7~11/1 休息是為了走更遠的路

2021/01/07 21:34:42 網誌分類: 經濟
07 Jan

港股回調整固, 消化沽壓, 儲力向上

7/1 周四恒指收27548, 跌143點, 結束六連升

恒指六連升斷纜魔咒發揮作用, 恒指終於作出回吐, 休息是為了走更遠的路, 國指及科指日前收跌一天, 隨後就破頂, 按照呢個升跌韻律, 今次跌完亦會破頂而上, 通常係收復失地並升突, 窒窒步升就可吸引淡友熊熊入局,  牛熊都非常貼價, 貼價熊肥牛瘦, 明日大鱷一定會開大餐, 尋頂市每周都會有新高, 月波幅仍未達標, 仍有上升空間, 周初高位27756不會是大頂, 短線會挑戰前頂28055, 如能上企就會上28500

中港股市牛氣沖天, 成交持續暢旺, 近來內地股市日日都有約12000億人民幣成交, 而港股亦有超過$2000億, 牛市買盤強, 難連跌, 大漲小回, 通常跌1~2天就會急彈, 老外及大媽今日齊齊掃貨, 人民幣強勢, 吸引資金流入中港市場, 美國政局及疫情立立亂, 所以無形之手就推高美股粉飾太平來穩定人心, 亦可刺激消費及經濟,

美國十年期債息急升重上1%, 利好金融股, 舊經濟股急升來抵消新經濟股的跌幅, 交替上落托市, 亦係港股往往跌唔落的主因, 美期急升, 上証死唔去, 一回就彈, 不過上証已連升6天, 去年見過2次五連升, 1次七連升, 1次八連升, 預示上証快將回吐, 老外大媽都大手掃貨, 互聯互通旺場, 老外玩緊高沽低吸, 市場氣氛熾熱,

由於日前測市指標出現利淡訊號, 本來估昨日收跌, 但急挫後卻拗腰倒升42點, 不過要來的始終會來, 今日收市終於下跌143點, 釋放沽壓係好事, 震牛養熊, 反而有利後市, 港股有大媽睇場, 大行幫企業安排配股及新股上市, 所以要力撐大市, 今日回吐低見27457, 冇跌穿昨日低位27389, 收窄跌幅, 又係跌唔落, 仍然係底部上移向上推進尋頂格局

~~~~~~~~~~~~~~~~~~~~~~~~~~~~~~~~~~~

北水大媽抗衡沽壓

侵侵離任前不斷出招對付中企, 不過港股有大媽睇場護盤, 愈打壓愈頑強, 狂掃QQ.中移.中芯等遭賤美制裁的股份, 大市往往係一插即彈, 港股A股化, 大媽北水對港股升跌起關鍵作用, 大媽掃貨唔理市盈率及RSI超買, 唔理歐美股市表現或消息, 所以大媽股往往升到你唔信, 震一震又再癲過

資金市多數係即市調整, 低位一瞬即逝, 收市跌少過200點, 好少連跌, 跟住就會再扯住上, 自從30/12收復27000就一直咬住唔放, 500點一級向上推進, 27500.28000.28500...., 市場普遍睇今次牛市會上29000, 甚至30000之上, 順勢應逢跌買上, 如造淡只能快閃

早前講過道指及恒指約有三千多點的差距, 市況好時就會係跑輸約二千點, 美股爆上31000, 目前兩者差距約3300點, 港股仍大幅跑輸道指, 有條件追落後, 只要挾淡逼淡友回補空倉, 大市升勢就會轉急

美國選舉塵埃落定, 連參議院兩席都落入民主黨手上, 有利拜登日後施政, 消除不明朗, 美股愈升愈有, 高企不下, 所以拉住港股跌唔落, 回吐後就會有資金再追落後, 基金經理繼續看好後市, 佢地逢跌就會吸貨買上, 港股可能又係炒股不炒市, 新舊經濟股交替上落, 不會全面上升, 受侵侵制裁的股份沽壓未除, 為了符合美國法律, 國際基金不得不沽出相關股份, 不過大媽掃貨力抗沽壓, 穩住港股

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股牛氣沖天, 繼續屠熊之旅, 挑戰28000關鍵阻力位

8/1 周五恒指收27878, 升329點

牛市其中一個特徵係壞消息當好消息炒, 未見大頂前就算大跌, 往往有資金趁低吸納, 多數係一插即彈, 今日高見27920, 今日刻意唔上28000係引熊熊淡友入局, 大鱷亦想預留上升空間俾下周, 營造底頂上移的趨勢來引股民入市, 尋頂市每周都會有新高, 下周要突破2月高位28055來擴大周及月波幅, 如能站穩28000, 就會500點一級向上移, 如上証或美股見頂回落, 恒指就要在27800穿梭

小心匯市有變, 美元止跌回升, 守住89重上90水平, 如美元續升不利股市, 人民幣已連跌兩天, 後市要留意美國匯債的變化, 對港股升跌舉足輕重, 當美國十年期債息上破1.5%, 股市壓力就會增加, 大鱷通常會提早走貨, 大鱷沽貨, 愈沽愈升, 今日港股急升已見獲利沽壓, 個別熱炒股的沽空亦增加, 恒指於27800附近連跌斷纜, 代表呢個水平獲利沽壓增加, 資金入市買上感到猶豫, RSI於75附近通常會惹來獲利沽壓

侵侵離任前不斷出招對付中企, 美資大手沽出電訊股, 不過大媽掃貨護盤誠意十足, 大市震一震又再爆上, 大媽股往往升到你唔信, 市場水浸, 入市氣氛熾熱, 買盤強勁, 不過唔少股份都升過龍, 超買, 隨時會反艇, 港股A股化, 大媽北水對港股升跌起關鍵作用, 大媽股往往升到你唔信, 不過股份急升急跌, 牛市揀錯股都會輸屎人, 市場風險胃納上升, 金價死貓彈完再度回落, 資金由避險黃金及美債等轉投股市

近日港股爆升, 除了挾淡外, 亦有可能是為了部署股東減持/配股/發債/納入指數/互聯互通, 所以扯住上, 近日股東減持/配股/發債活動非常頻密, 股民持有半新股/企業手緊股/嚴重超買股就要小心,

上証一如所料作出回吐, 六連升斷纜, 不過跌幅不大, 僅跌6點, 因為老外繼續大手掃貨, 當老外走貨就要小心, 下周一內地公布內地CPI, 又係大龍鳳的日子, 美股屢創新高, 超買, 股王TESLA飛左出外太空, 升到連基金經理都驚, 或會止賺獲利, 亦會對美股構成壓力

~~~~~~~~~~~~~~~~~~~~~~~~~

今日港股成交急增至$2703億, 當中有$247億是收市U盤MSCI調動, 剔出受美國制裁股, 美資大舉沽出中移等電訊股, 大媽就大手掃貨力撐, 下周一(11/1)就輪到富時羅素指從全球指數中剔除3間中資電信股, 大市或會有震盪, 要看大媽護盤的功力, 其實唔少港股指數基金, 連盈富基金都受美制裁中企所影響, 表示根據美國法律, 不能再對相關股份進行新投資, 有股評人及財經界人士指盈富應更換管理人及信託人, 不應用美企來管理, 否則會損開股東利益, 侵侵真係害死美投行, 怪不得美國商界都反侵

趁美國立立亂,2021年阿爺打響頭一炮反擊, 出招反制美國長臂管轄, 商務部令2021年第1號, 撤銷外國法律與措施不當域外適用辦法, 消息利好相關股份

港股係千點級級上, 踏入去年第四季, 多國宣布計劃於12月開始為國民接種新冠疫苗, 去年11月中旬中國與東盟及日韓澳紐等國簽署《區域全面經濟伙伴關係協定》(RCEP), 利好消息推恒指上27000, 歷時7年的《中歐全面投資協定》談判於去年12月尾落實簽署, 利好消息推恒指上28000, 兩份協議生效意義重大, 不但化解了美國孤立中國的陰謀, 亦有助分化美歐, 以及鞏固中國經濟復蘇的基礎, 加強熱錢及基金經理掃入中港股市的信心

{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}

港股沖高秒殺肥熊即回呈大陰燭, 即市調整

11/1 周一恒指收27908, 升30點, 連升兩天, 挑戰28000試水溫

港股終於突破28000/11000, 貼價肥熊陣亡, 有阿爺睇場, 港股往往係一插即彈, 即市完成調整, 或者急升急回, 只係抹去大部份升幅, 冇跌入肉, 港股仍處於底頂上移尋頂趨勢, 過去6個交易日恒指5升1跌, 大漲小回, 好友仍主導大市, 今日收27800之上, 代表好友仍會再衝28000, 第一次閃上去通常係試水溫及引淡友入局, 今日28000得而復失, 淡友熊熊紛紛進場, 中伏了,

內地通脹重臨, 疫情升溫, 河北新冠爆發, 內地股市借勢調整, 上証沖高見3597後倒跌38點, 失守3550, 收3531, 創半個月最大跌幅, 連跌兩天, 不過上証通常跌2~3日就會反彈, 恒指何時上破今日高位28176就要看上証, 因為中港股市同步尋頂, 而今日兩地股市亦係同步創新高後急回, 只要上証反彈, 就會扯番港股上去, 今日閃上去28000試水溫, 回氣後就會再上, 因為周及月波幅仍未達標, 牛市應市策略係逢跌買上, 造淡只能快閃

近日股東減持/配股/發債活動非常頻密, 係港股愈升愈有, 跌唔落的主因, 今日輪到海底撈配股, 其實唔少股份都係炒高來抽水, 熊市配股就會拖低大市, 牛市配股反而會有資金趁低吸納,

上日美企車股TESLA爆升63.98美元收880.02美元, 唔少分析師及基金經理都認為已升至不合理水平, 紛紛表示會略為減磅炒波幅, 飛天比特幣突然急瀉兩成, 「新債王」岡拉克形容比特幣現有點處於泡沬領域, 美元突破90.5, 

美資狂沽制裁股, 不過大媽狂掃電訊股及QQ來撐市護盤, 國指強勢托市, 明日只要守得住27800關鍵位, 就會再上28000, 如能站穩, 就會500點一級上移

半日收市時港股大幅高收, 當時元帥已說升市跌股太多, 因為港股高開後一度升298點, 但沽壓隨即湧現, 連熱炒的股份都逆市下跌, 半日收市VHSI恒指恐慌指數亦急升3.92%, 只係靠QQ電訊及內銀托市, 資金由新經濟股換入舊經濟股, 美國十年期債息上到1.158%, 金融股見買盤, 半日大幅收升244點並不配合股份表現(699 升 VS 926跌), 午後港股果然跳水, 抹去大部份升幅, 港股仍能收升全靠大媽瘋狂掃入受美國制裁的股份, 北水淨流入創新高, 代表港股後市仍會有新高

受美國制裁股份的影響浮現, 3間美資券商有484隻衍生產品提早終止交易, 22/1前或會沽出用來對沖的正股,

由12月低位25998彈上今日高位28176, 升幅約2200點, 由1月低位27079彈上今日高位28176, 升幅約1100點, 元帥說1月份如果上到29000就要小心,因為如果上到呢個水平,月波幅就有約2000點,一般月波幅係1700~2300點,大鱷夠水位轉身, 而於12月在26000買上的大鱷, 升到28176亦獲利2200點, 加上去年二月頂部在28055, 所以28000沽壓會增加, 如能突破, 淡友投降, 就會上28500.29000....

2020年頂 29175
2019年頂 30280
2018年頂 33484
2017年頂 30199

最新回應

美味雞煲
美味雞煲 2021/01/28
@soho*...

元帥,一開市好彩 5 大貪高位食糊,恆指好快急彈400點跌幅收窄,剛好係29,100點左右,見補番個上升裂口,梗係入場炒多轉啦定左止蝕位就唔怕。結算日開波跌咁多,下晝都冇眼睇,等下晝食糊,報仇成功之前輸咗1000點今日搞掂 🤩😅

門徒
門徒 2021/01/28

元帥如這只是A浪開始未來還有個C浪可到240,小門不建議太早持倉

soho*
soho* 2021/01/28

我係網誌寫擔心乜乜物物, 多數都會發生, 例如小心聯儲局議息會引發匯市波動, 小心阿爺出手為股市降溫, 小心基金贖回, 小心大媽提早收爐....

soho*
soho* 2021/01/28

水滴兄, 你真係好犀利, 竟然搵得到, 謝謝!

就係星期五(22/1)公布呢個監管措施, 令內地股市於星期一(25/1)大成交沖高見頂回落, 跟住星期二三四滬深股市成交急降, 阿爺嚇到內地基金走鬼散水, 怪不得恒指星期一與上証同步見頂回落, 係好友夾硬踢上去食胡鬆人

今日北水流入港股係本周最少, 係連鎖反應

炒股真係好難, 太多資訊, 好難兼顧