木水火
木水火
木水火

抗疫無能罰港人 北上深圳路濕滯

2021/01/22 12:30:02 網誌分類: 時事
22 Jan

政府無能,懲罰市民!庸官一味話防疫做到「滴水不漏」,其實防疫抗疫周不時露底,究竟啲高官知唔知個「醜」字點寫o架?唔通真係無知就無懼?不知恥就無敵?咁你都睇吓一橋之隔嘅梳打埠吖!我哋淨係「肇始」,疫情一夜去到年初前,甚至爆到九彩!澳門由去年初口罩供應到後期疫情清零,下了一城又一城!真係值得一賀o架!目前粵澳兩地政府通過溝通協商,基本上兩地民眾已經恢復正常往來,兩地往來只需出示7天內有效核酸檢測無感染報告!相對港人要21日隔離又要4次檢測,作為港人,我好自卑!珠玉在前,覺我形穢!唉!即使懂得「笑恥」又有乜用喎?下台吧!否則功夫茶逛縮水年宵花市,買支桃花,也感受唔到桃花依舊笑春風嘅心情囉! {#icono0_41}

抗疫無能罰港人 北上深圳路濕滯

本港新冠肺炎疫情反彈失控,有從小區向外蔓延嘅趨勢!尋日新增70宗確診個案,7宗屬輸入個案,其餘63宗本地病例,有16宗源頭不明。呢,個案中有31宗患者來自油尖旺區,疫廈名單擴至觀塘麗港城及旺角富榮花園。面對疫情失控而庸官束手無策,看來除咗收緊收緊再收緊,又唔知有乜「朝令夕改」政策攞嚟愚弄街坊? {#icons_girl9}

庸官抗疫後知後覺,乜都慢十拍,咁鍾意跳老舞,難怪尋日多位立法會議員炮轟政府防疫不力,後知後覺,市民對「清零」無期感憤怒,亦對「唔知要撐多久」感無奈!「外防輸入」只聞樓梯響,阿哥,明明住喺九龍城,就咪作大住喺紫禁城啦!一時話自己「張弛有道」,一時又話「精準防控」;更經常自我臉上貼金,話因為檢測多咗,自然確診個案就多咗,叫大家咪驚喎!明明防疫漏洞百出,仲死撐! {#iconb_227}

喂!你班廢官就自我感覺良好啫,一河之隔嘅深圳就當正香港係洪水猛獸,措施最反映實情!嗱,針對就快農曆新年,有錢冇錢,回鄉過年,由香港返回深圳嘅人數必然大增,部分經深圳灣口岸入境民眾可能被分流至東莞、惠州、汕尾或中山集中隔離。同時,自本月5日開始,由香港經深圳灣口岸入境旅客實施預約通關機制,控制每日入境旅客約2,000個名額。而從廣州白雲機場入境嘅民眾或被分流至佛山、清遠、江門和肇慶4市集中隔離;一年將盡夜,萬里未歸人!想回鄉探親,喺疫情下都真係不易! {#icons_cat3}

呢!仲有更嚴苛管控,廣東省政府仲直接對港官抗疫無能打臉,直指香港本土疫情仍未能有效控制,入境口岸防疫人員自然要金睛火眼,做好閉環管理,將入境旅客自口岸送到集中隔離酒店;對香港入境民眾需持有24小時內有效核酸檢測無感染報告;分流到隔離酒店後需進行14天集中隔離和7天家居隔離;另在入境時、隔離第7日、第14日和第21日,做4次核酸檢測! {#iconb_218}

政府無能,懲罰市民!庸官一味話防疫做到「滴水不漏」,其實防疫抗疫周不時露底,究竟啲高官知唔知個「醜」字點寫o架?唔通真係無知就無懼?不知恥就無敵?咁你都睇吓一橋之隔嘅梳打埠吖!我哋淨係「肇始」,疫情一夜去到年初前,甚至爆到九彩!澳門由去年初口罩供應到後期疫情清零,下了一城又一城!真係值得一賀o架!目前粵澳兩地政府通過溝通協商,基本上兩地民眾已經恢復正常往來,兩地往來只需出示7天內有效核酸檢測無感染報告!相對港人要21日隔離又要4次檢測,作為港人,我好自卑!珠玉在前,覺我形穢!唉!即使懂得「笑恥」又有乜用喎?下台吧!否則功夫茶逛縮水年宵花市,買支桃花,也感受唔到桃花依舊笑春風嘅心情囉!

功夫茶

https://orientaldaily.on.cc/cnt/news/20210122/00190_001.html