9~11/2 六星連珠股市大龍鳳

2021/02/09 21:28:25 網誌分類: 經濟
09 Feb

六星連珠大龍鳳先兆, 震盪上行繼續屠熊尋頂之旅

9/2 周四恒指收29476, 升156點, 連升3天

上証飛天, 港股冇跟住爆升, 壓住升勢係詐死, 養熊震牛, 成交及即市波幅急降係大龍鳳先兆, 淡友命危, 未見頂前逆勢操作是死罪, 今次升浪會挑戰31000, 甚至更高, 以月波幅計會見31300

科指跟隨慣性走勢收升, 結束三連跌, 快手爆升刺激科企造好, 因快手估值飛天, 其他科企就變得相對吸引, 買盤湧現, 國指亦結束三日跌勢, 連跌斷纜利好

整體牛熊分布係牛多熊少(係牛市常見的現象), 不過貼價就熊肥牛瘦利上攻, 29700~30100有肥熊, 今日大鱷成功震走了好友牛牛, 淡友熊熊加倉, 要買定官才,

中港股市同步尋頂, 上証今日創2月新高, 破位而上, 按照慣性走勢港股一定會跟住上破月內高位29706, 今日大鱷只係留力,恒指恐慌指數Vhsi大跌5.86%, 近全日低位收, 唔驚啵! 即係港股仲有得上

雖然唔少股份都呆下呆下, 但卻是底部上移, 好明顯2月仍由好友主導大市, 入定貨博破頂, 本周收升已無懸念, 下周會再創新高

水浸市場大牛市, 造淡只能快閃偷雞, 主力係造好, 道指與恒指要維持特定差距, 如果道指上升, 但恒指大跌, 就會擴大兩者差距, 不符合慣性走勢, 近日道指升勢停不了, 所以扯住港股上, 加上內地股市飛天, 淡友節節敗退

~~~~~~~~~~~~~~~~~~~~~~~~~~~~~~

向30000.30500.31000進發

由於中港美三地股市都係同步於1月最後一個交易日觸底回升, 除非有黑天鵝才會破底, 否則要擴大月波幅只能向上走, 恆指要突破29706向30000進發, 目前大鱷係用拖字訣來養牛熊, 以高位橫行來代替深度調整, 穩守29000~29200水平, 後市就要挑戰30000~30200, 前頂在30191, 如能站穩30000, 就會500點一級向上推進

恒指連日在29500阻力位穿梭, 以往當港股受制於阻力大位, 多數會靠挾淡跳空跨過, 逼淡友回補空倉, 進一步推高大市, 如能收29500之上, 代表大鱷成功挾淡, 昨日沽空急增, 北水今日關閉, 但淡友今日隊到落29264創本周新低已被好友擊退, 瞬即彈上29500水平, 代表淡友反擊失敗

本來劇本係預測本周不會上30000水平, 下周才爆上,不過由於今日低見29264已經跌唔落, 但恒指今個星期的周波幅只得442點未達標, 既然無法向下擴大周波幅, 就只能上破30000來向上擴大周波幅, 否則就做唔夠800~1200點周波幅

本周波幅未達標, 點都要向上走, 因為20天線已上移至29250水平, 好友大鱷想保住20天線就只能向上攻, 挑戰30000水平, 北水關閉, 港股成交急降, 大鱷操控大市就更容易

後市要看大鱷想假期前或後殺上30000大位, 中美股市都破頂而上, 如果好友仲唔出手就會放生淡友熊熊, 目前空倉多, 挾淡係大鱷的殺手鐧,因淡友回補空倉的威力驚人, 能推動大市突破阻力大位,

今年一月恒指月波幅有3112點, 唔計特大及特細的月波幅, 去年一般月波幅有1700~2900點, 估計2月頂部會在28382(1/2低位)+1700~2900月波幅=30000~31300, 如果做特大月波幅, 就會挑戰31500~32000

尋頂市每周都會有新高, 要趁回吐執平貨, 等2月下旬大媽假期後回歸港股水頭充足, 有得炒恒指季檢誰是新貴, 炒MSCI新貴, 炒3月兩會, 炒月尾高位結算,

基金經理普遍看好後市, 認為只要北水流入勢頭不變, 恒指仍有望突破前頂30191, 不過有基金經理表示一月尾爆上30000時走貨, 因為多隻科企已升抵目標價, 甚至係升過龍, 要等新的利好消息做催化劑才能吸引基金經理追貨

要假設2月收升, 恒指於1/2低見28382已見底, 收升月先低後高, 按照慣性走勢月內高位將會在2月下旬出現, 目前正處於尋頂勢頭, 震住上, 不過未必會一條氣升到月尾, 因為真係好邪門, 唔到你唔信, 多國出現變種新冠病毒, 阿斯利康/牛津疫苗對變種病毒有效性低, 30/1~20/2水星逆行, 10/2六星連珠, 預言家早已預告20/12/2020~31/3/2021會有災,

~~~~~~~~~~~~~~~~~~~~~~~~~~~~~~~~~~~~~

中美股市破頂扯住港股上

踏入2月份, 美股屢創新高, 資金熱炒紓困措施.炒業績.炒復蘇, 去年2月初道指係反覆向上, 月中創月內高位, 然後就落山, 如果今年照跟, 就要小心美股快將見頂回落,

美股上升勢頭仍佳, 如果今年美股跟去年走勢, 目前美股正處於尋頂階段, 踏入2月份, 美股每日都是底部上移級級上,美股牛氣沖天, 港股會跟住美股方向, 不會各走極端, 以維持道指與恒指約千多點的差距,

中港美三地股市係同步尋底頂, 當中美股市觸底反彈, 港股亦會跟隨尋頂, 當中美股市見頂, 港股就要跟住落山, 雖然港股已收復10及20天線, 不過以一般見雙頂(30135/30191)回落的大型調整浪來看, 閒閒地都要整固三四個星期才完成調整, 今次只係跌了兩個星期就回升, 回吐時間未達標, 從時間上來看, 可能要2月下旬才能突破雙頂

上証強爆連升2天上企3600, 收3603, 升71點, 高見3604, 作勢挑戰今年高位3637, 人民幣兌美元在岸價收報6.4487,升96點子,創近32個月新高, 這就可解釋為何今日內地股市飛天, 人仔強勢吸引老外大手掃入A股, 美元進一步下跌, 失守90.5水平, 人民幣連升兩天, 利好中港股市

中港美三地股市正在同步尋頂, 淡友不要拗頸, 向下望就會屎無全C

慣性走勢係收升周多數會在周三四五創該周高位

慣性走勢係收升月多數會在該月下旬創新高

慣性走勢係尋頂市每周都會有新高

慣性走勢係要擴大周波幅, 今日落到29264未做夠周波幅, 所以就要上破周一高位29706來擴大周波幅

{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}

六星連珠挾淡倉, 繼續尋頂屠熊之旅

10/2 周三恒指收30038, 升562點, 連升4天

恒指已連升四天, 五連升係高難度動作, 不過去年資金市最長見過6-7連升, 明日係長假期前夕, 有周末沽壓效應, 港股12~15/2休市, 但美股有市

~ 市強只會作出即市調整,收市跌少過200點,亦不會連續兩日大跌

~ 如有回吐,好友應力守29700-29800水平,維持底部上移的勢頭,繼續向上推進

~ 恒指恐慌指數Vhsi大升6.6%, 近全日高位收, 驚驚! 港股高處不勝寒, 隨時會調整, 今日大裂口高開遺留的上升裂口是後患,日日唱淡叫走鬼結果恆指彈了二千點的梁燈神終於轉口風看好了

~ 本來元帥的劇本係長假期後才殺上30000水平, 如今提早出現, 有可能係大鱷擔心夜長夢多, 所以拿拿臨挾淡, 因昨晚美股創新高後升勢斷纜, 有下行壓力, 加上今日係六星連珠, 有點危

~ 恒指連升4天, 未跌過, 按照不會全周日日升的慣性走勢, 明日應收跌, 假如夾硬升, 就有可能下周才回吐,不過大牛市順勢做好友易過逆勢做淡友,因為未見大頂前不會深潛,震震又會再升過

~ 根據過去7年的統計數據, 農曆年長假期後復市頭三天向淡機會率高達85%, 恰巧頭兩天內地休市,不過今年係大牛市,未必跟以往的走勢

~~~~~~~~~~~~~~~~~~~~~~~~~~~~

大牛市雖然說不宜估頂, 不過如果想計的話, 就可用時間來推斷

~ 無論明日半日市能否突破今日高位30075, 但也不會是2月大頂, 因為明日才是11/2, 收升月是不會在該月上旬見頂

~ 收升月上旬造淡係高危,因為收升月是不會在該月上旬見頂, 要企安全水平, 捱到月中或月尾才有希望逃出生天

~ 今年一月恒指月波幅有3112點, 唔計特大及特細的月波幅, 去年一般月波幅有1700~2900點, 到今日為止恒指月波幅只得1693點, 即係仍有上升空間

~ 按照慣性走勢, 中港美三地股市多數係同步尋頂, 中美股市未見頂, 港股仲有得上, 當中美股市見頂, 港股就要跟隨掉頭回落

~ 去年美股係2月中見頂回落, 如果今年係翻版, 港股就要跟住落山, 不過今年係大牛市,而去年有疫情,未必跟去年的走勢

~~~~~~~~~~~~~~~~~~~~~~~~~~~~~~~~

大鱷急不及待於本周爆上30000水平的催化劑

~ 美股連續四日創歷史新高

~ 上証昨日突破3600並瞬即企穩, 已是連續兩天收於其上

~ 美元連日下跌, 由91.5樓上碌到落90.5之下

~ 美元走弱, 人民幣創32個月新高

~ 新股快手加入指數係火上加油, 比快手優質的股份多的是, 既然快手都飛出外太空, 其他新經濟股當然跟住上, 估值齊齊上揚

一眾利好因素下,買盤湧現, 根本攔唔住升勢, 就算大鱷想拖多幾日才推上30000都唔得

{#icono0_51}{#icono0_52}{#icono0_51}{#icono0_52}{#icono0_51}{#icono0_52}{#icono0_51}{#icono0_52}{#icono0_51}{#icono0_52}{#icono0_51}{#icono0_52}{#icono0_51}{#icono0_52}{#icono0_51}{#icono0_52}{#icono0_51}{#icono0_52}{#icono0_51}{#icono0_52}

港股牛氣沖天,  繼續屠熊尋頂之旅

11/2 周四大除夕半日市恒指收30173, 升134點, 連升5天

恒指連升5天, 出現少見的全周日日升, 強到不得了, 連周末沽壓效應都攔唔住升勢, 挾死淡友, 應跌不跌需防升, 去年最長見過6-7連升, 淡友作死, 沽空急增至16.22%, 為今年最高沽空比率, 預示下周復市大撼大, 下周二開局一係爆升, 一係插水, 如果港股長假期時美股造好, 下周就會殺上30500, 再上阻力在30800~31000, 就算打回頭, 回氣後都會再上, 不過恒指好少連續兩周都係日日升, 即係下星期不會全升, 候低買上繼續做好友

日前說考慮趁下周爆升造淡, 不過見好友強勢, 中美股市飛天, 未有見頂跡象, 都係繼續造好友買上好過, 不過再殺上去30800~31000會沽貨及換馬防守股, 水浸市場, 往往一插即彈, 做好友較易搵食, 個別新經濟股升勢過急, 高位見壓力, 而舊經濟股蠢蠢欲動, 有追落後味道, 尾市見積極掃貨盤, 本港疫情紓緩, 利好地產股

港股12~15/2休市, 但美股12/2有市, 15/2美國總統日休市一天, 港股自由行, 過去5日恒指每日即市波幅有260~410點

市強只會作出即市調整或收市跌少過200點,今日一度下跌210點, 一插即彈, 低開高收, 單日轉向, 近全日高位收, 科指強勢, 破記錄連續兩日收10000之上, 高開高收, 並以全日最高位收, 不過美團及QQ高位已露疲態, 2月下旬港股炒MSCI及恒指新貴, 市場氣氛熾熱

時間窗口真係好神奇, 早前指一般見雙頂(30135/30191)回落的大型調整浪來看, 閒閒地都要整固三四個星期才完成調整, 下周破頂就剛好調整了三個星期, 回吐時間剛好達標, 預示下周淡友命危, 唔少股份已成功築底, 正處於穩步上揚的勢頭, 舊經濟股低位見買盤暗暗吸納, 正好用來接力新經濟股推港股

今次六星連珠令股市亢奮, 股民進入瘋狂狀態, 股市屢創新高, 以及日本和南太平洋出現超過7級的大地震

~~~~~~~~~~~~~~~~~~~~~~~~~~~~~~~~~~~

農曆年前一周, 港股交易日只得三日半, 內地只得三天市

周二(09/2) 北水關閉
周三(10/2) 北水關閉
周四(11/2) 北水關閉+內地休市+港股半日市

周一(15/2) 美國.香港及內地休市, 美國總統日休市

周二(16/2) 北水關閉+內地休市+港股全日市
周三(17/2) 北水關閉+內地休市+港股全日市
周四(18/2) 北水重開+內地復市+港股全日市

最新回應

門徒
門徒 2021/09/28

試兄你能上企244先好笑 {#iconb_68}

試下學下
試下學下 2021/09/28
@門徒...

一早就好走佬 {#iconb_268}轉節氣高開埋單升

琴日又升,差2日12週期又到期,種種規律注定要升

吾講技術史哥已經講得好詳細好深入👏👍👍👍

淡友小心無命,今星期開市價全週最低,大陽燭

門徒
門徒 2021/09/28

都係嗰如不能壓低244收,走喇 {#iconb_65}

試下學下
試下學下 2021/09/28

水星逆行今年過去兩次走勢

第一次狂升造出港股今年大頂

第二次單邊向下

第三次?

絕地迴光返照