Kelly Chu
Kelly Chu
Kelly Chu

「逆溫層」有利煙霞產生 隱形蓋重現 港天空上清下濛

2021/01/23 04:12:35 網誌分類: 生活
23 Jan
          香港早前凍得好厲害,Kelly覺得呢兩日暖番才冇咁辛苦。而喺呢個冬季亦造就一啲天文特別景像,昨日香港從高處可見上清下濛,城市被煙霞籠罩。天文台喺facebook專頁指昨早大氣低層出現隱形蓋子「逆溫層」,有利煙霞產生。

          天文台指本港部份地區嘅能見度曾降至五千米以下。從高空氣象觀測嘅數據所見,昨早八時大氣低層出現逆溫層,即氣溫隨高度增加而上升,顯示大氣較為穩定,空氣中嘅懸浮粒子較難擴散,有利煙霞產生。天文台設於太平山嘅攝影機便拍攝到呢個現象。

          逆溫層常出現於晴朗微風嘅冬天晚上。天文台指冇雲嘅遮蔽,地面熱量能散發到大氣外,並令接近地面嘅空氣溫度迅速下降,以至出現明顯下冷上暖嘅逆溫現象。處於逆溫層下嘅空氣被覆蓋住,當有細微塵粒積聚,慢慢形成煙霞天氣。

          Kelly覺得呢個自然現像真係好神奇,令香港增添一份朦朧美!

        Kelly Chu

        
■逆溫層下嘅空氣被覆蓋住,香港從高處可見上清下濛。p/  
 ■逆溫層下嘅空氣被覆蓋住,香港從高處可見上清下濛。

   

■本港部份地區能見度曾降至五千米以下。p/  
 ■本港部份地區能見度曾降至五千米以下。

   

回應 (0)
我要發表
user