木水火
木水火
木水火

建議就係成個區炸咗佢

2021/01/17 12:30:01 網誌分類: 時事
17 Jan

笑看天下:建議就係成個區炸咗佢  {#icons_dog3}

第4波疫情愈爆愈有,港府抗疫4個字足以形容:一塌糊塗!好心唔好再講乜嘢「張弛有道」,更加唔好自我吹噓甚麼「對外做到滴水不漏」,至於所謂「精準防控」就連提都唔好提,庸官唔臉紅,盞笑死人冇命賠! {#icono0_12}

阿哥,由去年初防疫防到今年就嚟過農曆新年,疫情由彈上彈落到依家已變彈上好難落,尤其係近日舊樓林立嘅油麻地、佐敦一帶,食衞局局長陳肇始稱,油麻地至佐敦一帶,東至彌敦道、北至甘肅街、西至渡船街、南至佐敦道被納入小區檢疫範圍,只要大廈出現一宗確診個案,即須強制檢測。目前上述區域至少有20幢樓宇被納入強檢名單,果然東南西北「滴水不漏」! {#icono_6}

呢啲樓又殘又舊,衞生又差,當被問到20幢大廈被強制檢測是否足夠,張竹君醫生似乎都有啲唔耐煩,反問記者:咁你建議如何呢?所以你可以建議究竟應該點樣做呢?張醫生向來予人好脾性感覺,看來亦有多少「抗疫疲勞」矣!人說「久病床頭無孝子」,依家疫情持續經年難遏止,且愈爆愈有,如果有好建議,已經做咗「神」啦!張醫生之「忟」,老朽可以體會。講真,油尖旺呢啲舊區問題多多,單係劏房污渠亂駁,正如測量師話齋,根本就係「死症」!如果問老朽有冇好建議,唯一方法就係成個區東南西北炸咗佢,說不定可以「鳳凰涅槃,浴火重生」! {#icons_cat3}

其實本報早前已率先踢爆港府防疫無能,無視5大清零盲點,好似假難民肆虐、無牌樓上吧藏污納垢、外傭犯聚無王管等,依家大規模強制檢測又提出6大問題,老朽認為單係第一及第二個問題,強檢都係嘥氣:其一,區內劏房多,短租客、公寓客甚多,追蹤困難大;其二,區內淫窟、鳳樓林立,有些幾乎每一樓層都有鳳姐,難鎖定曾到訪人士,若有確診鳳姐期間接客,人流如此複雜點控制?第4波疫情想清零根本係天方夜譚! {#icons_girl3} {#icons_boy3}

https://orientaldaily.on.cc/cnt/news/20210117/00184_008.html