4~8/2 尋頂屠熊之旅

2021/02/04 20:58:56 網誌分類: 經濟
04 Feb

恒指急跌急彈, 牛死熊命危

4/2周四恒指收29113, 跌194點, 結束三連升, 失守10天線, 反彈在望

港股急插秒殺肥牛即彈, 低見28775後拗腰重上29000, 收復大部份失地, 今日收市跌幅少過200點, 代表好友健在, 本周收升已無懸念, 市強不會連續兩日大跌, 按照慣性走勢, 試完底再沖頂, 尋頂市回吐釋放沽壓後多數會收復失地並升突, 震牛引熊再上沖, 會突破本周高位29511

本來係好友的梁燈神於1月尾見港股暴跌大手減倉, 變左大淡友, 叫走鬼, 跟住本周就大幅反彈, 梁蛇唱淡港股及美股, 一叫走鬼恒指就反彈千多點, 美股亦屢創新高, 亦係燈神之名的來由, 其實港股可能係以橫行來代替深度調整, 上証守得住3500, 港股表現不會差, 美股未見頂, 港股仲有得上, 下周會有新高

上証插水低見3465後拗腰重上3500, 收3501, 跌15點, 上証守得住3500, 港股亦守得住29000/11500, 恒指一度大插532點低見28775, 肥牛已陣亡, 大鱷趙完鬆, 大市V彈, 守得住關鍵大位28800, 樓上熊熊下移至29300水平, 具吸引力, 大鱷可以玩好淡通殺, 今日殺牛明日屠熊

要假設2月收升, 恒指於1/2低見28382已見底, 收升月先低後高, 月內高位將會在2月下旬出現, 目前正處於尋頂勢頭, 震住上, 今日低見28775皆因上証今日低見3465, 只要後市上証冇跌穿3465, 恒指就不應跌穿28775, 只要守住28800, 就會再挑戰29800~30000來擴大月波幅

~~~~~~~~~~~~~~~~~~~~~~~~~~~~~~~~

力守29000向上攻

新股快手明日登場, 暗盤價已經飛出外太空, 升了兩倍多, 利好股東QQ, 怪不得QQ出現V彈, QQ低見$710.5, 幸好收窄跌幅報$735.5, QQ拗腰收復失地, 可能有淡友食胡於低位回補空倉, 大媽走貨套現, 淡友反擊, 但好友仍頂得住沽壓, 重上29000, 亦有可能係大鱷大媽重倉未出晒, 所以推高大市派貨,

今個星期係收升周, 由好友主導大市, 反而要擔心下周已冇左大媽的日子點算, 幸好美股上升勢頭仍佳, 如果今年美股跟去年走勢, 目前美股正處於尋頂階段, 踏入2月份, 美股每日都是底部上移級級上, 美國參眾兩院通過紓困方案, 亦炒業績, 美股牛氣沖天, 港股會跟住美股方向, 不會各走極端, 以維持道指與恒指約千多點的差距, 拜登向中國示好, 就算係面和心不和出陰招, 但已令市場憧憬中美關係改善, 所以回吐插穿28800隨即見買盤湧現

一般來說, 恒指每周升2~3天, 如今係3升1跌, 不過上周恒指4跌1升, 跌過龍, 如果係上周的翻轉版, 明日恒指應收升, 全周4升1跌, 老外今日大手掃入A股, 按照慣性走勢, 以周線計, 中港股市本周都會收升, 明日上証會收高過上周五收市位3483

~~~~~~~~~~~~~~~~~~~~~~~~~~~~~~~~

中港美三地股市同步尋頂

真係好邪門, 唔到你唔信, 多國出現變種新冠病毒, 阿斯利康/牛津疫苗對變種病毒有效性低, 30/1~20/2水星逆行, 10/2六星連珠, 霉運的庚子病鼠年最後幾天的殺傷力, 預言家早已預告20/12/2020~31/3/2021會有災, 以及農曆年前幾個星期(25/1起)係大媽沽貨撤退收爐期, 係淡友偷襲良機, 怪不得今日恒指一度大插532點, 去年美股就係2月中見頂回落

中港美三地股市係同步尋底頂, 當中美股市觸底反彈, 港股亦會跟隨尋頂, 當中美股市見頂, 港股就要跟住落山, 雖然港股已收復10及20天線, 不過以一般見雙頂(30135/30191)回落的大型調整浪來看, 閒閒地都要整固三四個星期才完成調整, 今次只係跌了一個星期就回升, 回吐時間未達標, 從時間上來看, 可能要2月下旬才能挑戰雙頂

上周美股反艇係受遊戲驛站掀起的拆倉潮所拖累, 但拆倉潮已暫告一段落, 美股隨即止跌回升, 資金炒業績及炒復蘇, 推動美股續創新高, 去年2月初道指係反覆向上, 月中創月內高位, 然後再碌落山, 如果今年照跟, 月初好友會先推高大市尋頂, 然後月中就落山, 今次升浪內銀內險未能受惠, 大幅跑輸大市, 可能係受海航破產以及平保業績欠佳所拖累

中港股市近日升市成交縮, 乾升, 1月衝上30000係天時地利人和配合, 31/12收報28283收得低+1月開年基金掃貨+北水湧港大成交, 如今呢三個利好因素已消失, 所以未來一周不應再上30000水平, 可能要等長假期後才能突破雙頂

1月尾港股大幅調整, 基金經理普遍認為只係大牛市的回調浪, 只要北水流入勢頭不變, 今年恒指仍有望突破前頂30191, 不過有基金經理表示早前爆上30000時走貨, 因為多隻科企已升抵目標價, 甚至係升過龍

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

尋頂市每周都會有新高, 恒指重上10天線, 向前頂29511進發

5/2 周五恒指收29288, 升175點,

今日恒指一如所料跟隨慣性走勢收升, 已收復昨日大部份失地, 貼價熊陣亡, 果然係昨日屠牛今日屠熊, 另一個慣性走勢係今年逢周一例升, 以日波幅及周波幅計, 下周一就要升穿29511來擴大周及月波幅, 向下方面, 好友一直力守29000水平, 而28800~29000只得瘦牛, 並不吸引, 10天線已下移至29000/11500附近, 為好友的第一度防線, 不容有失

恒指月波幅未達標, 本周高位29511不會是頂, 下周會破頂創新高, 港股繼續跟隨美股尋頂, 老外及大媽仍繼續掃貨, 不過大媽滲緊貨出街, 套現準備放新年假期, 科企技術指標明顯轉弱, 沽壓沉重, 有散水味, 資金有可能沽出升過龍的新經濟股科企, 換馬估值低殘的舊經濟股來避險, 港股整體技術指標反映向上動力已轉弱, 可能係因為北水收斂, 要消化沽壓方能再上沖, 亦有可能係大鱷壓價收貨, 用拖字訣, 等29800~30200熊熊養肥才殺上去

尋頂市每周都會有新高, 要趁回吐執平貨, 等2月下旬大媽假期後回歸港股水頭充足, 有得炒恒指季檢誰是新貴, 炒MSCI新貴, 炒3月兩會, 炒月尾高位結算, 恒指恐慌指數Vhsi全周大跌22.85%, 唔驚啵! 即係港股仲有得上

下周港股交易日只得三日半, 內地只得三天市

周一(08/2) 如常
周二(09/2) 北水關閉
周三(10/2) 北水關閉
周四(11/2) 北水關閉+內地休市+港股半日市

周二(16/2) 北水關閉+內地休市+港股全日市
周三(17/2) 北水關閉+內地休市+港股全日市
周四(18/2) 北水重開+內地復市+港股全日市

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股沖高回落收大陰燭, 秒殺肥熊即回

8/2 周一恒指收29319, 升30點, 連升2天

尋頂市每周都會有新高, 今日恒指跟隨慣性走勢突破上周高位29511, 高見29706, 內銀內險弱勢持續, 國指連跌三日, 今日高見11702, 未能突破上周高位11748, 拉住港股後腿, 港股雖然沽壓增加, 不過今日美期及上証彈高高, 恒指仍能收升,

按照慣性走勢, 今日高位29706不會是2月頂部, 往後仍會有新高, 不過要消化沽壓後方能再上, 國指倒跌, 並以全日最低位收, 弱雞, 如明日港股跌穿今日低位29293, 代表淡友反擊中, 不過只要守得住29000~29200(10及20天線), 代表好友健在

美元回落, 失守91水平, 利好股市, 踏入2月份, 美股及油價日日升, 屢創歷史新高, 美股繼續炒紓困措施出台, 以及經濟復蘇, 市場風險胃納上升, 美股牛氣沖天, 續創歷史新高, 推動恒指創月內新高, 不過未來幾日冇左大媽的掃貨盤, 淡友可能會反擊, 今日沽空急增至14.77%, 為22/1以來最高, 踏入2月份, 梁燈神不斷大大力唱淡港股及美股, 兩地股市升勢停不了

市強好友睇場, 往往係即市調整, 小幅收跌, 唔會跌入肉, 今日恒指爆升417點後收窄升幅至30點, 就係好例子, 往後如見收市跌超過200點就代表淡友奪得主導權, 不過科指弱雞連跌3天有望作出反彈, 只要科企造好, 有助撐住大市, 上証表現亮麗, 急升36點, 剛好收復過去三日跌市的失地, 收3532, 阿爺好.港股好,

拜登入主白宮, 唔會逼美資撤離中國, 踏入2月份, 老外就日日掃A股, 滬深股通每日都出現資金凈流入, 所以4/2低見3465(上月低位3446)就止跌回升, 重上3500, A股觸底反彈, 中港股市同步, 港股因而冇插穿1/2低位28382及4/2低位28775, 兩地股市同步尋頂

快手要等半年才獲考慮納入港股通, 不過快手獲納入科指佔8%(比重看齊小米阿里美團QQ), 國指佔5%(比重看齊小米阿里美團), 消息利好快手, 亦有助提振市場氣氛

============================

春節假期滬深港通交易安排

港交所發布春节假期沪深港通交易安排,南向港股通将于2月9日(星期二)至2月17日(星期三)暂停交易;北向沪股通和深股通则于2月11日(星期四)至2月17日(星期三)暂停交易。2月18日(星期四),沪深港通将如常开通。

2021年2月6日 06:52 <匯港通訊> 美國國會參、眾兩院,先後通過涉及刺激經濟與救助方案的預算決議最終立法可能於3月15日前在國會通過。

最新回應

soho*
soho* 2021/09/28

上星期係收跌周, 淡友惡晒, 上周二創年度新低23771, 有淡友食胡, 港股拗腰重上24000, 上周四恒指續升, 高見24827, 未食胡的淡友攔路, 推番大市落山, 上周五進一步推落24095, 淡友食胡

本周輪到好友當家, 昨日力守上周五低位24095, 閃上24509試水溫及引淡, 24600樓上BB熊出世不久, 快高長大, 昨日好友力撐大市唔跟上証插水已露端倪, 今日按照周一不會見頂的慣性走勢, 升穿24509, 重上10天線

c6
c6 2021/09/28

大元帥師父👍勁👍

我忍不住 食咗💰中海油🥳

//但港股仍能守住24000, 亦係反常, 反映好友正在部署後日結算位, 按照慣性走勢, 周一恒指收升代表好友健在, 後市仍會再上攻, 大媽大手掃QQ.美團.中海油力撐港股, 港股下跌動力減弱, 技術指標改善, 有望升穿今日高位24509//

c6
c6 2021/09/28
@試下學下...

恭喜🎊🎉高高手

中海油大升📈💰

門徒
門徒 2021/09/28

試兄你能上企244先好笑 {#iconb_68}