20~21/1 嚴重超買+利淡訊號

2021/01/20 19:53:47 網誌分類: 經濟
20 Jan

港股升勢過急, 高處不勝寒

20/1周三恒指收29962, 升320點, 連升5天, 高位沽壓加劇

今晚拜登新官上任, 瘟神侵侵死開, 真係一天都光晒, 市場預期美股會燒煙花賀一賀新總統, 所以港股偷步炒上, 以本周最少都有300點日波幅計, 30000大關熊必死無疑, 不過前大頂在30199及30280阻力大, 大市嚴重超買, 拋離10天線太遠會拉住港股後腿, 股民或會沽貨套現抽新股快手IPO, 會對港股構成壓力

港股超買情況嚴重, 特別是科企, 短短三天累計升約1100點, 升幅驚人, 升勢過急, 技術指標已經跟唔上, 三連升小心斷纜反艇, 大媽繼續掃QQ, 只要QQ未見頂, 港股仲有得上, 當QQ見頂, 港股亦會跟隨見頂回落, 市場已經唱緊700騰訊會見$700

大鱷唔鍾意玩全面上升, 所以今日新經濟股飛天, 舊經濟股就逆市下跌, 如果明日科企新經濟股回氣, 就要靠舊經濟股接力撐市, 繼續以輪動方式殺上去, 挑戰30000大關, 各國央行刺激政策規模是前所未見, 今年前景樂觀, 亞洲成為全球經濟增長引擎, 資金湧入熱炒中港股市, 不過港股升勢過急, 累積龐大升幅, 小心殺上30000試水溫後碌番落黎,

恒指連升五天, 上次恒指夾硬六連升都斷纜, 估計明日港股(特別是科企)沽壓會加劇, 如見短頂, 港股就會出現連跌, 過去兩周恒指每周只跌1天, 由於跌市日數太少, 所以預測本周會跌兩天, 回顧近年, 收升月恒指通常跌6~11天, 最少都跌5天, 如今一月只係跌了兩天, 跌市日數遠遠未達標, 小心未來幾日要補跌

今日滬水流入港股略為縮減, 為三日以來最少, 唔係好現象, 大手成交宗數突然急降, 大幅少過昨日, 可能係於30000關口短線再買上有戒心, 投資者擔心大市要作出調整, 30000大關係萬點關口, 比28000.29000的千點關口阻力更大, 要突破不難, 不過想站穩殊不容易, 當北水買盤收斂, 港股就危

~~~~~~~~~~~~~~~~~~~~~~~~~~~~~~

回調壓力大增

~ 港股(特別是科指)嚴重超買, 升到虛脫, 連日消耗性上升會有乜野下場? {#icono_71}

~ 昨日港股有很多大手成交, 但奇怪的是, 今日大手成交宗數明顯減少, 只得昨日的三分一, 難道昨日有大量補空倉買盤和基金追貨盤? 今日只得少量大手買賣盤, 是否大戶/基金覺得現水平買唔落手?

~ 早前積極掃QQ的滬大媽今日減磅, 買入$45億, 沽出$36億, 但深大媽就入QQ, 買入$38億, 沽出$8億, 深大媽凈買入QQ多, 滬深大媽齊齊走吉利

~ 港股連日爆升, 今日高見29993, 熊熊已所餘無幾, 淡友縮手, 牛5663 VS 熊3385, 貼價屠殺範圍有約2000張熊, 當熊熊死得七七八八, 就係港股回吐之時

假如出現下列情況就要小心

~ 當北水湧港收斂, 內地公募基金/大媽入夠貨, 就會削弱港股上升動力, 老外的沽盤就會推低大市

~ 當大媽沽貨食胡

~ 當內地股市(權重內銀內險股)反艇

~ 當熊熊陣亡清場, 嚇到股民唔敢再造淡, 人人做好友, 新手股民扮股神

~ 當阿爺出招為港股降溫

~ 當貼價牛登場(21及22/1發行新BB牛)

~ 當美元/美債息率急升

今日港股沽空急增至15.06%, 過去三個月見過兩次沽空超過15%, 跟住港股就大幅回吐

3間美資金融機構因應美國對中企的制裁政策, 提早終止共484隻衍生產品買賣, 最後交易日期是後日(周五22/1), 下周一25/1起暫停買賣, 過去兩周已見相關股份沽壓大增, 未來幾日券商要加速沽出用以對沖的正股貨尾, 會對大市構成壓力

以今日為例, 舊經濟股普遍見紅(四大板塊3跌1升, 權重金融地產都下跌), 如果凈係睇佢地, 今日港股應收跌, 但新經濟股科指爆上, 拉高大市, 所以港股收升, 其實唔少股份都見派貨手影, 新經濟股升過龍, 會惹來獲利沽壓, VHSI恒指恐慌指數連升三天, 基金經理及唔少投資者見呢兩日爆上29800紛紛走貨減磅, 推動港股成交連續兩日都超過$3000億, 大成交沖頂冇好下場, 如果明日再踢上去, 沽壓肯定會更大, 因技術指標已經跟唔上升勢

今個月上旬即市無論點插, 恒指收市跌幅都不足100點, 往往係即市調整, 代表港股正在尋頂, 如收市跌超過200點, 翌日無法收復失地, 就係淡友反擊訊號, 代表大市轉勢向下, 如好友反擊急彈, 大市就會重拾升軌

如今恒指已經追到與道指僅相差約1000點(早前是落後三千多點), 港股不再是大落後喇! 再上空間收窄, 港股現水平吸引力已下降, 早前港股大平賣, 吸引大媽掃貨, 如今炒到上天, AH差價已大幅收窄, 大媽會不會先行沽港股止賺呢? 頭一浸北水於低位掃貨, 主要是科企及H股, 現水平已經有龐大利潤, 小心大媽會沽貨鬆人

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股沖高回落呈陰燭, 高處不勝寒, 熊死牛命危

21/1 周四恒指收29927 跌34點, 結束五連升, 利淡

港股結束五連升, 連升斷纜利淡, 30000大關獲利沽壓大增, 高見30135已升抵短線目標, 下行壓力沉重, 現水平再買上風險高, 回顧去年大行預測今年恒指目標中位數就係30000水平, 北水大媽喪炒港股, 由去年31/12收市位27231升至今日高位30135, 短短三周累計升約3000點, 一步到位, 今個月無論周波幅.月波幅.大行目標都全部完成任務, 要回調整固後方能再上沖, 向上阻力30200, 30500~30700

好友要鎖定利潤或做對沖下跌風險, 月波幅已進入達標範圍, 真係烏鴉口, 昨日收市總結提醒大家小心會出現利淡的訊號, 今日一一出現, 測市指標全面出現回調訊號, 預示明日係高危日, 炒一周期權的淡友會大反擊

踏入2021年的14個交易日, 恒指11升3跌, 升市日數過多, 升幅過大, 升勢過急, 透支了升幅, 點升上來就點落番去, 如失守29500, 500點一級, 就要向29000進發, 牛熊分布方面, 昨日牛牛食胡大減, 所以今日大鱷托住港股扮跌唔落, 結果大量牛牛飛撲入市, 大幅增加約二千張, 由於30000樓上熊熊已死得七七八八, 失去推升誘因, 碌落去就可逼好友止蝕, 匯控逆市急升, 可能係藍燈籠,

今日科指一如所料收跌, 但跌幅不大, 科企下行壓力未除, 近來科技股俾北水搶貨炒到升過龍, 以往都見過呢種走勢, 到散水時就急挫, 當科企反艇, 就會推港股落山,

港股未見頂前大鱷會唔俾跌, 回調不會深, 所以過去兩周每次跌市幅度都不大, 不過當大市見頂, 大鱷就唔會再托, 大市就會急瀉, 如恒指收市跌超過200點代表好友已撤退, 通常見短頂就會嘔600~800點, 然後重拾升軌, 如大市轉勢向下就會嘔千點, 下周四期指結算, 睇下好友能否守住29500/29200, 10天線正不斷上移, 如回吐收於29500之下翌日未能收於其上, 10天線就危

港股沽壓未除, 上周預測本周會收跌兩天, 如今只係跌了1天, 本周尚欠1日跌市, 按照慣性走勢明日要收跌, 如失守29745/29676, 代表淡友奪得主導權, 以往當人人做好友向上望, 全民皆股炒得好興奮, 大市就會突然掉頭向下, 殺好友一個措手不及, 周一大陽燭抽升散戶就應追入造好, 慢三拍後知後覺的散戶於今日港股見短頂才進場做好友就危, 昨日已見派貨手影, 今日更明顯

~~~~~~~~~~~~~~~~~~~~~~~~~~~~~

過去兩日港股都有逾$3000億天量成交, 大成交沖頂冇好下場, 今日果然見頂倒跌收場, 呢幾日內地股市成交對比1月上旬係縮減, 可能係北水大戶及散戶都轉炒港股, 不過聽聞內地上市港股通ETF已炒爆, 升過龍, 對比合理股值出現高溢價, 已引來大戶沽空港股, 預示港股後市或會出大幅回吐, 北水流入港股連續兩日縮減, 係強烈利淡訊號

一如昨日網誌所說, 過去三個月曾見過兩次沽空超過15%, 隨後港股都大幅下跌, 今日沽空有15.9%(昨日15.06%), 連續兩日沽空急增, 代表淡友正在部署反擊, 呢幾日港股成交大得不尋常, 代表北水湧入, 有買亦有賣, 同樣代表沽盤湧現, 升抵2019年頂 30280及2017年頂 30199, 好友當然有戒心, 紛紛沽貨止賺, 淡友進場

上証今日爆上3600熔斷水平, 收升38點, 收報3621, 3600沽壓大, 要看能否站穩3天, 要留意內銀內險A股, 今日未有跟隨上証收升, 係利淡訊號

美國教師退休基金會旗下資管分支Nuveen表示已沽清受美國投資禁令影響的中企股份包括中電信 、中芯、小米、中海油、中移動及聯通, 明日(22/1)是3間美資金融機構終止共484隻衍生產品買賣的最後交易日, 券商需沽出用以對沖的正股, 亦係近日被美國制裁股沽壓大增的原因之一, 要不是有北水一直力托, 港股早已反艇, 不過呢兩日北水掃貨力度已收斂, 亦滲緊貨出街, 可能係月初於低位掃港股的北水沽貨獲利

福奇表示新數據表明疫苗似乎對變種新冠病毒株效用降低, 而以色列有逾萬人接種一劑輝瑞疫苗後仍染疫, 本港疫情惡化, 亦係30000/12000大關打回頭的主因, 就算今年大頂未出現, 但短頂30135/12005已見機會大, 因為今個月試過6次低開高收, 但今日卻是低開低收, 係轉勢訊號, 代表好友已食胡收工, 所以放軟手腳, 要下周再玩過第二鋪

~~~~~~~~~~~~~~~~~~~~~~~~~~~~

另類測市指標

回顧去年港股是在大年初一前幾天, 即係20/1/2020(年廿六)見頂回落, 而今年的大年初一是在12/2, 天象亦有異動, 2021年的2月10日這一天會出現六星連珠,太陽、月亮、水星、木星、金星、土星將連成一條直線

如果歷史重演, 今年2月初港股就會見頂回落, 但近日港股升勢過急, 已透支了升幅, 可能提早於1月下旬見頂都得, 今日高見30135或已見頂, 今年第一次水星逆行是在1月30日至2月20日, 六星連珠是在2月10日, 剛好在其中, 嘩))) 真係要有兩手準備

中國人最重視立春新年, 去年農曆新年前中港股市升勢逆轉, 可能同北水散戶/大媽/內地基金/機構投資者/提早收爐, 沽貨套現放年假有關, 當時淡友趁真空期偷襲,現時只有3個星期就係大年初一(12/2), 近日港股突然急升, 小心低位入貨的大媽會趁港股爆升提早沽貨收爐

{#icono_59}{#icono_59}{#icono_59}{#icono_59}{#icono_59}{#icono_59}{#icono_59}{#icono_59}{#icono_59}{#icono_59}{#icono_59}{#icono_59}{#icono_59}{#icono_59}{#icono_59}{#icono_59}

港股回調整固, 消化沽壓, 儲力向上, 反彈在望

22/1 周五恒指收29447, 大跌480點, 連跌2

港股符合了上文所說的回調指標, 隨即作出調整, 已成功紓緩了超買, 9RSI由90.6大幅回落至72.3, 釋放了沽壓反而有利再上攻, 由去年11月起恒指通常跌2~3天就會急彈, 下周四期指結算, 好友要部署結算位, 向下會力守29300及29100(上升裂口在28864~29100), 向上會再殺上29800及30000關鍵位, 恒指國指雖然大跌, 但有北水大媽撐腰的科指非常硬凈, 收市僅跌44點, 納指仍強勢, 增強港股科企的吸引力, 一回就見資金追入, QQ尾市壓低收窄升幅係好事, 有利下周開市彈高推番大市上山

昨晚美股收得差, 三大指數都沖高回落, 道指標普500都收陰燭, 加上內地股市反艇, 港股就瀉, 早前網誌一直提醒大家今日係3家券商要沽清受制裁股份的最後死線, 今日港股沽壓大是在預期之內, 但估唔到大媽縮手唔托, 不過以往當內地股市反艇, 大媽顧住A股, 就會任由港股回吐

過去兩日全城分析師都叫短炒食胡, 梁蛇連長倉貨都大減三成, 港股今日大跌不足為奇, 大牛市氣氛佳, 全城炒家本周獲利甚豐, 仍磨拳擦掌部署炒第二轉, 會加強低位的承接力, 重上29500不難, 早市老外沽A股獲利, 內銀內險A股大幅下挫, 沽壓大得不尋常, 拖低港股, 幸好尾市老外再掃入A股

恒指通常見短頂就會嘔600~800點, 然後重拾升軌, 如大市轉勢向下就會嘔千點, 由高位30135跌至今日低位29413, 累計回吐722點, 已進入健康調整範圍, 為了避免跌穿10天線, 下周初好友會反擊, 為了輸少一蚊得一蚊, 淡友亦不會坐以待斃, 今日淡友就借A權重股急挫推低港股, 今日沽空隨即由過去兩日的15~16%, 大幅回落至12.39%, 為本周最細沽空比率, 今日大插, 有淡友逃生

因應美國制裁, 標普道瓊指數將在指數中剔除中海油ADR和 H 股, 1/2起或者之前生效, 而MSCI明晟將中海油從 MSCI 剔出, 下周二(26/1)收市後生效, 富時將會在27/1(周三)剔除中海油, 周三聯儲局議息

其實今個月美資一直狂沽受制裁股份, 只不過大媽食晒沽盤, 港股才能連日爆升, 今日滬深大媽仍積極掃入QQ及美團, 流入港股的北水縮減, 可能係公募基金入夠貨, 亦有可能想等回吐才入貨, 因為AH股差價已收窄, 削弱港股吸引力, 基金經理仍看好後市, 普遍認為只係升勢過急, 超買, 要作出調整, 牛市未完, 大方向仍佳, 震完會再上

=================

一月中美企業績期, 公布業績後禁止買賣期就結束, 企業可以回購股份, 不過股份早已炒高, 小心見光死

3間美資金融機構摩根大通、摩根士丹利及高盛因應美國禁止當地投資者投資與中國軍方有關的企業, 提早終止共484隻衍生產品買賣, 最後交易日期是1月22日, 1月25日起暫停買賣, 此舉或會導致券商需沽出用以對沖的正股, 會引發市場波動

第1次水逆日期:1月30日至2月20日

第2次水逆日期:5月29日至6月22日

第3次水逆日期:9月27日至10月18日

2021年1月27日 聯儲局議息

中芯獲允在美國OTCQX市場交易至2月1日

標普道瓊指數因應美國制裁,將在指數中剔除中國海洋石油美國預託證券ADR和中海油 H 股證券, 2月1日起或者之前生效

MSCI明晟將中海油從 MSCI 全球指數及 MSCI 中國全股票指數剔除, 於星期二(26/1)收市後生效, MSCI 表示亦會將中海油剔出相關非市值加權指數、相關定制化指數

富時羅素將會在27/1(周三)從富時羅素全球指數系列、富時中國50指數剔除中海油

特朗普加碼制裁, 涉解放軍投資禁令, 要求美資在11月11日前清貨

預言家指 20/12/2020~31/3/2021 會有災難, 暫時出現了新冠病毒變種(巴西、愛爾蘭、南非及英國出現不同新變種新冠病毒), .侵侵搞事,美國國會被暴民攻佔, 撒哈拉沙漠落雪, 美國總統就職典禮華盛頓仿似空城, 二萬五千軍人守城, 仲有冇罕見的事情發生呢?

====================

2021年1月12日 08:28 貝萊德據報因應特朗普禁令 已開始沽3中資電訊股

<匯港通訊> 外電報道,全球最大基金公司貝萊德(BlackRock)開始沽售3間中資電訊商股份,以遵守美國政府禁止買賣相關股份的命令。報道引述消息人士稱,貝萊德過去數周已陸續出售中國移動(00941)、中國聯通(00762)與中國電信(00728)股份,並且會沽售餘下持股。

2021年1月19日 07:32 <匯港通訊> 高盛、摩根大通及摩根士丹利因應美國制裁,周一再宣布合共73隻窩輪或牛熊證要提早於2月2日或5日終止交易。

相關輪證涉及中芯國際(00981)及中國海洋石油(00883),以及納入中芯的恒生科技指數的輪證。 中芯及中海油遭美國列入中資股投資黑名單和實體清單。

最新回應

史哥
史哥 2024/03/28

下月關鍵位為~ 16561 

向上 16561 17057 17569

向下 為 16064 15582

{#iconb_22}

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏