17~23/2 科網股高處不勝寒

2021/02/17 21:48:50 網誌分類: 經濟
17 Feb

恒指七連升高處不勝寒, 利淡訊號湧現

17/2 周三恒指收31085, 升338點

呢兩日港股爆上只係表面風光, 因測市指標出現利淡訊號, 日日唱淡的梁燈神突然轉口風看好及連日高追至重倉, VHSI恒指恐慌指數連日急升, 大市超買, 恒指升勢過急, 拋離10天線太遠, 會有一股拉力扯住恒指後腿, 道指恒指差距通常有1000~2000點, 如今只得437點, 差距少過千點通常難以持久,

強勢車股轉勢向下, 沽壓沉重, 基金重倉的美車股德師奶於800美元樓上撐左10日終於失守, 德師奶泡沫爆破, 代表美股危, 納指及標普同步連升斷纜, 美股高位已露疲態, 勢必拖低港股, 港股唔威得幾耐,

QQ低見$730.5(跌穿昨日低位$741), 打破底部上移尋頂勢頭, 大升浪貼價牛出世就係大市掉頭向下之時, 牛牛剛上移至30000水平, 熊熊已死得七七八八, 港股連日爆升, 連淡友散戶都投降死心, 唱淡的財演都轉口風唱好, 全城向上望就係反艇之時, 小心明日(周四)雨水轉節氣會收跌, 七連升斷纜就危,

去年恒指最長7連升, 透支了升幅的下場就會嘔, 估計今次亦不會例外, 連升時間愈長, 沽壓就愈大, 點升上來就點落番去, 昨日恒指10天線剛升穿20天線, 出現黃金交叉, 通常出叉會走相反, 歷史話俾我地知, 當大市拋離10及50天線太遠, 就會有一股拉力扯番大市落山, 今日高位31168高過50天線11%, 預示港股離頂不遠

~~~~~~~~~~~~~~~~~~~~~~~~~~~~~~~~

農曆年長假期後例插魔咒

根據過去7年的統計數據, 農曆年長假期後復市頭三天向淡機會率高達85%, 但今次卻是連升兩天, 就算今年係大牛市, 唔跟足以往的走勢, 但這麼多年的統計數據必定有其道理, 值得參考, 俾下面明日都應收跌, 通常每周升跌日數係一半半, 如今已升了2天, 預示未來兩天會跌1~2天, 昨晚美股收市升跌幅度不算大, 但卻見暗湧, VIX恐慌指數急升7.46%, 嘩)))

恒指支持位30300~30500, 只要收30300之上, 代表好友仍未放手, 如收市失守代表升浪結束, 短線上破31000再買上風險大過回報,估計大市再踢上去, 亦不會全面上升, 減磅或部署淡倉做對沖, 港股能走多遠就要看中美股市, 因為三地股市多數係同步創新高, 同步見頂回落

今個月恒指跌市日數未達標, 上星期係全周日日升, 按照慣性走勢本周是不會日日升, 內地股市開局大漲是在預期之內, 港股已偷步反映, 係升過龍, 只要內地股市明日復市升幅遜預期, 淡友就有藉口反擊, 而於長假期偷步急升的股份就會反艇, 我就係擔心會出現這種情況,今日已按計劃減磅, 換入落後股避險, 早前已說過, 按照慣性走勢, 見頂回落閒閒地要插千點才夠水位大鱷轉身, 如轉勢向下(好似1月尾)插二千點都唔奇

恒指七連升, 科指五連漲累計升12%(約1200點), 升勢過急,高位獲利回吐壓力增加, 近來大鱷係用接力推升法, 當股份急升回吐, 就由另一隻股份接力上, 形成急跌急彈的格局, 扮跌唔落營造利好氣氛來引股民入市接火棒, 大鱷就乘機派貨

2月下旬炒作藉口係新貴納入MSCI/恒科指/國企指數, 相關股份熱炒, 被動買盤及跟風炒盤推動股份向上, 出現升過龍現象, 要慎防股份急升急跌

~~~~~~~~~~~~~~~~~~~~~~~~~~~~~~~~

見頂訊號

早前以去年一般月波幅來推算, 2月最盡會見31300, 31500~32000是2018年上半年的密集區,阻力非輕, 當中美股市見頂回落, 就係港股見頂之時, 所以短線目標看31300, 因為再上的話, 月波幅就會超標,回顧過去10年,試過6次當恆指拋離50天線超過一成就反艇,拋離10天線太遠亦利淡

大升浪初段不妨單邊向上炒, 即係早前突破29500殺上去的時期, 不過到了目標位附近就可反手造淡, 一直假設2月頂部在31300, 俾盡見31500, 淡友在31400~32200駐重兵攔路, 好友想突破殊不容易

今次升浪遺留太多上升裂口是後患,今個月已出現3個上升裂口, 最近的裂口在30184~30497, 再落就係29527~29732, 28982~29198, 早晚要回補, 早前突破29000好淡大鱷都有激戰,今次上破30000已4天,仲殺埋上31000水平, 淡友幾時出手呢?估計淡友正在部署淡倉, 回顧1月份港股首三周飛天, 但淡友最後都成功反擊, 令港股1月份收窄升幅, 今個月會否歷史重演月尾大插呢? 當內地復市(18/2)就會見真章

今個月恆指升市日數太多,透支了升幅是隱憂,美元及債息齊升,要做好防風措施, 美元弱利好股市, 美元強拖低股市, 上周美元走低, 失守90.5, 本周初止跌回升, 拗腰再度挑戰91水平, 昨晚(16/1)美國十年期債息上到1.333%, 是今年開局以來最高位, 資金流有變, 嚇親股市, 標普及納指升勢斷纜, 只得道指夾硬收升, 高處不勝寒

~~~~~~~~~~~~~~~~~~~~~~~~~~~~~~~~

熊死牛命危

今個月係由好友主導大市, 所以大市往往係急跌急彈, 當彈唔起就要小心好友已食胡鬆人, 牛熊分布方面, 熊熊已死得七七八八, 唔夠淡友對賭的話, 就要回吐來俾時間淡友入局, 目前係牛多熊少, 加上月波幅已達標, 令上升誘因下降, 要等淡友湧入, 又或者落去食肥牛清左場, 港股才能更上一層樓

以短炒來說, 上破31000再買上博最後一浸升幅係高危, 大媽明日(18/2)回歸或會出現變數, 睇下與A股相關的ETF, 過去四日內地休市期間, 係日日偷步爆升, 代表市場預期明日內地復市會造好, 不過農曆長假期前上証已連升3天, 明日上証再升的話, 獲利沽壓就會出籠, 內地股市走低就會拖低港股, 呢個就係大鱷趁內地休市, 冇左制肘, 拿拿臨推高港股殺淡友的主因

近日港股為何這麼強跌唔落? 餐餐一插即彈, 皆因市場預期內銀內險油企A股明日會補漲, 所以相關H股就升定先, 萬一明日A股升幅遜預期就係炒錯市, 相關股份就會反艇, 港股呢一浸升浪就會結束,

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

轉節氣雨水港股急瀉, 高開低收, 單日轉向呈大陰燭, 恒指結束七連升

18/2 周四恒指收30595, 大跌489點, 形勢不妙, 向30000肥牛區進發

歷史數據果然具參考價值, 農曆年復市的一周有85%機會走低, 雖然周初港股爆升, 但都拉番落黎, 收窄升幅, 恒指創月內新高31183後倒跌, 低見30570, 大鱷今日托住30500扮跌唔落, 其實係俾時間新貼價牛入局, 今日雖然大插, 但冇牛牛吃, 貼價30400附近的初生BB牛今日才出世, 不過再向下就要到30000~30100才有肥牛, 由於今個月由好友主導大市, 通常食1~2口牛就會反彈, 大鱷都唔想直插嚇到冇人入市接火棒, 補完裂口有望再上山, 31000不會一去冇回頭, 大牛市不應出尖頂直落地獄, 或會彈上去做雙頂, 聚頂派貨然後再尋底

如好友未放手, 屠牛及回補16/2上升裂口至30184後就會反彈, 明日周五要畫周線, 係好淡大鱷角力的日子, 淡友正在反擊中, 咪當大媽係傻瓜, 過去幾日炒高了, 大媽梗係走貨, 點會接火棒, 今日大媽買入QQ, 係因為長假期前QQ收$761, 今日插穿$750, 過去幾日股價呆滯, 所以大媽才入QQ, 老外大媽都入貨, 互聯互通出現資金凈流入

期指未平倉合約減少, 未知好友抑或淡友食胡, 港股尾市插多一棍可能係受美期跌幅擴大所拖累, 炒一周期權的淡友今明兩天會隊落去食胡

人行在農曆年假後即抽走市場資金, 觸發港股及A股大震盪, 市強未見頂收市會跌少過200點, 今日收跌489點代表市況已轉弱, 尋頂市變成尋底市, 以周波幅計就要下試30000~30200水平, 到時才博反彈, 以及分注補回近日沽出的貨, 按照慣性走勢, 沖頂打回頭要試底, 觸底反彈再沖頂

市強由高位嘔500~600點就會反彈, 市弱嘔800~1000點, 如轉勢向下就會插二千點, 估計短線本周30000~30200會有一守, 下周才插穿30000, 由於本周上証收升居多, 港股仍有望同步收升, 本港疫情紓緩, 政府放寬抗疫措施, 與內地通關在望, 資金流入地產板塊, 亦有助穩住大市, 不過新經濟股及車股都見大鱷派貨手影

今日恒指最多插約500點, 仍有下跌空間, 因為周波幅未達標, 亦未回補上升裂口30184~30497, 唔使等下個星期, 本周就要補, 按照慣性走勢, 補完裂口食飽牛牛就會反彈, 市強不應直插, 市弱就會彈上去吻別大位再跌過

如插千點可見30200, 前頂在30135/30191, 阻力變支持, 如果落到30000大關就回補了16/2的上升裂口, 點升上來就點落番去,

1月份港股爆升主因係2021開年基金入貨重組倉位, 內地公募基金掃港股, 當時港股在27231/10738的筍價水平, 如今這些利好因素已消失, 呢一浸升浪已結束, 2月恒指月波幅已達標, 再上31000/12000也走不遠, 睇盤路大鱷大媽正在臨危托沽

上周五收30173, 要收於其上, 本周才收升, 睇期權倉位今個月由好友主導大市, 大牛市淡友不應太進取, 見好要收, 試完底就會再沖頂, 沖頂打回頭才會再試底

明日關鍵位在30200, 本周好友最後防線在30000~30200, 下周或會插穿30000, 好友淡友短炒睇位做野, 今年開局以來的大升浪, 好友贏到開巷, 按照大鱷的習性, 會令好友嘔番盈利出來,

~~~~~~~~~~~~~~~~~~~~~~~~

中港美三地股市同步見頂回落

內地已復市, 冇得再憧憬, 今日早段落山低見30793即彈, 尾市再創即市新低30570, 代表沽壓沉重, 收30595, 失守30800關鍵大位係強烈利淡訊號, 再落就要隊穿昨日低位30503, 昨日守住30503後急彈, 因為當時未見頂, 所以再殺上去創新高, 但今日創出新高30183, 受制於31200再落, 30500就危, 如收市失守不妙,

內地股市復市升幅遜預期, 拖累港股高開低走, 單日轉向呈大陰燭, 會令大市沽壓加劇, 今日港股創今個月最大單日跌幅, 代表淡友成功反擊, 今日QQ.美團.阿里走低, 早已提醒大家快手加入指數就會拖累其他權重股減比重, 債息升利淡新經濟股, 小心月尾未來6個交易日大市要補跌

昨晚道指創新高, 但納指及標普冇創新高, 所以港科指見短頂回落, 中港美三地股市同步的話, 港股亦已見短頂, 明日港股不應創新高, 美股方面形勢不妙, VIX恐慌指數繼周二急升7.46%, 昨晚續升, 預示本周美股周線有可能收跌, 本周五美期結算, 估計未來兩天美股淡友會反擊

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

港股急挫秒殺瘦牛V彈倒升, 好淡通殺, 牛死熊命危

19/2 周五恒指收30644, 升49點,

今日低見30099, 一如所料全數回補16/2上升裂口30184~30497, 牛牛陣亡後反彈倒升收陽燭, 令全城看好, 其實後市仍有隱憂, 美債息急升以及牛多熊少是後患, 以閒閒地千點周波幅計, 小心下周30500~31000兩邊都爆, 或會跌穿今日低位30099, 可能飛天遁地, 貼價牛熊都要死, 29800~30000約有二千張肥牛, 看來有生命危險, 30700向上每百點都有瘦熊,

今日港股雖然出現靚仔V彈, 不過以往都見過彈完再插, 因為彈上去可能係為了吸引好友牛牛入局及屠熊, 昨日大插, 港股弱勢已成, 彈上去只會惹來更大沽壓, 今日科指未能收升, 皆因美債息急升利淡高市盈率低息的科網股, 睇呢兩日港股表現有散水味

今年慣性走勢周一例升, 不過下星期係結算周, 或會有變數, 如打破慣性走勢收跌不妙, 代表淡友成功奪回主導權, 上月淡友都係月尾大反擊, 反彈關鍵阻力大位在30800, 前頂在31168/31183, 目前道指在31650水平聚頂, 恒指收市位不應高過道指, 會削弱恒指的反彈動力, 30000關口的肥牛亦會拉住港股後腿, 要落去屠牛清場, 港股才有動力再上

~~~~~~~~~~~~~~~~~~~~~~~~~~~~~~~

美國債息急升拖累新經濟股

內地進一步規範互聯網貸款, 加上炒復蘇利好內銀股, 大媽這邊廂掃中移撐市, 那邊廂卻沽出其他股份食胡, 由於今個月由好友主導大市, 通常食1~2口牛就會反彈, 大鱷都唔想直插嚇到冇人入市接火棒, 今日補完裂口有望再上山, 31000不會一去冇回頭, 或會有吻別, 大牛市不應出尖頂直落地獄, 多數會再挑戰前頂, 再踢上去聚頂派貨然後再尋底, 10/2上升裂口29527-29732裂口有待回補

歷史數據具參考價值, 農曆年復市的一周有85%機會走低, 雖然本周初港股爆升, 但都遇上強大沽壓, 拉番大市落黎, 收窄升幅, 小心跌市會延後至下周, 因為昨日創高位31183, 今日創周低位30099, 本周呈先高後低見頂走鬼格, 周線出現利淡訊號, 只要下周大陰燭下挫, 就可確認轉勢向下的形態

早前已經提醒大家上月25/1見頂後淡友就反擊, 港股即瀉, 小心今個月歷史重演, 結果昨日創月內高位31183就插千多點, 有基金經理表示昨日港股大插導致倉位重創, 假如下周大鱷再踢上去, 你估基金經理會點做呢? 加上北水流入減少, 以及快手加入指數, 下周港股沽壓肯定會加劇, 小米澄清造車傳聞, 炒錯市下周就要回吐

美國十年期債息升到1.35%水平, 愈升愈有, 如上企1.5%就會影響全球資金流, 好友大鱷見唔對路, 或會趁債息未飛天, 拿拿臨推高港股食胡, 可能係今日V彈的原因之一, 請重溫下面財經日誌, 下周風高浪急, 睇盤路似係好淡通殺, 好友博反彈亦不應太進取, 見好要收, 因為中美股市高位已露疲態, 或會拖低港股

今日元帥淡倉已吃, 入貨博大市再上31000吻別, 下周會趁港股衝上去就會食胡, 因為過去幾日一直提醒大家快手加入指數就會拖累其他權重股減比重, QQ阿里美團等股份會見沽壓, 而且元帥一直說科企有泡沫, 高位岌岌可危, QQ今日創5/2以來新低$726足以証明元帥所言非虛, 今日見資金換馬舊經濟股, 除了避險外, 亦係因為本港疫情紓緩, 下周開始接種疫苗, 有利重啟經濟及通關

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股大幅高開秒殺瘦熊後急瀉, 熊死牛命危

22/2 周一恒指收30319, 大跌325點,

明日港股升跌關鍵在中午匯控業績有冇驚喜, 市場預期恢復派息, 以往公布業績後都會變盤, 令市況大幅波動, QQ插水淡友會否回補空倉, 關鍵位30099/30292, 只要收於其上, 代表好友仍未放手, 恒指連續4日都係低開高走, 高開低走, 持倉要注意,

如果今日科企反艇係受快手納入指數要減比重所拖累, 明日呢個利淡因數消失, 股價就會修正, 科技指數急挫5.5%拖累港股反艇, 如市強落山吃1~2口牛就會反彈, 瘦牛已上移至30200水平, 肥牛在29800~30100, 上升裂口在29527~29732, 11497~11600有待回補,

元帥一直說新經濟股升過龍, 買唔落手, 愈升愈唔對路, 美債息急升衝上1.39%水平, 利淡高市盈率低息的科網股, 泡沫爆破, 獲利盤.止蝕斬倉盤湧現, 人踩人, 股份洗倉式下挫, 科企暴跌拖低大市, 連大媽都走QQ, 死得, 由於大媽重倉QQ, 要看大媽明日會否護盤,

上証高開低收, 單日轉向呈大陰燭, 轉勢向下, 3700得而復失, 收跌53點報3642, 內地股市以去年8月初以來最大成交急瀉拖低港股, 阿爺收水觸發走鬼盤, 不過內銀內險油企A股大升, 利好相關H股, 納指反艇但道指陰d陰d續創新高, 亦係今日科企瀉但港股跌幅唔算大的主因

高市盈率低息甚至不派息的科網股續瀉, 仍未有見底跡象, 資金繼續換馬舊經濟股, 除了避險外, 亦係因為本港疫情紓緩, 本周開始接種疫苗, 有利重啟經濟及通關, 而且唔少舊經濟股息口高, 具吸引力, 權重舊經濟股急升, 抵消了科企的跌幅, 支撐大市, 連美股都係納指插但道指舊經濟股造好

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股先低後高, 單日轉向呈陽燭, 惟下殺危機未除, 牛牛命危

23/2 周二恒指收30632, 升312點

今日港股V彈倒升亦不應盲目樂觀, 技術指標仍弱, 指標股弱雞, 港股通常係急升急跌, 震盪未完, 早前寫港股劇本, 月尾淡友會大反擊, 看來淡友仍會繼續發動攻勢, 因為恒指跌市日數未達標, 未來3天港股會大幅波動, 博反彈要快閃, 牛多熊少利下殺,29800~30100肥牛未死會拉住港股後腿, 港股業績期剛展開, 醜婦終需見家翁, 升過龍的股份就要嘔了

近日恒指在10天線(30435)穿梭代表市況已轉弱, 頂部下移(31183.31071.30948)走勢差, 無論點彈, 彈完都要向30000進發, 明日財爺公布財政預算案, 好友小心會有影響股市的措施, 今日市傳為增加政府收入, 財爺計劃上調股票印花税, 因為此舉比增加利得税及薪俸税容易, 既然難以引入新税項, 亦不想影響民生, 加股票印花税係唯一選項, 上月元帥已指出政府可加股票印花税, 反正大鱷賺到盤滿缽滿, 政府亦應分一杯羹

月尾激戰, 好友淡友大撼大, 恒指一般即市波幅通常只得300~500點, 但過去5天每日即市波幅竟然高達610~820點, 好得人驚, 資金市熱錢來也匆匆,去也匆匆,債息走高利淡股市,本周港股風高浪急, 日日坐過山車, 要做好防風措施, 元帥博反彈已減磅, 明早會沽埋貨尾, 食胡鬆人

中午匯控公布業績不但冇驚喜, 派息方面有驚嚇, 本應利淡, 但大鱷夾硬燒煙花倒升629點爆上30948挾淡, 其後收窄升幅, 走勢欠佳, 科技股沽壓持續, 洗倉式下挫出現小股災, 短短4天累計插1308點(-12%)低見9637後雖然收窄跌幅, 但美國債息高企仍是科企的後患, 資金避險泊入內銀保險地產股, 舊經濟股強爆推高大市, 不過升勢過急, 累積龐大升幅, 慎防回吐會拖低大市, QQ逆市下跌, 低見$697, 走勢差劣, QQ未見底, 港股亦未見底

今日仍收關鍵位30300~30500之上, 可能係托住來派貨及引好友牛牛入局, 今日期指未平倉合約大減, 可能係轉倉, 亦有可能係好友食胡,因為傳出加股票印花税利淡市場氣氛, 比特幣急挫,反映市場風險胃納下降

~~~~~~~~~~~~~~~~~~~~~~~~~~~~~~~

死貓彈完再尋底

近來恒指梅花間竹, 日升日跌, 今日升, 明日輪到跌, 國指今日收11909, 已率先失守10天線, 預示恒指亦快將跌穿10天線, 於大升浪中失守10天線係利淡訊號, 今個星期國指周線收跌機會大增, 今日恒指收30632, 目前水平處於上周五收市位30644之下, 睇盤路本周恒指收跌機會亦大, 如跟1月尾收跌的幅度, 周五收市位就會大幅收低過30644, 周線不會跌少少, 會深潛, 如淡友大反擊推低結算價, 結算前好難守得住30000, 快手農夫山泉等多隻股份將會於納入MSCI, 其他權重股要減比重讓路, 會構成沽壓

本周兩次踢上去, 高見31071及30948, 未能突破上周高位31183, 確認頂部下移尋底趨勢, 尋底市每周都會有新低, 代表本周會插穿上周低位30099, 星期三四五係創周低位的時間窗口, 未來幾日會有大龍鳳, 按照慣性走勢, 尋頂期間每次回吐都會守得住支持位, 但當大市確認見頂, 就會插穿支持位, 斬倉止蝕盤會令大市破位而下, 近日唔少熱炒股的莊家正在撤退

農曆年假期復市人行收水利淡市場氣氛, 上証連跌兩天, 底頂下移, 今日雖然收跌6點, 但整體下跌股份非常多(1397升 vs 3345跌), 有走鬼味, 只係靠內銀內險油企A股撐市, 上証未見底, 港股亦未見底, 同步繼續尋底,

一如所料, 匯控公布業績果然變盤, 衝高回落令市況大幅波動, 恒指即市波幅高達822點, 恒指連續5日都係低開高走, 高開低走, 持倉要注意, 如明日高開就要小心會低走, 明日係結算前夕, 趕狗入窮巷, 要看淡友如何反擊, 上月尾淡友大報復, 小心歷史重演

過去兩個星期親友及股民都係輸錢居多, 連基金經理都表示持倉盈利大縮水, 與港股屢創新高的勢頭背馳, 代表大鱷正在散水, 溫水煮蛙式派貨, 日前已經講過, 過去幾個月好友贏到開巷, 按照大鱷好淡通殺的習性, 大鱷必定會想辦法逼好友嘔番盈利出來, 唔會俾股民有錢落袋, 殺完淡友就會殺好友, 十個股民九個輸

有分析師指出新股上市升一倍是合理, 升兩三倍就係虛火, 元帥一直提醒大家新經濟科技股有泡沫, 小心會爆破, 上周四(18/2雨水)科指見頂11001後急挫, 基金持倉重創, 我估今日彈上去都會走貨, 亦係港股高位一瞬即逝的原因之一

~~~~~~~~~~~~~~~~~~~~~~~~~~~~~~~~~~~

(18/2周四)轉節氣雨水, 預示有大變

大媽(18/2周四)回歸見港股大漲會沽貨抑或入貨呢?

18/2內地復市, 市場預期會急升, 不過港股已偷步上升

本周五(19/2)中美股市結算

下周一(22/2)快手納入國指.科指等多隻指數

下周二(23/2)匯控恒生公布業績, 通常午後大市會變盤

聯儲局主席周二(23/2)將會出席參議院銀行委員會的聽證會, 周三(24/2)出席眾議院金融服務委員會的聽證會

2月24日(周三)公布新一份財政《預算案》

下周四(25/2)期指結算,

第四季恆指成分股檢討在2月26日收市後公佈

美國聯儲局議息﹕3月17日

真係好邪門, 唔到你唔信, 多國出現變種新冠病毒, 阿斯利康/牛津疫苗對變種病毒有效性低, 30/1~20/2水星逆行, 10/2六星連珠, 預言家早已預告20/12/2020~31/3/2021會有災, 暫時出現了新冠病毒變種(巴西、愛爾蘭、南非及英國出現不同新變種新冠病毒), 侵侵搞事,美國國會被暴民攻佔, 撒哈拉沙漠落雪, 美國總統就職典禮華盛頓仿似空城, 二萬五千軍人守城, 緬甸政變, 美國得州近日遇上有史以來最大的冰雪暴, 停水停電, 飢寒交逼, 數百萬人受災

最新回應

soho*
soho* 2021/11/27

多年前逛街時聽到這首歌,唔知歌名,亦聽不清歌詞 ,來不及錄音,  回家後 打電話去唱片舖,將旋律哼出來, 店員就告知我這首歌的歌名,當時十分開心, 如獲至寶

soho*
soho* 2021/11/27

我超喜歡這首舊歌 {#icono0_25}

https://youtu.be/jwtkZ7oTv1o

soho*
soho* 2021/11/27

冇得外遊, 只好飲飲食食, 今日午膳繼續試其他區域的酒樓,晚上就去光顧強記乳鴿,都係未幫趁過,貪有新鮮感,睇見個菜牌已經好開心,流哂口水

外出飲食肥膩,擔心有壞膽固醇,幸好驗血冇事,繼續食食食

{#iconb_31}

soho*
soho* 2021/11/27

呢種氣溫外出跑步或散步真係好正