旅發局總幹事紀念父親 重印今聖嘆名作 記錄文人黃金歲月
2021/03/09 04:12:24 網誌分類: 生活
程鼎一喺書中嘅「跋」講到兒時父子嘅相處時光，「父子聊天大多是我恭敬地聆聽他說話，講些人物歷史的掌故，對才十來歲的小孩來說，有些名字是曉得的，更有些是在學校的中文教科書裏面看到過的作者，總覺得父親怎麼可能認識這麼多的近代名人呢？應該是文人多大話吧……」
直到有一日，父親拎一本啱啱出版嘅書返屋企家，佢先知道父親所言非虛，呢本書就係《新文學家回想錄》，裏面提到嘅中國近代文人包括周作人、沈從文、梁秋實、曹禺、老舍、冰心、胡適、朱光潛等等。原來程綏楚喺內地嘅時候，喺文化界廣結善緣，佢一九四八年移居香港，從事教育事業，有份參與創辦崇基學院，又喺各大報章開設專欄撰寫文章，用咗「今聖嘆」做筆名，十分之響噹噹。
程鼎一同Kelly講，父親個筆名原來有意思，係「今之聖賢也為之讚歎！」很有上一代文人嘅胸懷與才氣，原版嘅《新文學家回想錄》現今已難覓，小妹得重印新書一本，大喜。
Kelly Chu
回應 (0)
我要發表