9~11/3 29000穿梭.好淡通殺

港股插水創新低秒殺肥牛即彈, 結束三連跌, 牛死熊命危

9/3 周二恒指收28773, 升232點

今日恒指一度下跌215點創即月新低28326, 隨即見買盤湧現, 可能係短炒淡友回補空倉, 以及博反彈買盤進場, 推動恒指拗腰向上, 在尋底勢頭時突然拗腰收升超過200點係利好信好, 睇盤路明日理應續彈, 如果由低位反彈800~1000點可見29100~29300, 如大淡友仍在, 就會於29200~29400攔路, 如受阻而回, 就要落去做第二隻腳

回顧1月中北水大舉湧港掃貨, 就係由28800水平一大棍抽高千點上29800, 所以大鱷大媽亦有誘因咬住29000來派貨, 好友就係等內地股市回穩, 就有藉口推高港股

牛熊分佈仍然係牛多熊少, 下殺危機未除, 大鱷要等29400樓上熊熊養到肥肥白白才會爆上去, 全城分析師都說只要守得住1月尾低位28259就代表牛市升浪未破壞, 大鱷當然唔想破底嚇到股民死心離場, 梗係要守住大位, 扮跌唔落, 玩拗腰彈番上29000來派貨及殺淡友, 以及養牛牛, 玩下好淡通殺, 好過單邊向下跌搞到人心惶惶, 冇人入市

QQ見底, 港股見底, 今日QQ插到落$613就拗腰上, 代表可能有淡友食胡, 大市已見短底, 恒指結束三日跌勢, 連跌斷纜利好, 慣性走勢試完底(28326)再沖頂(29386), 如打回頭再試底, 往後當QQ反彈見頂, 港股亦見頂, QQ向上關鍵阻力大位$680, 如受阻而回, 港股就彈完

今日收28700樓上, 守得住幾個大位, 表現算唔錯, 估計反彈未完, 短短兩日插逾千點, 好友陣亡港股理應會續彈, 熊熊大幅下移, 有誘因上攻, 初生BB熊剛出世, 處於29100水平, 向上每百點都有小熊, 如果大鱷暫時唔想玩破底, 想開餐就只能上攻, 失守50天線大位不會一去冇回頭, 好友不會輕易放手, 或會有吻別, 又或者玩29000穿梭, 好淡通殺,

港股連日跟上証尋底, 今早係同步觸底反彈, 只要上証不破底, 港股亦不會破底創新低, 如上証再插, 港股就屎得, 今早中港股市係齊齊一插即彈, 拗腰上山, 匯控周四除凈, 繼續受好息之徒追捧, 不過舊經濟股內銀連日急升後見頂回落, 走勢轉弱, 代表資金可能獲利, 轉投跌到殘的新經濟股, 多隻科企急挫後見買盤掃貨, 可能係納期急升, 投資者預期納指超賣今晚會彈高, 又或者債息會回落, 所以淡友食胡, 而好友則趁回吐偷步吸貨博反彈, 其實納指及港科指技術上已插到落懸崖邊, 命懸一線, 只要淡友食胡回補空倉, 就會觸發反彈

個別舊經濟股近日大漲已露疲態, 有見頂跡象, 今日回吐, 預示弱雞的科企會作出反彈, 因為科指創今年新低7706似乎已見底, 唔少科企好友已斬倉, 好友已死得七七八八, 大鱷再插都冇肉食, 如科指見短底, 有助推動港股向上, 內銀撐市任務完成, 要回氣, 可以將撐市棒交俾科企, 周三美國拍債, 債息又會再起風雲, 有分析師估計老美或會壓低債息來拍債, 不過拍債後債息或會再上

~~~~~~~~~~~~~~~~~~~~~~~~~~~~~~~

觸底回升尋頂格

今早大鱷已落山殺牛逾千張, 秒殺肥牛即彈, 又要再養過牛熊, 本來由24/2起道指與恒指差距有1500~2500點, 但呢兩日差距擴大至約3000點的反常水平, 只要有利好消息, 就會作出修正, 推番大市上去，不過去年12月兩者差距高達3000-4000點，即係有可能見27800-28800

昨晚道指收31802 - (1500~2500)差距=29300(恒指本周目標), 甚至更高, 要跟住道指收市位來推算

本周高低位28326~29386, 早已說過好友底線28259(1月尾低位), 今日已跌至回吐目標附近, 第一次試底通常守得住, 再插就危

明日(周三)美國拍債以及公布通脹數據, 好友亦擔心或會刺激美債息上升, 所以好友呢兩日拿拿臨推番港股上去逃命, 收市U盤恒指踢高102點, 可能係因為明日係月供股票日, 大鱷踢上去想在高位派貨, 所以要小心明日港股高開後會掉頭回落, 因為全民皆艇, 一彈上去沽壓就會湧現

~~~~~~~~~~~~~~~~~~~~~~~~~~~~~~~

國指靜候技術性反彈

好友底線28259, 今早低位28326, 淡友第一個目標已達, 昨晚道指創新高, 中港股市跌勢過急, 累積跌幅大, 或會有技術性反彈, 淡友亦可能回補空倉, 有助推高大市, 國指雖然已失守10.20.50及60天線, 連跌4日, 走勢疲弱, 但今年國指最長只係連跌4天, 所以明日會有反彈

29000~29500形成強大阻力區, 為多條平均線所在, 港股食粥食飯睇阿爺, 要內地股市回穩, 港股才能突破阻力區, 內地股市再插就會出事, 我唔信阿爺見死不救, 估計明日淡友會攔住29000, 好友守住28400~28600, 未來幾日一定會爆邊, 可能兩邊都爆, 好淡通殺

踏入3月份, 恒指有兩日即市波幅只得350~500點, 另外有5天即市波幅高達700~1000點, 要內地股市止跌回升, 大媽沽盤收斂, 重新掃港股, 港股才能重拾升軌

以即市波幅這麼大來看, 28600~29000明日一定要爆邊, 目前牌面利好友, 不過如果好友夾硬推上29000, 29200~29400會遇上阻力, 最好震一震再上, 反而可加強股民入市信心, 如果強行上攻, 反而不利後市, 要慎防明日港股會出現先高後低的走勢

淡友今次殺跌係靠美元及美國債息急升做後盾, 目前美國十年期債息於1.5%附近游走, 有匯債分析師認為大方向美國十年期債息會見2%甚至更高, 好友今次真係要等阿爺打救, 要納指止跌回升, 債息及美元回落, 好友才有藉口反攻, 其實全球股市都係跟住美債匯騰上騰落, 今日債息升勢回順, 港股及亞太區股市普遍上升, 當債息再上, 港股市又會再插過

內地股市弱得不尋常, 已入急症室, 大媽亦沽港股套現返祖國救亡, 熱錢流走, 港匯人仔轉弱, 不利中港股市, 幸好百度及嗶哩嗶哩即將來港第二上市, 加上內地股市跌到殘, 阿爺或會出手, IPO大行或會托市來營造利好氣氛來招股及定價, 恒指已由高位嘔了三千多點, 洗倉潮暫緩, 好友已死得七七八八, 淡友食胡, 有利反彈, 彈上去既可擴大下跌空間, 亦可賣貴牛, 俾時間好友入局, 養肥就殺得

~~~~~~~~~~~~~~~~~~~~~~~~

3月風高浪急.好淡通殺

大市出現跌浪, 不斷下殺屠牛, 當熊熊大幅下移至屠殺範圍, 就係轉勢向上的徵兆, 今日於29000附近的貼價熊已陸續出世, 以大鱷的習性, 當全城看淡造淡, 就會失驚無神抽升挾淡, 扭轉劣勢來逼死淡友, 殺完淡友又會再插過

烏鴉口不幸言中, 3月未開局已經預測會係好淡通殺, 風高浪急, 全民皆艇, 因為

~ 3月交易日數太多，大鱷唔想炒單邊，太易估方向的話，大鱷炒上就會輸畀好友，炒落就會輸畀淡友, 所以玩跌下彈下, 好淡通殺

~ 2月中港股見頂回落, 閒閒地都要調整一個月, 不會跌兩個星期就收工, 所以3月上旬插水創新低係正路

~ 恒指已連升5個月，3月獲利沽壓大增

~ 1月北水湧港皆因有公募基金掃港股, 但2~3月要獲利撤退, 當公募基金出現贖回潮, 港股沽壓就會加劇

~ 自從農曆年長假期後, 人行就密密收水, 大媽沽貨鬆人, 亦係中港股市反艇的原因之一

~ 3月基金季結要鎖定利潤，上月已有基金經理說盈利大縮水，甚至有說已入肉，基金多數重倉科企新經濟股係死因, 如有反彈, 必定會走貨止賺/止蝕及減倉避險, 普遍基金經理都認為中港美股市調整未完, 不過短線會反彈

~ 3月業績期見光死

~ 3月份多隻成份股除息後會見沽壓

~ 人民幣及港匯愈來愈弱, 熱錢正在流走

~ 美元及全球債息走高, 利淡股市, 要美元及債息回落, 股市才有上升動力

~ 10/3 美國拍債, 17/3 聯儲局議息, 通常股匯債都會大幅波動

~ 19/3 美國四期結算, 內地股指期貨結算

港股止跌回升利上攻, 部署屠熊

10/3 周三恒指收28907, 升134點, 連升兩天繼續尋頂

今日港股雖然大幅高開後收窄升幅呈陰燭, 但卻扭轉了過去四日底頂下移的尋底勢頭, 變成底頂上移尋頂格, 過去幾日港股尋底, 恒指收市U盤都係低走, 但呢兩日恒指收市U盤都係踢高, 代表大市正在尋頂, 好友已出手, 亦係元帥買上不造淡的原因之一, 弱雞的科指止跌回升, 亦配合本周百度招股, 科企止瀉, 穩住港股

今日大鱷上攻只係吃了一口小熊, 29300向上每百點都有熊熊, 要買定官才, 國指結束四連跌, 連跌斷纜利好, 上証連跌5天, 醞釀反彈, 只要阿爺出院, 好友就有藉口推升, 老外連續兩日大手掃A股, 亦預示內地股市低位見承接力, 即將作出反彈

上証連跌5日, 但今日滬深股市成交大幅縮減, 乾跌, 而且冇跌穿昨日低位, 係利好訊號, 港股衝高回落, 但VHSI恒指恐慌指數大跌3.61%, 大市收陰都唔驚! 如果明日港股彈高高, 就代表今日可能係大升前的震倉, 期權分析師說3月份期權倉位好倉佔78%, 所以唔俾插穿1月低位28259, 以免破位令大市沽壓加劇

QQ見底, 港股見底, 昨日QQ插到落$613就拗腰上, 代表可能有淡友食胡, QQ今日底部繼續上移, 推動港股向上, 連日急跌的恒指突然結束三日跌勢, 掉頭連升兩天, 係利好訊號, 慣性走勢試完底(28326)再沖頂(29386), 如打回頭再試底, QQ關鍵阻力大位$680, 要站於其上3天, 才能穩住港股

如本周恒指收升, 未來兩日就會踢上29400創本周新高(突破周一高位29386), 既可擴大周波幅, 亦可順道屠熊, 今日港股成交急降, 係大龍鳳先兆

假設本周低位是28326+(1100~2000點)周波幅=29400~30300

阻力: 20天線29700, 關鍵大位29800, 前頂29912

自從3/3創高位29912後, 恒指已是連續5天每日都係以陰陽走勢運行, 今日收陰燭, 明日輪到收陽燭

港股繼續尋頂屠熊之旅, 惟受制於29400

11/3 周四恒指收29385, 升478點, 連升三天

大鱷殺完好友殺淡友, 好淡通殺, 美股強勢, 美元企唔穩92掉頭急回, 人仔連升3天, 美債升勢回順, 內地股市止跌回升, 都有利港股再伸多一腳上去, 不過恒指已連升3天, 累計急升逾千點, 加上明日有周末沽壓效應, 以及恒指季檢調動, 本周反彈目標29300~29500亦已進入達標範圍, 假如再衝上去29500周波幅約1200點亦已達標, 本周不應殺上29700,

港股雖然連日急升, 但資金流走, 港匯弱雞, 熱炒股的莊家已撤退, 未見回歸, 現時樓上蟹貨多到不得了, 大鱷不會一路推高港股放生蟹民, 大媽雖然有入貨, 但買盤並不積極, 反而見派貨手影, 上証今日大升79點, 收3436, 升勢過急, 3450會見阻力, 能否突破對港股起關鍵作用

按照慣性走勢今日高位不會是頂, 仍會有新高, 周二曾說過周三不宜一路殺上去, 最好震一震才上, 結果昨日大裂口高開見29255就插水低見28711, 收窄升幅, 符合震倉後才上去屠熊的慣性走勢, 不過明日下午恒指季檢調動立立亂, 減比重股會見沽壓, 或會拖低大市

當人人都認為今次只係死貓彈, 下周仍會再試底, 再推上去只會惹來更大沽壓, 科企風光不再, 累積龐大跌幅, 全民皆艇, 大部份財演都叫趁反彈走貨, 蟹貨出籠, 美匯債懸劍在上, 加上百度招股, 都會削弱港股向上動力

港股大鱷有一個習性, 就係無論升跌, 一爆邊就扯住去, 快上快落, 令企錯邊的一方逃生無門, 4~8/3連插三棍尋底, 過去三日(9~11/3)就連升3天尋頂, 夠皮喇! 即係明日跌得,

~~~~~~~~~~~~~~~~~~~~~~~~~~~~~~~~

周三四五係創周高低位的時間窗口, 如本周收升, 明日就會收29098/11292之上, 如收跌, 就會收於其下, 由於技術指標反映港股大方向走勢向下, 估計彈完會再插穿29000, 只要守得住28800.28500.28326.28259(好友底線), 3月下旬就會推番上去部署結算位

自從18/2港股見頂回落以來, 港股呈反覆向下勢頭, 雖然跌下彈下, 但重心卻下移, 所以本周反彈就算升穿本周高位29386, 也不應升穿月初高位29912, 想破頂就要等3月下旬

港股底頂下移續尋底, 每周都會有新低, 可能要磨到20/3(春分)後才會有轉機, 只要下周冇插穿本周低位28326, 係利好訊號, 代表大市正在築底, 如下周創新低不妙, 3月收跌機會增加

過去幾周恒指高低位(底頂下移):

2月中: 30099~31183
2月尾: 28980~31071
3月第一周: 28513~29912
3月第二周: 28326~29386

健身群組疫情大爆發, 或會影響市場氣氛, 明日關鍵位29200水平(月初兩個低位附近), 以及上周五收市位29098, 如失守就代表反彈浪結束, 今日QQ收市U盤夾硬上企$680關鍵阻力位, 升得好假, 明日亦會見獲利沽壓, 當QQ反彈見頂, 港股亦會同步彈完

今日高見29412, 明日高開跨過29400阻力位冇乜難度, 不過想站穩殊不容易, 自從3/3創高位29912回落以來, 恒指已是連續6天每日都係以陰陽走勢運行, 今日收陽燭, 明日輪到收陰燭, 即係會衝高回落, 好友要睇位食胡, 美債息雖然衝高回落, 但仍處於1.5%的高水平, 對科企構成壓力, 不利股市

今日高見29412就掉頭, 其實係養牛熊, 貼價牛熊齊齊入局, 牛熊分布仍然係牛肥熊瘦, 29440~30000只得瘦熊, 初生BB牛剛出世, 已上移至28850水平, 貼價牛熊命危,

利淡:

美元及債息仍在高位游走, 如再上, 股市就會有震盪

內地股市走勢差劣, 今日上証雖然收升, 但本周仍收跌, 連跌3周

利好:

上証結束5日跌勢, 阿爺出院

今晚拜登簽署刺激經濟法案

楊潔篪、王毅下周應邀赴美舉行中美高層戰略對話

中美半導體行業成立工作組, 加強對話促進互信

==============================