Cally - 小心飲食健康過中秋｜商界講呢啲

唔少人都會喺中秋佳節同親朋好友外出聚餐，仲會一齊分享月餅、沙田柚等等。不過大家都知道，月餅通常有較高嘅糖份同脂肪，但大家又知唔知道沙田柚含有嘅「呋喃香豆素」，會同一啲常見嘅處方藥物產生交互作用，影響藥效甚至有副作用？李天慧營養師今次就同Cally分享咗啲中秋節飲食嘅心得。

首先每次最好食唔多過8分1個月餅，糖尿病患者記得按時間食藥同定期檢查血糖水平。另外要保持多樣化健康高纖飲食同攝取足夠蛋白質，同時控制鹽份，同少食肥肉、骨湯、煎炸嘢呢啲含有唔健康脂肪嘅食物，甜食最好就降到最低O添。需要食藥嘅患者最好先諮詢醫生意見先好食沙田柚呀！

Cally