19/1 北水推動港股屢創新高

2021/01/19 21:29:55 網誌分類: 經濟
19 Jan

港股高開高收呈大陽燭, 繼續尋頂屠熊之旅

19/1周二恒指收29642, 升779點, 強勢連升4天

港股A股化.煙花愈燒愈猛.牛氣沖天又一千.淡友熊熊陣亡

港股今早開市位已是全日低位, 大成交破位而上, 挾屎空軍, 逼淡友回補空倉, 北水買盤強勁, 落後股補漲, 推動港股進一步爆升, 不過目前港股拋離10天線太遠, 大市超買, 技術指標跟唔上大市升勢, 所以午後將大市拉番落黎, 不過見美期大反彈, 午後港股回氣隊穿29500後又俾買盤推番上去高收, 牛市一回就彈, 逢跌買上是上策, 大媽派開心錢梗係伸手接,

升到你驚, 係牛市特徵, 北水不會玩一天就散場, 會扯住上, 不過短線會受制於前頂30280/30199, 如果上到呢個水平好友就要好防風措施,

2020年頂 29175
2019年頂 30280
2018年頂 33484
2017年頂 30199

大牛市水浸市場, 買盤積極, 會不斷創新高, 好友入場即賺, 新手散戶湧入場, 就係大鱷派貨之時, 係接火棒遊戲, 新北水於29000樓上剛掃貨, 所以不會一棍見頂29848就收工, 通常會做多幾個頂才反艇, 高處未算高, 後市仍會有新高, 收升周多數會在周三四五才見周高位, 一如日前所說, 有可能炒到1月尾或2月上旬北水才收爐/收割, 收升月多數在該月20號之後才見頂, 明日周三(20/1)轉節氣大寒, 睇下會唔會心寒?

~~~~~~~~~~~~~~~~~~~~~~~~~~~~~~~

淡友擋路者死

過去幾日無論技術指標抑或測市指標都顯示大市要調整, 連美股上周三四五連日下跌以及利淡消息都配合, 全城分析師/基金經理/財演都一致認為港股要在29000附近抖氣, 回氣後再上攻, 但昨日(周一)北水突然大舉湧入, 今日水喉開得更大, 創港股歷來最大成交金額, 梗係食得晒所有沽盤啦! 恒指爆升近千點, 北水真係狼死, 天量成交殺上去, 空軍雞飛狗走拿拿臨補空倉, 大時代重臨, 冇貨/少貨的股民紛紛飛撲入市追貨, 有貨的股民就止賺/換馬/加倉, 大鱷平貨多就梗係推高港股來派貨

昨日肥青.梁燈.伍蛇都估計本周初大市要回吐, 佢地都係技術派高人, 但都跌眼鏡, 冇人估到今日大水湧入推動恒指升千點, 不過港股連番急起直追後, 如今恒指已經追到道指僅相差約1200點(早前是落後三千多點), 唔算大落後喇!

港股升到股民驚, 不過既然炒股好過返工, 冇執輸心態下, 股民紛紛湧入場分一杯羹, 如果跟上車唔識落車就死得, 港股升到29800, RSI 9 係90.8, RSI 14 係84.8, 超買爆燈, 要慎防沖多幾棍就收工, 不過按照慣性走勢今個星期要跌兩天, 但北水搶貨買上暫時唔俾跌住, 一支箭飆上去, 頭也不回, 北水狂掃ATMXJ, 港股升勢停不了

侵侵搞事, 即係想逼走美資, 美國對沖基金 Elliott Management 由本月開始, 關閉其香港辦事處的交易和投資活動, 為近期撤出香港其中一家最大的對沖基金, 港股今個月成交急增, 除了北水湧港外, 亦係因為美資沽貨鬆人, 因而谷大了成交, 受美國制裁股沽壓特別大, 要不是北水力撐, 港股早已反艇, 不過港股雖然成交急增, 但內地股市成交對比1月上旬係縮減, 可能係北水大戶及散戶都轉炒港股, 聽聞內地上市港股通ETF已炒爆, 升過龍, 對比合理股值出現高溢價, 已引來大戶沽空, 港股後市或會大幅波動, 要有兩手準備

~~~~~~~~~~~~~~~~~~~~~~~~~~~~~~~~~~~~~~

貼價熊肥牛瘦利上攻

牛市會不斷創新高, 就算擔心升勢過急沽貨後都要換馬, 而不是持有大量現金, 日前和大家討論後市, 結論係1月尾或2月上旬才會見短頂, 明知仲有排升, 所以不造淡, 今日已經上破29800, 唔使拖到2月, 好快會上30000大關, 北水大媽掃貨係唔會理樓上有冇肥熊, 亦唔會理阻力位, 佢地目的就係買入現貨, 資金持續通過滬港通流入, 年初至今淨流入超過1500億元人民幣, 從2014年滬港通開通至今, 資金累積南下1.66萬億元

昨晚睇熊仔分布, 29600~29900只得700隻熊, 今日根本不應殺上去29800, 但北水掃貨係唔會理熊仔, 唔關佢地事咖! 今早熊熊陣亡後, 明日要爆上29900才有肥熊吃, 恒指周及月波幅已進入達標範圍, 所以午後回氣, 大鱷都想俾時間BB熊入局才殺上去, 今早港股飛天, 有好友食胡, 連滿倉的梁蛇都走兩成長線貨, 明明話長倉不動, 始終擔心滿倉風險大

港股嚴重超買終於發揮威力, 今日港股爆上, 沖高回落, 收窄升幅, 一眾被制裁股份急升後跳水, 可能係美資或券商見爆升乘機沽貨, 因為券商終止制裁股的衍生工具就要沽出用來對沖的正股, 令大市及相關股份急升急回

試兄早已說過今個月會上29200~30100, 元帥計月波幅會見29800~30500, 今早高見29848, 月波幅已進入達標範圍, 不過而家才是月中, 從時間上推斷, 大市未見頂, 後市仍會有新高, 不過30000關前獲利沽盤湧現, 基金經理/大戶見大市升勢過急, 技術指標唔配合, vhsi恒指恐慌指數連續兩日急升, 侵侵臨終或會搞事, 侵粉或會為新總統登基增慶, 紛紛沽貨減磅.游水及換馬, 係港股沖高回落的主因

今日上証雖然收跌, 但整體上升股份比例高, 2721升 VS 1961跌, 而且內銀內險石化雙雄都收升, 表現唔差咖! 有資金吸納A股, 只要明日上証反彈, 好友就有藉口再踢高港股 聽聞登登放風尋求與中國合作, 市場憧憬中美關係好轉(就算登登係做門面功夫都係好消息)

最新回應

試下學下
試下學下 2021/10/23

今晚跟史哥教的方法睇圖,其實入市甘耐都吾知正確方法 {#iconb_613}

我分人確實係無信心,個心長期涼浸浸,好在你地無叫我現真身,有飯局都好怕去

投資高手
投資高手 2021/10/23
@soho*...

不過,貼價熊證甘多,雖然昨天減少了,但仍不少,是否顯示也有很多散戶看淡?甘大户會不會繼續炒上一邊殺熊證一邊派貨給散戶呢,即係短期仍不會下跌?

史哥
史哥 2021/10/23
@試下學下...

其實你股感咁好,信自己啦。

推弱王記得單聲~跟你揾食。

{#iconb_64}

soho*
soho* 2021/10/23

c6, 地產板塊昨日成交高達$49億, 為今個月最大成交, 這麼多資金突然湧入, 必有所圖, 結果今日再爆升, 連日急升, 夠水位食胡了