😊大元帥盡心盡力😊為股民寫網誌😊

2021/01/23 21:41:04 網誌分類: 學習
23 Jan

回調壓力大增

~ 港股(特別是科指)嚴重超買, 升到虛脫, 連日消耗性上升會有乜野下場? {#icono_71}

~ 昨日港股有很多大手成交, 但奇怪的是, 今日大手成交宗數明顯減少, 只得昨日的三分一, 難道昨日有大量補空倉買盤和基金追貨盤? 今日只得少量大手買賣盤, 是否大戶/基金覺得現水平買唔落手?

~ 早前積極掃QQ的滬大媽今日減磅, 買入$45億, 沽出$36億, 但深大媽就入QQ, 買入$38億, 沽出$8億, 深大媽凈買入QQ多, 滬深大媽齊齊走吉利

~ 港股連日爆升, 今日高見29993, 熊熊已所餘無幾, 淡友縮手, 牛5663 VS 熊3385, 貼價屠殺範圍有約2000張熊, 當熊熊死得七七八八, 就係港股回吐之時

假如出現下列情況就要小心

~ 當北水湧港收斂, 內地公募基金入夠貨, 港股就會失去上升動力, 老外的沽盤就會推低大市

~ 當大媽沽貨食胡

~ 當內地股市(權重內銀內險股)反艇

~ 當熊熊陣亡清場, 嚇到股民唔敢再造淡, 人人做好友, 新手股民扮股神

~ 當美元急升

今日港股沽空急增至15.06%, 過去三個月見過兩次沽空超過15%, 跟住大市就大幅回吐

3間美資金融機構因應美國對中企的制裁政策, 提早終止共484隻衍生產品買賣, 最後交易日期是後日(周五22/1), 下周一25/1起暫停買賣, 過去兩周已見相關股份沽壓大增, 未來幾日券商要加速沽出用以對沖的正股貨尾, 會對大市構成壓力

以今日為例, 舊經濟股普遍見紅(四大板塊3跌1升, 權重金融地產都下跌), 如果凈係睇佢地, 今日港股應收跌, 但新經濟股科指爆上, 拉高大市, 所以港股收升, 其實唔少股份都見派貨手影, 新經濟股升過龍, 會惹來獲利沽壓, VHSI恒指恐慌指數連升三天, 基金經理及唔少投資者見呢兩日爆上29800紛紛走貨減磅, 推動港股成交連續兩日都超過$3000億, 大成交沖頂冇好下場, 如果明日再踢上去, 沽壓肯定會更大, 因技術指標已經跟唔上升勢, 梁燈神重倉港股通常係大市升到水尾

今個月上旬即市無論點插, 恒指收市跌幅都不足100點, 往往係即市調整, 代表港股正在尋頂, 如收市跌超過200點, 翌日無法收復失地, 就係淡友反擊訊號, 代表大市轉勢向下, 正在尋底

如今恒指已經追到與道指僅相差約1000點(早前是落後三千多點), 港股不再是大落後喇! 再上空間收窄, 港股現水平吸引力已下降, 早前港股大平賣, 吸引大媽掃貨, 如今炒到上天, AH差價已大幅收窄, 大媽會不會又走返去炒A股, 先行沽港股止賺呢? 頭一浸北水於低位掃貨, 主要是科企及H股, 現水平已經有龐大利潤, 小心大媽會沽貨鬆

大元帥努力為大家

下星期一有賺要走

防風措施要做到足

買少少#7500做保䕶

回應 (0)
我要發表
user

最新回應

花姐
花姐 2020/09/07

要記得元帥所講,才有彈高食。

花姐
花姐 2020/06/15

C6,我來拜訪您,送鮮花一束,請笑納.

試下學下

第一次來你家。打卡記錄打個招呼 {#iconb_25}