英皇室至怕是非唔夠勁
2021/03/11 04:14:03 網誌分類: 生活
然而甚麼丹麥、荷蘭或近近地日本、泰國皇室的是非加在一起都不及英國皇室隨便一宗是非足以陶冶世人茶餘飯後,各大媒體重要版面;日不落大英帝國雖已日落完再落,英皇室始終維繫永不日落的新聞價值;只要關係英皇室諸事八卦,HELLO周刊立即暢銷起紙。
舊同學群組有人自以為英明:不過娛樂新聞一宗⋯⋯
唓!邊位唔當係娛樂新聞?
閣下認為層次低,索性不聞不問無知無覺;何必八完卦⋯⋯尤如叫完雞,出完火,大鬧妓女下賤?
梅哈夫婦跟奧花電視會談三個幾鐘,剪剩個幾鐘獻世,內容一面倒⋯⋯皇室冇好人,除咗女皇!
女皇好唔好,使梅哈二醜評價?
不睇僧面睇佛面,讚女皇為留後路,乘機踩威廉老婆凱特才是主要目標;Kate, Duchess of Cambridge,梅根至傷的眼中釘,永難超越的山頭,只好以西宮王李香琴,西太后或一眾小三招數,有佢講冇人講的一面倒招數攻擊之!
女皇在位頭尾七十年,經歷起落比過山車還刺激,難道兩名高喊自由爭取脫離皇室樊籠,又要利用皇室名銜爭名奪利的小鬼動得了她幾根眉毛?
梅哈與奧花當然識得利用戴安娜,梅根更趁機自高身價與已故奶奶相比;誰都知道過去近一世紀皇室至大宗是非首推愛德華八世溫莎公爵「不愛江山愛美人」與戴安娜查理斯離婚及後戴妃之死。
皇室怎會怕是非?
皇室只嫌是非唔夠勁!
每次超級是非過後,皇室總有以柔制剛猶如潮汐漲落將是非用作省招牌的手段,更添世界舞台上擦新點擊與無限Like。
鄧達智
回應 (0)
我要發表