抵消新經濟股的跌幅, 既可避險, 亦可粉飾櫥窗, 市場認為阿爺整治網上金融利好傳統內銀業務, 侵侵有意踢走在美上市中概股, 本港第二上市股陸續增加, 港交所笑呵呵, 今日半日市港股成交高達$980億, 港交所大受追捧, 連續兩天收升企$400之上, 表現亮麗, 

~~~~~~~~~~~~~~~~~~~~~~~~~~~~~~~~~

部署結算位

希望下周基金粉飾櫥窗, 以及大媽托市, 守住26000, 只要收26300之上(今日收26386), 就代表好淡大鱷今個月仍未分勝負, 如能上企26500, 好友反敗為勝, 11月收26341, 今日收26386, 如果12月收升, 下周四(31/12)大除夕半日市就要收26386之上

港股食粥食飯睇阿爺, 上証日前低見3353, 力守3350, 上攻3400, 利好港股, 今明兩天滬深股通暫停, 老外冇得沽A股, 國內大媽點玩都得

上午上証收跌7點, 下午跌幅擴大, 最終全日收跌19點, 但港股今日平安夜只得半日市, 所以仍未反映午後上証的跌幅, 內險A弱勢持續, 估計下周初港股沽壓仍大, 不過儘管科指插水, 但vhsi恒指恐慌指數卻連跌兩日, 唔驚啵!

日前美元沖上91拖累中港美股市下跌, 幸好美元受制於91連日回落, 目前美元在90邊徘徊, 匯債形勢仍利好股市, 市場風險胃納高, 美股牛氣沖天, 道指連日上升, 人民幣連升3天, 收報6.532, 升58點子, 上証近來日升日跌, 今日一如所料收跌19點, 收報3363, 明日應該輪到收升, 可惜港股聖誕假期休市,

港股既似資金市, 亦似牛市, 過去幾個月累積龐大升幅仍高企不下, 早前講過道指及恒指約有三千多點的差距, 港股大幅跑輸道指, 美股近來仍高企不下, 所以港股插穿26000/10300即彈, 保持不會多過四千點的差距, 只要上証/內銀內險A股造好, 港股就唔洗插水, 有望收窄道指及恒指差距, 淡友想隊港股落地獄必需要中美股市大插才能成事

~~~~~~~~~~~~~~~~~~~~~~~~~~~~~~~~

下星期結算周分勝負

下周一恒指會按照慣性走勢例跌, 抑或打破慣性走勢收升呢? 下周變數多, 立立亂

~ 恒指已連升兩天, 按照今個月的慣性走勢, 恒指兩連升後例牌反艇, 未見過連升3天

~ 今晚平安夜冇夜期, 下周一是長假期復市, 長假期前後例牌大龍鳳, 下周首先要升穿本周高位26498, 然後要突破上周高位26678, 才能打破頂部下移的劣勢, 否則就要再下試26000

~ 明天聖誕假期港股休市, 但內地聖誕有市, 按照日升日跌的慣性走勢, 今日上証跌, 明日會收升

~ 下周係結算周, 不過係3天半的短周

~ 今年恒指連跌3~4周例彈, 未試過連跌5周, 31/12要收26386之上, 下周才能收升

~ 下周(12月尾)基金年結, 未知會粉飾櫥窗, 抑或沽貨收爐埋年結, 特別是科企升過龍, 有誘因止賺獲利

~ 下周二(29/12)結算前夕, 周三(30/12)期指結算, 周四大除夕(31/12)半日市, 周五新年假期休市

~ 有基金經理半收爐hea炒, 放聖誕及新年假期

~ 本周曾插穿26000來擴大月波幅, 順道屠牛, 肥牛陣亡後大市拗腰急彈, 肥牛歸西令牛熊分布失衡情況大大紓緩, 推動恒指連升兩日上去屠殺貼價熊, 目前26000~26300只得小牛, 下殺誘因細, 要中美股市大插, 港股才會破底, 如熊熊下移, 就會踢上去來擴大周波幅.屠熊及部署期指結算

有分析師指美股12月多數係造好, 聖誕表現通常不會差, 但今個月港股卻大幅跑輸美股, 相信同美國的制裁措施有關, 侵侵上月簽署行政命令, 制裁35間中國企業, 指控這些企業受中國軍方擁有或控制, 並下令明年1月11日(最遲11月完成)起禁止美國的投資公司、社會保障基金及其他公司, 買賣黑名單上中企股份, 大鱷大媽基金大戶不斷走貨, 因而拖低港股

~~~~~~~~~~~~~~~~~~~~~~~~~~~~~~~~~

科企洗倉式下挫

受阿爺反壟斷政策拖累, QQ及阿里沽壓沉重, 逆市下跌, 洗倉式破位而下, 本周歐資美資狂沽阿里,聽聞好似連日本軟銀都走貨, 科指急跌成交增, 唔係好現象, 日前說QQ今個月收市一直力守$570, 只係試過一次於15/12收$560, 所以如失守$560, $550就危, 結果今日收$556, 走勢差劣, 受科技股暴跌拖累, 恒指連跌四周, 代表沽壓未除, 其實踏入12月, 港股一直由淡友主導大市, 跌下彈下碌落山, 但中美股市高企不下, 好友仍有勝算, 今個月港股收升仍未絕望

12月是一個非常特別的月份, 基金全年結, 要粉飾櫥窗, IPO趕尾班車, 年尾企業水緊配股活動頻繁, 新經濟股累積龐大升幅, 持貨者紛紛沽貨鎖定利潤來避險, 年尾收爐買盤縮, 所以科企一跌到尾

到今日為止恒指高低位25998~26870, 月波幅只得872點仍未達標, 後市仍有爆邊的可能, 試完底再沖頂, 今日高見26470, 仍受制於本周一高位26498, 如能升穿擴大周及月波幅, 向上炒就唔洗破底, 上月炒超大波幅, 今個月可能炒細波幅, 留待明年1月開新局基金經理回歸部署新倉位才爆邊炒大波幅都得

自從21/12起土木星相會我就對未來兩個月有戒心, 26000樓下有太多上升裂口未回補是後患, 11月港股爆上27040, 遺留多個上升裂口是後患(24486~24689, 25093~25343, 25800~25950), 位於26000附近, 即最接近的上升裂口於1月仍有機會回補, 不過要等中美股市下挫, 淡友才有藉口殺跌, 否則仍要在26500穿梭, 磨到結算

11月尾港股見頂回落, 轉勢向下, 12月反覆下跌, 尋底市每周都會創新低(過去幾周低位25998.26127.26256.26375), 底部雖然不斷下移, 但今日收市位26386竟然仍企上月收市位26341之上, 係原地踏步, 要看下周期指結算以及基金年結周線能否止跌回升,

11月份恒指周波幅(連升4周):

第一周 1567點
第二周 565點
第三周 426點
第四周 671點

12月份恒指周波幅(連跌4周):

第一周 585點
第二周 614點
第三周 551點
第四周 500點 全周只得3日半市, 24/12(平安夜)半日市, 冇夜期

第五周 ??點    全周只得3日半市, 31/12(大除夕)半日市, 冇夜期

今年恒指連跌3~4周例彈, 未試過連跌5周, 即係31/12要收26386之上

最新回應

試下學下
試下學下 2021/10/23

今晚跟史哥教的方法睇圖,其實入市甘耐都吾知正確方法 {#iconb_613}

我分人確實係無信心,個心長期涼浸浸,好在你地無叫我現真身,有飯局都好怕去

投資高手
投資高手 2021/10/23
@soho*...

不過,貼價熊證甘多,雖然昨天減少了,但仍不少,是否顯示也有很多散戶看淡?甘大户會不會繼續炒上一邊殺熊證一邊派貨給散戶呢,即係短期仍不會下跌?

史哥
史哥 2021/10/23
@試下學下...

其實你股感咁好,信自己啦。

推弱王記得單聲~跟你揾食。

{#iconb_64}

soho*
soho* 2021/10/23

c6, 地產板塊昨日成交高達$49億, 為今個月最大成交, 這麼多資金突然湧入, 必有所圖, 結果今日再爆升, 連日急升, 夠水位食胡了