商界講呢啲
商界講呢啲
商界講呢啲

病毒無情 人間有愛

2021/01/29 04:13:35 網誌分類: 生活
29 Jan
         疫情持續反覆,搞到今年經濟認真麻麻,唔少基層家庭生活變得艱難,難以負擔家居消毒用品嘅開支,影響家中環境衛生。病毒無情,但唔少民間團體自發救助社會上有需要人士。由新加坡消毒公司Sureclean主辦嘅社福計劃就喺周日(24日),繼上年尾後再度投入服務,今次聯同慈善機構Loving Power愛心工程,為服務患病兒童及其家人的香港麥當勞叔叔之家提供消毒服務。Sureclean香港區執行董事黃占永(Rambo)坦言非常慶幸,基於廠房喺新加坡,疫情下公司營運並未受到太大影響。

          Rambo表示自己曾落區向有需要人士派發物資,期間發現有長者連消毒液都唔識用,為此感到非常擔心。所以希望透過為弱勢社群進行義務家居消毒,除咗為市民嘅健康提供保障,仲希望能夠教育大眾正確嘅防疫概念。面對疫情嚴峻,當日一班Sureclean嘅同事表示,非常信任公司嘅產品能夠有效幫助受惠家庭。Rambo更提到Sureclean使用嘅消毒產品已通過多項安全測試,除咗證明對人畜無害,更有效阻止多種一級病毒滋生。咁有愛心嘅企業,Cally就梗係支持喇!

        Cally
■消毒公司Sureclean主辦的「與『里』同行跨越『疫』境」家居消毒傳愛心計劃,於本月24日聯同Loving Power愛心工程,為香港麥當勞叔叔之家提供消毒服務。
 ■消毒公司Sureclean主辦的「與『里』同行跨越『疫』境」家居消毒傳愛心計劃,於本月24日聯同Loving Power愛心工程,為香港麥當勞叔叔之家提供消毒服務。 
■黃占永(右)擔心弱勢社群的健康。
 ■黃占永(右)擔心弱勢社群的健康。 
回應 (0)
我要發表
user