木水火
木水火
木水火

「好打得」變「好等得」

2021/01/14 13:00:01 網誌分類: 時事
14 Jan

是否取消港人雙國籍已迫在眉睫,又怎可以坐定定喺度,知棘手就唔想做?一個人工比歐美元首級還高的行政長官,又豈能畏事怕事不作為?外界炮轟林鄭只想等中央代勞,好打得變好等得,變調太快了吧?  {#icons_girl7}

笑看天下:「好打得」變「好等得」               

港人申請英國國民(海外)護照(BNO)數字近期激增,據英國駐港澳總領事賀恩德早前表示,有約35萬名港人持有BNO,較2019年夏天增加20萬人,而容許港人移民嘅方案,喺英國獲得顯著支持。英國政府預計,實施計劃後首年將有12萬至15萬名港人,以BNO港人留英簽證赴英,預計未來5年將有多達25萬至32萬港人赴英。 {#icono_20}

對於有咁多人持BNO赴英,中央表明會有反制措施。早前有論者已指出,BNO根本係違反《中英聯合聲明》,香港明明行一國兩制,BNO如今變成「第三制」,中央及港府理應明確反制,禁止雙重國籍。中國外交部早前指英國違反承諾在先,中國將考慮不承認BNO作為有效旅行證件。同時,《基本法》賦予「香港永久性居民」嘅種種福利政策和政治權利,好似低廉醫療服務、申請公屋、免費教育、參與政治選舉之類都冇份,即係話一入籍英國,再不能享有兩家茶禮咁着數! {#icono_43}

針對有關嘅BNO移民方案,行會成員葉劉淑儀率先表態,指自《港區國安法》實施後,外國趁火打劫叫港人移居外地,吸納資金,她建議中央於香港嚴格執行《中國國籍法》第9條,即列明定居外國、自願加入或取得外國國籍嘅中國公民,自動喪失中國籍,並為此釋法。之但係仍安然住喺禮賓府而非「特首府」嘅林鄭,卻冷冷的說行會無討論有關問題,更不希望提出意見者為行會成員而惹誤會! {#icono_40}

住喺禮賓府嘅特首,果然夢裏只知身是客!窗外嘅紫荊花,已然零落成泥,怎及英倫黃色綠絨蒿的鮮艷?然而,畢竟係行政長官,林鄭又豈能不審度時宜,慮定而動?是否取消港人雙國籍已迫在眉睫,又怎可以坐定定喺度,知棘手就唔想做?一個人工比歐美元首級還高的行政長官,又豈能畏事怕事不作為?外界炮轟林鄭只想等中央代勞,好打得變好等得,變調太快了吧?

                                       

https://orientaldaily.on.cc/cnt/news/20210114/00184_008.html