醫學博物館展出研教學用途港產3D針灸銅人教你認穴位

2021/01/12 04:13:04 網誌分類: 生活

12 Jan

        　　香港人好有發明頭腦，最新一例，係東區尤德夫人那打素醫院醫學物理學家唐嘉信博士，佢發明咗一個3D針灸銅人，只要用枝棒喺佢身上指一下，就知道是否搵到特定嘅穴位，佢透露將同大學商討，將呢個全世界首創嘅銅人用喺教學用途上。

        　　香港醫學博物館將展出呢個全世界首創嘅3D針灸銅人，佢使用三大核心科技，包括電腦3D掃描、再進行3D金屬打印同虛擬擴增實景定位系統，使用者就就可以喺銅人身上找不同嘅穴位。唐博士設計咗尋找穴位嘅小遊戲，透過銅人身上嘅追蹤器，銅人四周嘅感應器，再配合電腦系統中有關穴位嘅位置，可以知道使用者所指嘅位置，是否係一個特定嘅穴位。唐博士話，銅人由概念至成功製造，花咗三年時間，正與大學商討將3D針灸銅人用於教學嘅可能性。

        Kelly Chu