4~6/1 恒指六連升例跌魔咒

2021/01/04 21:38:52 網誌分類: 經濟
04 Jan

假期前後例牌大龍鳳, 恒指科指開年續破頂而上

4/1/2021 周一恒指收27472, 升241點, 強勢連升4天

一月效應果然有料到, 港股牛氣沖天, 新年開局基金經理及大媽進場, 港股低開後一插即彈, 市場氣氛佳, 買盤湧現, 成交急增至$1826億, 上証亦係以天量成交爆上, 收3500之上, 人民幣飛天, 爆升770點子, 收報6.4628, 中港股市強得有理, 不過科指已連升4天, 早前試過3次四連升都斷纜, 預示明日會回吐

好友繼續主導大市, 恒指低開高收, 單日轉向呈大陽燭, 連升4天, 不過唔少半新股及大媽愛股都係升勢過急, 明日獲利沽壓大, 近日爆升, 除了挾淡外, 亦有可能是為了部署股東減持/配股/發債/納入指數/互聯互通, 所以扯住上, 不過國指不但未能創新高, 三連升後亦率先斷纜, 受限貸政策打壓的內銀內房內險沽壓沉重, QQ沖上$580打回頭, 落去$572.5收, 不過大媽繼續大手掃QQ, 阿里逆市下跌,

呆雞的金價突然急升, 代表避險情緒升溫, 下面財經日誌預示本周風高浪急, 不過港股有大媽睇場護盤, 往往係一插即彈, 港股A股化, 大媽北水對港股升跌起關鍵作用, 大媽掃貨唔理市盈率及RSI超買, 唔理歐美股市表現, 所以大媽股往往升到你唔信, 震一震又再癲過

按照慣性走勢, 收升周不會在星期一見頂, 預示今日高位27502不會是頂, 本周仍會有新高, 上証急升29點, 收3503, 不過內銀內險A股卻逆市下跌, 拖累相關H股, 係國指收跌的元兇,

明日轉節氣小寒, 今日是庚子病鼠年末的子年子月: 7/12/2020~4/1/2021 = 亂, 香港捱過了4/1, 但今晚美國才是4/1, 去年港股大幅跑輸外圍股市, 近來港股格局似係追落後, 拉近道指和恒指的差距至合理水平, 美元太弱, 港股受惠於資金流向新興市場, 唔少分析都認為美股太貴, 並表示根據歷史數據, 一二月通常係轉勢月, 炒拜登當選已到水尾, 要小心美股已進入托沽派貨期, 升埋今個月就要小心, 而港股如果升埋1月, 就係連升四個月, 如果二月美股回吐就會拖累港股

網友群兄早前提供的恒指月線升跌統計:
2017年:升升升升升升升升跌升升升
2018年:跌跌升跌跌跌跌跌跌升跌
2019年:升升升升跌升跌跌升升跌升
2020年:跌跌跌升跌升升升升升升

睇上面的月線統計數據, 除非好似2017年的資金市, 否則三連升或四連升就會斷纜, 目前恒指已連升3個月, 由於有一月效應, 假設今個月都收升, 就係連升4個月, 即係二月就要小心

{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}

港股底頂上移繼續尋頂, 貼價熊命危

5/1/2021 周二恒指收27649, 升177點, 強勢連升5天

一月效應繼續發酵, 買盤強勁, 利淡消息瞬間被市場消化, 即市完成調整又再升過, 收市U盤再踢高, 看來明日又會再創新高, 阻力在27800, 如受阻而回, 以日波幅計, 27500就危, 中港股市牛氣沖天, 資金市多數係即市震一震, 低位一瞬即逝, 跟住就會再扯住上, 逼股民高追, 逼淡友回補空倉, 幫手推高大市, 以往資金市都係急升扯住上, 升到你唔信, 嚇到淡友紛紛縮手投降, 大市才反艇, 如即市調整或只跌幾十點無礙升勢, 如收市回吐超過200點就係見短頂訊號

昨晚美股反艇, 其中一個原因係擔心民主黨勝出即將舉行的兩個美國參議院席位選舉, 就會向巨企加稅, 侵侵賴死唔肯走, 號召粉絲搞國會山莊, 美國政局混亂, 目前形勢似是資金流入新興市場, 台股亦繼續創新高, 科指跟隨慣性走勢收跌, 休息是為了走更遠的路, 明日就會突破昨日高位8544, 破頂而上

新年開局基金經理冇左埋年結交數的制肘, 就會積極入市, 中港股市齊齊以天量成交爆上, 人民幣強勢, 利好中港股市, 未收復平均線的優質落後股大受追捧, 紛紛爆升補漲(當中有挾淡補空倉買盤), 不過內銀內險內房弱勢持續, 拉住港股後腿, 全靠大鱷係收市U盤做手腳踢高收, 個別熱炒強股高位見沽壓, 資金轉投落後股, 地產股飛天

上証已連升4天, 由去年9月起四連升都斷纜, 不過以2020全年計就見過2次五連升, 1次七連升, 1次八連升, 老外今日走招行平保中聯通比亞迪A股,趁升市食胡, 深股通滬股通都出現資金淨流出, 但大媽繼續大手掃貨, 當然有掃QQ來撐市啦! 不過大媽走車股及小米, 呢兩日爆上27500, 但升市跌股多, 升勢並不全面, 大鱷想派貨所以逼股民炒熱股

恒指連日急升, 不過都唔好凈係向上望, 居安思危, VHSI恒指恐慌指數連升兩天, 港股升勢過急, 短短5天累計升近1400點, 短炒大鱷已夠水位轉身, 要慎防大市會回吐, 因未來兩天頗混亂, 侵侵搞事,聯儲局議息記錄,參議院選舉結果,本周富時會剔出中芯等制裁股, 國指昨日升勢斷纜,科指今日升勢斷纜,幾時輪到恆指跌呢? 港股慣性走勢不會全周日日升, 要睇路

估計明日港股避險獲利沽壓會加劇, 因為恒指已連升5日, 連升太長唔係好事, 透支了升幅就會反艇, 去年試過兩次六連升, 一次七連升, 跟住就嘔, 睇下面的財經日誌, 未來兩天立立亂, 有可能係好友呢幾日拿拿臨踢高港股的原因, 要留意27500, 如守得住就會上27800~28000, 縱有回吐, 估計好友會力守27200水平, 27000係好友最後防線, 不容有失

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股急跌急彈創新高, 大舉屠熊,

6/1/2021 周三恒指收27692, 升42點, 連升6天高位沽壓加劇

資金市效應繼續發酵, 買盤強勁, 中港股市同步創新高, 好消息就有強烈反應, 利淡消息瞬間被市場消化, 大市一插就見買盤掃番上去, 即市完成調整又再升過, 係典型牛市格局, 向上阻力在27800~28000, 不過要養肥樓上熊熊淡友, 亦要震走牛牛好友才會殺上28000,  明日會有恒指六連升例跌魔咒, VHSI恒指恐慌指數連升3天, 大市有暗湧, 侵侵制裁QQ阿里, 屬強烈利淡消息, 今日兩股升得不合理

資金市多數係即市震一震, 低位一瞬即逝, 跟住就會再扯住上, 自從30/12收復27000就一直咬住唔放, 500點一級向上推進, 27500.28000.28500...., 後市如收市回吐超過200點就係見短頂訊號, 27500就危, 如失守今日低位27389, 就打破了底部上移尋頂趨勢, 好友最後防線在27000~27200, 早市恒指受利淡消息拖累急挫, 午後跟隨上証爆上, 齊齊收復失地倒升收市, 再度收陽燭, 恒指九連陽了, 仲有冇力上呢? 未來兩天會有周末沽壓效應, 好友要小心侵侵發癲噢! RSI每當上企70往往企唔穩, 港股時辰到了

昨日已說科指及國指日前收跌係好事, 通常跌完就會破頂而上, 今日科指及國指強勢破頂撐市, 將本來走低的恒指拉番上水面, 不過恒指雖然六連升, 但今日的升幅係六日以來最細, 反映27800關前獲利沽壓加劇, 估計明日港股避險沽壓會進一步增加, 因為恒指已連升6日, 本周未跌過, 連升太長唔係好事, 透支了升幅就會反艇, 去年試過兩次六連升, 一次七連升, 跟住就嘔, 睇下面的財經日誌, 未來兩天立立亂, 要靠大媽護盤

美國參議院選舉拖累納期插水, 但港股仍能V彈, 全靠大媽及老外齊齊掃貨, 老外昨日沽招行及平保A股, 今日剛好相反, 掃入招行及平保A股, 推動內銀內險A股全面反彈, H股跟住上, 國指就飛天破頂,

已多次提醒大家炒港股的熱錢大鱷愛玩極速變臉, 通常炒2~3日就食胡換馬, 輪住來炒, 散戶短炒要睇位獲利, 港股雖然牛氣沖天, 不過好友亦要小心, 當美元或債息有異動, 就會對金融市場構成壓力

早已說過侵侵會在20/1離任前盡地一煲搞拜登及中國, 必定會引起市場震盪, 侵侵搞完電訊股又再簽署行政命令, 禁止使用支付寶、騰訊 QQ、WeChat Pay等8家中國應用程式, 消息理應利淡QQ及阿里, 但今日卻因大媽掃貨而爆升, 要看今晚於ADR冇左大媽護盤會否出現沽壓, 淡友想反擊的話, 本周就係最佳時機, 因為侵侵禁止買賣黑名單上中企股份即將生效, 市場擔心除了電訊股或會被踢出ADR外, 油企.QQ.阿里都係高危, 未來幾日變數多, 暗藏殺機,

~~~~~~~~~~~~~~~~~~~~~~~~~~~

港股A股化.股份急升暴跌是常態

港股續創新高, 因為中港股市通常係同步尋頂, 只要上証續升, 港股就有運行, 基金經理口吻偏好, 資金牛市, 港股技術指標向好, 平均線以牛陣排列, 新年開局基金經理一如所料於長假期後回歸後掃貨買上, 港股不斷向上擴大月波幅及屠熊, 港股A股化, 股份急升暴跌是常態, 但指數就有人睇場, 如未夠力上28000就會在27500穿梭, 好淡通殺

12月份港股消化沽壓, 以窄幅橫行來代替深度調整, 月波幅只得1342點(一般月波幅有1700~2300點), 靜極思動, 要有心理準備1月會係飛天遁地大波幅, 歐美疫情惡化, 多國封城, 但美股牛氣沖天, 已升至不合理水平, 與經濟脫節, 高位勢必惹來沽壓, 過去幾個月港股累積龐大升幅仍高企不下, 新年新氣象, 市場看好新一年中港股市, 普遍預期短線會上28000, 大方向會見29000, 甚至30000之上, 年初大行通常係唱好, 營造利好氣氛, 引股民入局

早前講過道指及恒指約有三千多點的差距, 港股大幅跑輸道指, 有條件追落後, 美股仍高企不下, 所以港股上月插穿26000/10300即彈, 保持不會多過四千點的差距, 不過恒指出現六連升後, 兩者差距已大幅收窄至2700點的合理水平, 唔少分析都嫌美股貴, 中港股市反而具吸引力, 亦係過去幾日中港股市爆升追落後的主因, 只要基金經理看好, 佢地逢跌就會吸貨買上, 港股可能又係炒股不炒市, 新舊經濟股交替上落, 不會全面上升,

============================

2020/12/28 陸羽仁 巨網難平安

阿爺披露整頓螞蟻五辣招: 人行副行長潘功勝代表四部門就約談情況解釋,並提供五項整改要求:公司治理機制不健全;法律意識淡漠,藐視監管合規要求,違規監管套利;利用市場優勢地位排斥同業;損害消費者合法權益。

阿里巴巴被查,假前股價急插低見226.2元,創逾五個月低位,收瀉8%,報228.2元,成交金額159億元高居榜首,

這次金融監管部門對互聯網巨頭的調查,是螞蟻上市不成後的後續行動,反映事件不是個別性質,很多人開始留意當時被約談的公司名單,因為有份應約,就有可能代表被關注。根據內媒報道,第一次被約談的平台就包括阿里巴巴、騰訊、京東、美團、58同城、百度、奇虎360、搜狗、字節跳動、快手、滴滴、微店、新浪微博、多點、貝殼找房、拼多多、國美在線、餓了麼、小紅書、携程、蘇寧、同程、阿里巴巴、貝貝網、雲集網、蘑菇街、興盛優選、唯品薈等。這些股份部份在內地上市,部份在美國上市,故此震盪會向各市場擴散。

如何避開這股震盪呢?初步來看不容易,互聯網企業能夠快速冒起,除了因為技術上的應用創新,還因為監管上的寬鬆,這種監管的不平衡,就造成這類公司估值偏高。若然當局揸正來做,就算不令這些巨頭倒下來,營運的難度和利潤率跌下來。正如有銀行家直言,若然虛擬銀行要承受傳統銀行一樣的監管成本,他們真的扛得過傳統銀行嗎?

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

財經日誌

14/12美國總統大選~選舉人團投票日, 要等 6/1/2021美國 國會承認大選結果, 拜登才能於明年20/1/2021入主白宮, 侵侵不斷號召粉絲於6/1包圍國會, 抗議選舉舞弊, 反對拜登入主白宮, 或會引起金融市場波動

庚子病鼠年末的子年子月: 7/12/2020~4/1/2021 = 亂

21/12開始土木星相會,隨後幾個月內會有災???

12月基金年結

<匯港通訊> 國際指數公司富時羅素繼早前將9間中國公司剔出其全球指數後,再表示因應美國加大針對中資股的行政命令,有機會將更多中國公司從全球指數中剔除,包括ETF、指數基金及被禁制企業的子公司,將於周一(2021年年1月4日)公布,而所有進一步改動會於1月7日生效, 中芯國際等被制裁股將會被剔除。美國財政部指出於11月發布的禁止投資行政命令,適用於交易所買賣基金(ETF)、指數基金、以及被認定為中國軍方擁有或掌控中資企業的子公司。

5/1舉行兩個美國參議院席位選舉,這將決定參議院的控制權,並影響民主黨當選總統拜登實施其計劃的能力

油組及其盟友將聯合技術委員會和部長級監督委員會會議, 推遲至2021年1月3~4日

《互聯網保險業務監管辦法》2021年2月1日起生效

特朗普於11月簽署行政命令, 制裁35間中國企業,指控這些企業受中國軍方擁有或控制,並將於2021年1月11日起禁止美國的投資公司、社會保障基金及其他公司, 買賣黑名單上中企股份, 最遲明年11月要完成所有交易。

本港時間周四7/1/2021清晨,美國聯儲局公布15~16/12政策會議記錄

反壟斷法

============================

免責聲明

本網站所載的資料並不構成投資的意見或建議。在作出任何投資決策前,您應考慮自己的財務狀況、投資目標及經驗、風險承受能力。本網站所載的資料不構成任何投資產品之要約、要約招攬或建議。本資料只作為一般參考用途;並未就所載資料的完整性、準確性及時間性作出任何保證, 它並沒有考慮您的個人需要、投資目標及特定財政狀況。

最新回應

投資高手
投資高手 2021/10/23
@soho*...

不過,貼價熊證甘多,雖然昨天減少了,但仍不少,是否顯示也有很多散戶看淡?甘大户會不會繼續炒上一邊殺熊證一邊派貨給散戶呢,即係短期仍不會下跌?

史哥
史哥 2021/10/23
@試下學下...

其實你股感咁好,信自己啦。

推弱王記得單聲~跟你揾食。

{#iconb_64}

soho*
soho* 2021/10/23

c6, 地產板塊昨日成交高達$49億, 為今個月最大成交, 這麼多資金突然湧入, 必有所圖, 結果今日再爆升, 連日急升, 夠水位食胡了

soho*
soho* 2021/10/23

投資高手, 通常每星期升/跌2~3天, 但本周只係跌了1天, 跌市日數未達標, 按照升跌日數的慣性走勢, 下周跌市日數會增加

月中曾寫了一個劇本, 就係預測本周恒指會收升, 連升四周, 市場氣氛升溫, 人人向上望 , 好友及後知後覺的散戶進場接火棒, 等埋貼價BB牛出世, 月尾淡反擊,