3月尾息魔陰霾 + 港股彈散之謎

2021/03/19 21:28:21 網誌分類: 經濟
19 Mar
港股頻頻沖高回落的部份原因

~ 美股超貴, 技術指標跟唔上升勢, 美國債息高企不下, 阿爺收水, 上証屢創今年新低, 港股業績期, 醜婦見家翁, 升過龍高估值股份可能會見光死, ipo抽走市場資金, 港股大牛市資金湧入買上熱潮已成過去, 十個股民九個艇, 港股冇水易跌難大升

~ 2月尾已有(中港)基金經理說由大賺變成盈利大縮水,甚至有說已蝕入肉出現虧蝕, 基金經理的入市意欲低, 傾向做快閃黨, 搵快錢希望執番好盤數, 令中港股市易彈散, 港股失去了基金條大水喉

~ 3月基金季結要鎖定利潤, 基金經理趁反彈走貨止賺/止蝕/減倉避險, 導致港股頻頻彈散

~ 1~2月中港基金經理都係大好友, 全面買上, 重倉持貨, 手上新經濟股佔比高, 單邊買上出事了, 18/2港股見頂回落, 2月尾急瀉, 貨多走避不及, 就算將部份新經濟股持倉換馬舊經濟股仍無法彌補損失

~ 2月尾中港股市暴跌, 基金走唔切, 持倉重傷輸到怕, 因為仍然擔心美股回吐及美債息上升, 基金經理走鬼減倉後不敢再大舉入市, 認為少做少錯, 改為細細注炒上落市短炒波幅, 入市態度由樂觀大好友轉趨保守及看淡後市

~ 普遍基金經理都認為中港美股市大方向調整未完, 短線只係反彈, 看淡後市

~ 阿爺收水, 中港股市反艇, 市傳內地基金出現贖回潮, 內銀 call loan, 持貨者急於沽貨套現

~ 中港股市成交持續萎縮, 大市每次反彈都惹來沽壓, 股市冇水入市大升難, 跌下彈下目的係令股民有錯覺以為年初的大升浪仍未結束, 其實係臨危托沽

~ 美元在92附近高企不下, 資金流不利中港股市, 新興市場股匯不妙, 土耳奇巴西俄羅斯陸續加息, 美元美股強勢, 新興市場資金流走

~ 上証及港股同步於3/3見頂回落, 反覆向下尋底, 不斷跌下彈下來派貨, 2月尾道指與恒指差距大約有1000~2500點, 不過由8/3起, 兩者差距就大幅擴闊至3000~4000點, 印証了資金流走, 人民幣及港匯轉弱, 港股正處尋底勢頭的看法

~ 過去20年的記錄顯示, 3月恒指收跌機會率有65%, 年初1~2月造好, 3月獲利沽壓大, 收跌係正路, 就算收升亦不會大漲, 沽壓大, 所以港股反彈乏力

~ 回顧過去三個月上証高低位, 不難發現中港股市係同步見頂, 同步尋底, 港股無論點彈都不會破頂, 目前中港股市重心下移, 跌下彈下, 趨勢向下:

一月: 3446~3637
二月: 3465~3731(與港股同日見頂回落)
三月: 3328~3577 (上証創今年新低, 會拉港股落山)

~~~~~~~~~~~~~~~~~~~~~~~~~~~~~~~~

結論: 後市利淡

回顧10/2恒指由30038短短四日爆升殺上18/2高位31183, 呢千一點升幅係虛火上升, 港股大鱷趁內地農曆新年休市夾硬炒高港股派貨散水, 當18/2內地復市, 港股當天隨即見頂急瀉, 2月下旬短短半個月就嘔約2200點, 基金經理及股民就係死係呢度

港股已由1~2月上旬的單邊升市變為上落市, 故此後市反彈都不會飛出外太空, 因為1~2月中港股市大升係受美國債息低企+熱錢+北水+內地公募基金入市+港股基金開年重組倉位所推動, 如今這些利好因素已逆轉, 加上全民皆艇, 蟹貨重重, 亦會成為反彈的攔路虎

過去一個月恒指不斷在29000上下600點穿梭, 在28400~29600內游走, 好明顯係想咬住高位來派貨, 大鱷亦想好淡通殺, 拖了7個星期仍未跌穿1月尾低位28259(9/3低見28326), 大鱷大媽就係想令技術派誤以為反彈浪未完, 吸引股民繼續入市接火棒, 裙兄早前曾說過如果插穿28259就大舉走貨, 換句話說, 只要失守28259就會引發骨牌效應, 沽壓會加劇, 出現斬倉止蝕/止賺潮, 所以大鱷大媽一直托住大市

{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}

息魔陰霾 vs 水浸美股

白宮不斷派錢, 令國民手上有多餘閒錢, 見美股大牛市就梗係想錢生錢, 紛紛投入股市炒到飛起, 有分析指過去一年美股多了年輕新手, 而且係敢於使用杠杆, 心口有個勇字, 3月尾發放的新一輪刺激方案粒糖正好為投資者提供入市資金

資金繼續炒復蘇慨念, 道指牛氣沖天, 高企不下, 拉住港股死唔去, 港股(除了部份新經濟股)估值仍吸引, 但息魔陰霾下, 股市泡沫最終會爆破, 入市要控制注碼, 任何時候都要有兩手準備

一如早前所說, 道指於3月初跌到落30500水平就展開大反彈, 連升七日, 18/3彈到上33227的歷史新高就反艇, 嚴重超買, 似乎仍處調整勢頭, 反而一直捱沽走弱納指於5/3插到落12400水平就掉頭向上, 看來美國的新舊經濟股又再執位, 周五港股形勢亦雷同, 本來強勢的舊經濟股插水, 而新舊經濟股跌幅不大, 大鱷又玩換馬, 持貨要跟住市場脈搏來走位

~~~~~~~~~~~~~~~~~~~~~~~~~~~

轉貼新浪財經: 美债利率上行新興市場承壓

  随着美国经济在大放水之下快速復蘇,近期美债利率上升使得包括土耳其在内的许多新興市场承壓。

  許多投资者抛售新興市场货幣以購買美元,導致前者急劇贬值,這增加了新興市场国家償還美元债务的成本,從而威脅其金融體系的稳定。

  與此同時,新興国家通胀水平被迅速抬高,尤其對於土耳其這樣嚴重依赖石油進口的国家,由於進口石油以美元計價,價格大幅攀升。土耳其加息的同時,巴西和俄罗斯此前也採取了類似舉措。

  目前,市场指标显示,印度、韩国、馬来西亚和泰国的政策收紧预期也在增强。本月,乌克兰央行也宣布收紧货币政策以應對通胀上升。不僅僅是新興市场国家,挪威央行也释放出上調利率的信号。

最新回應

投資高手
投資高手 2021/12/09
@soho*...

早晨

感謝元帥🙏

門徒
門徒 2021/12/08

禽日升6百点,期指大減倉,市場似乎唔係好認同呢次上升,買盤亦唔夠積極 {#iconb_61}

soho*
soho* 2021/12/08

一個天大利好消息值逾千點,主要係借突發消息來挾淡倉,升幾棍獲利盤就會湧現

soho*
soho* 2021/12/08

重陽節前偶爾會做1200~1500點大周波幅