1/2 恒指四連跌例彈

2021/02/01 19:24:36 網誌分類: 經濟
01 Feb

試完底再沖頂, 港股止跌回升, 收復20天線, 挑戰10天線阻力位

1/2 周一恒指收28892, 升609點, 結束四連跌

阿爺批准養老金入市, 提振市場氣氛, 加上美期彈高, 好友借勢反擊, 上証收3505, 升22點, 結束兩連跌並重上3500關鍵位, 上証今日冇破底, 所以港股亦唔洗破底, 中港美三地股市係同步尋底頂, 當中美股市觸底反彈, 港股亦會跟隨尋頂, 當中美股市見頂, 港股就要跟住落山,

點跌落黎就點上番去, 後市會逐一挑戰過去幾日高位28972.29191.29636.29965.30191, 不過以一般見頂回落的大型調整浪來看, 閒閒地都要反覆向下玩三四個星期才完成調整, 今次只係跌了一個星期就回升, 代表今次彈完仍要繼續尋底, 因回吐時間未達標, 

上周四(28/1)的下跌裂口29191~29194有待回補, 20天線在29400附近, 形成巨大阻力區, 要有強烈利好消息才能突破, 要看回補裂口之後會否見頂回落

市弱高位一瞬即逝, 而今日港股長時間在高位徘徊, 代表市強, 有買盤入市, 唔少財演.肥青及梁燈神都唱淡, 相反指標係利好訊號, 以往梁燈神大手減倉至低水平, 係港股見底訊號, 1月中燈神近乎滿倉, 但過去幾日大市反艇, 燈神就日日走鬼, 已全數沽清1月中追入的貨, 代表港股會止跌回升扯住上

上周港股尋底, 未出現利好訊號, 散戶就心急入市博反彈, 結果大鱷夾硬隊穿28500, 好友牛牛全軍覆沒, 到今日港股出現多個利好訊號, 好友牛牛卻唔敢再買上, 往往等到升到水尾才追入, 又艇, 通常第一棍有值博率, 因為通常升幾日又會轉勢

由於上周金融市場拆倉, 拖累中港股市急瀉低收, 不過收得低反而降低了本周收升的門檻, 如本周收升, 按照慣性走勢恒指高位將會在周三四五出現, 而周五(5/2)將會收上周五收市位28283之上

~~~~~~~~~~~~~~~~~~~~~~~~~~~~~

牛死熊命危.好淡通殺

要不是大媽瘋狂掃貨, 港股今日就不會彈高高, 連升斷纜利淡, 連跌斷纜利好, 恒指四連跌後突然拗腰收升超過200點, 代表港股正處於反彈勢頭, 大媽派QQ領軍, 扯住大市上山, 老外及大媽齊齊大手掃貨, 怪不得港股高開高走呈大陽燭, 港股沽空金額急降, 係近來最細金額, 淡友縮手, 亦同樣反映好友已奪回主導權, 可能係養老金入市消息嚇到淡友不敢硬碰, 紛紛退避

一般來說, 當市場氣氛差, 買盤弱, 技術指標向淡, 淡友肆無忌憚造淡, 大鱷就會失驚無神玩挾淡, 大陽燭抽升就可逼淡友不問價掃貨來回補空倉, 幫手推高大市, 挾淡威力唔講得笑, 今日就係最好的示範, 牛熊分布係牛遠熊近, 29000~29800有約3000張熊, 要買定官才, 不過29500係整數關口阻力位, 要中美股市都造好, 才能帶動港股突破阻力位, 如受制於29500, 就要繼續尋底之旅

今次港股大幅調整, 基金經理普遍認為只係大牛市的回調浪, 只要北水流入勢頭不變, 今年恒指仍有望突破前頂30191, QQ亦會升穿前頂$767.5, 不過唔係短線, 因為今個月北水關水喉及大媽撤退

自從踏入2021年, 每逢周一恒指例升又再應驗, 一如日前所說, 由於上周恒指跌市日數超標, 本周好友會反擊, 要補漲, 不會只升1天這麼少, 升市日數會增加, 上周美資沽出受制裁股拖低港股, 但呢浸沽壓已暫告一段落, 而養老金入市就係中港股市止跌回升的催化劑, 會吸引買盤入市, 恒指恐慌指數VHSI急跌5.27%, 利好

~~~~~~~~~~~~~~~~~~~~~~~~~~~~~

底頂下移尋底==>底頂上移尋頂

上周五恒指高低位28259~28972, 今日高低位28382~28982, 打破了底頂下移的弱勢, 變成底頂上移的向好趨勢, 收復28500大位利好, 一如日前所預測, 2月份恒指會重上29000, 今日扮受阻而回係震牛養熊引淡, 結果牛食胡, 熊熊飛撲入市, 大升市估頂, 死得, 大鱷奸計得逞, 29000向上每百點都有肥熊

港股升勢未完, 底頂上移繼續尋頂, 港股食粥食飯睇大媽, 大媽今日全面掃貨, 北水流入明顯增加, 多過上周四五, 未知是否養老金入市, 北水9~17/2暫停, 要留意未來一周大媽會否沽貨套現過肥年

恒指跟隨四連跌例彈的慣性走勢, 大幅上升, 不過中港股市都係升市成交縮, 全靠北水推高QQ及美團來挾淡, 2月係飛天遁地波動月, 嘔了二千點, 最少都要反彈跌幅的一半, 即係反彈目標係上去回補28/1的下跌裂口29191~29194, 關鍵在回補裂口後的走勢

上日道指收29982, 恒指與道指有特定差距, 要道指走番上去, 港股才有力上, 自從去年630推出港區國安法, 恒指一直低過道指, 換句話說, 要道指重上31000水平, 恒指才能上企30000大關, 1月衝上30000係天時地利人和配合, 1月開年基金掃貨+北水湧港大成交, 如今呢兩個利好因素已消失, 所以短線不應上30000水平

市場憂慮美國散戶挾爆對沖基金會引起骨牌效應, 導致上周五美股急挫, 破位而下, 不過早市美期先挫後急彈, 刺激亞太區股市上升, 中港股市亦跟隨上揚, 港股風高浪急, 過夜就變天, 上周五陰霾滿佈, 今日卻是天朗氣清, 每日恒指即市波幅閒閒地450~730點, 一棍抽升殺跌可以好得人驚, 好友淡友都要屎, 上周港股暴跌淡友冇止賺就屎得, 上周殺完好友, 本周就殺淡友, 大鱷奸險冇仔生

回顧過去幾年頂部, 25/1高見30191, 剛好受制於2019年及2017年兩個頂30280/30199, 由於一月已做夠月波幅, 所以上到30191就掉頭,

2020年頂 29175 (20/1/2020)
2019年頂 30280
2018年頂 33484
2017年頂 30199

最新回應

水滴石穿
水滴石穿 2021/03/06
@soho*...

中國應不會放水,放水等於替美國買單

最困難時機已過,最近高層強調的一直是防範金融風險泡沫

GDP不是保6,各國際金融組織預測中國增長8-9。6是一個保守目標,不需要放水也可以實現。

試下學下
試下學下 2021/03/06

降準🧐🧐🧐好似好耐無做過,翻查下先,但上證張圖未破哂平均線,政策做市好似等大插插先

不過是大成數,公布左保6。跟住就快美國又議息,吾再加大放水都會視為一收水訊號,過去多年慣性都係西收東放,反之亦言

疫情開始美金狂印,丫爺就收水抽緊,而家倒轉姐

美股犀利又大反彈🐊🐊🐊,過夜真係玩到你謝

兩會開始跌,甘下星期開完係咪升呢🤔🤔🤔

soho*
soho* 2021/03/06

熊QQ時機已過, 日前我唱淡$723時就得, 如今插到落大位$680, 大媽會出手護盤

我想牛阿爸, 熊小米, 等我周末再諗下先

今日有股份已經跟住兩會言論來炒上

soho*
soho* 2021/03/05

揀定心儀股份, 等下個星期出現震盪就落雨購物