卧底仇人
2021/02/18 04:14:08 網誌分類: 生活
朋友相約年初四(二月十五日)來老家拜年,臨時變卦,改在情人節晚上來酒店探望,聊天。因為臨時,來不及,也因分心,忘卻通知同伴,幾乎搞出大龍鳳;一支接一支三人共三支紅酒,聊天至凌晨三時。
聊人情世故,也及情人朋友;情人事件薄比較簿,過了便過了,未必談上三日三夜。朋友二字比較厚,簡直談個高山低谷愛恨情仇何止三日?簡直沒完沒了!三、五杯紅酒落肚,朋友交友之道:至緊要Low Expectation⋯⋯是Low?還是No?沒聽清楚也沒問到底求證!朋友之道Low Expectation之外,連愛情都低低哋?頂,要來何用?老而不化,懵盛盛⋯⋯乜都好,如果退掉Expectation要來何用?
講心嗰句,如非Expectation應許,人與人的關係之火如何撻得着?一個人孤獨,獨立嗰個「獨」,點會冇咗阿邊個邊個活不下去?與人交往,甚至共同生活,當然有計算有期望;沒期望,身邊人來人往全皆甲、乙、丙、丁、 戊,連眼尾都毋須交戲!
人似浪花,幾十年時光荏苒,似電影插曲不乏友誼長存;可惜更多無影無蹤⋯⋯真正落得無影無蹤還好,只怕當你是板、是梯、是橋、是避孕套,用完即棄!嗱,閣下好使好用,不斷被採用即表示具備社會存在價值;相反,鬼用你咩?
真係情人節送大禮,網上平台顯示一則思考小錦囊:
You Don’t Lose Friends
You Lose Undercover Haters
Real Friends Can Never Lost
話知啲Friend Real唔Real,但係呢個Term真係妙;
Undercover Haters 卧底仇人
好好彩,往來點會少?讓浮生豐富精采過!
鄧達智
回應 (0)
我要發表