4月初挑戰29000

2021/04/01 16:54:07 網誌分類: 經濟
01 Apr

港股爆升屠熊, 受制於29000

1/4 周四恒指收28938, 大升560點,

成也QQ.敗也QQ

大鱷今日踢高挾淡, 大舉屠熊, 熊死熊還在, 大量肥熊聚集在28940~29200, 初生BB牛陸續出世並上移, 大鱷不愛炒單邊, 3月下旬大插插, 當月尾好友死得七七八八就變臉彈高高殺淡友, 對於大鱷來說, 想好淡通殺, 操控恒指上落千點係易如反掌, 港股有大媽北水做後盾, 亦有大鱷高沽, 單邊造淡造好都會被挾屎, 炒千多點波幅上落好過

成也QQ.敗也QQ, 大媽大手掃QQ, QQ由$610爆上$654, 推動港股向上, 回顧3月中港股急挫, 跌市元兇係北水撤退, 當時大媽大舉沽出港股, 但自從25/3恒指低見27505, 大媽就變臉, 開始趁低吸納, 推動港股重上28500水平, 不過北水流入明顯減少, 年初港股急升後見頂31183回落, 但大媽大鱷一直玩29000穿梭來派貨, 就算3月尾插穿28000都急彈, 重返28500~29500波動區

市強大插觸底反彈1000~1200點就會見頂回落, 27505(3月底)+1000~1200=28500~28700, 今日高見28938, 反彈幅度已超標, 可能升到水尾

過去幾個星期港股係梅花間竹, 一周升一周跌, 上周收跌, 就輪到本周(29/3~1/4)收升, 如果跟呢個慣性走勢模式, 下周(7~9/4)長假期復市就會收跌, 下周五(9/4)關鍵位28938, 如收於其下, 就收跌

美股水浸屢創新高, 但港股缺水只能靠乾升挾淡, 所以頻頻彈散, 衝上去高位往往站不穩, 大鱷每一浸通常炒幾日就變臉, 由於中港美三地股市多數係同一方向走, 目前三地股市正在尋頂, 港股就跟住上, 當中美股市見頂回落, 港股反彈浪就會結束

~~~~~~~~~~~~~~~~~~~~~~~~~~~~~~~~~~~~~

呢幾日港股表現亮麗, 踢高結算及殺淡, 亦可能係受基金季結粉飾櫥窗買盤所推動, 長假期前後例牌大龍鳳, 美元高企不下, 在92之上游走, 不利新興市場貨幣, 削弱股市上升動力

美國十年期債息於1.6%之上成為科企的陰霾, 對沖基金出事, 中概股遭洗倉或會有後著, 中概股除牌陰霾猶如泰山壓頂

3月港股跌浪係由科指帶動, 近日科指逆市造好, 推動港股向上, 當科企見頂回落, 港股就彈完, 科指通常最多升3日就會跌, 如今科指已連升3天, 預示下周長假期港股會見沽壓, 不過只要收市守得住28500, 大方向升勢未完, 如跌穿28500, 代表反彈浪結束

27505(3月低位) + 1000~1200點反彈幅度 = 28505~28705(第一目標)

如能收28700之上, 俾多500點 = 29200(第二目標) ~ 多條平均線阻力區

如能收29000之上, 俾多500點 = 29500(第三目標)

未來幾日當見短頂回落, 市強見短頂後嘔500點就要再上, 如嘔千點仍不彈利淡, 代表大市已轉勢向下

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股先高後低, 單日轉向呈大陰燭, 秒殺肥熊即回,

7/4 周三恒指收28674, 大跌264點

長假期外圍造好, 今早港股應升不升需防跌, 結果倒跌收場, 近來內險A股弱得不尋常, 已經下跌多日, 拉住上証後腿, 炒方向係俾大鱷睇住來殺, 今早港股高開即插, 暗殺了28940~29100貼價熊才倒跌, 正趴街

要擴大周波幅, 未來兩日一係升穿今日高位29101, 一係插穿今日低位28598, 亦可以兩邊爆, 牛熊都貼價, 28500樓下有肥牛, 剛才睇最新牛熊分布, 原來28500樓下小牛今日快高長大, 已經變左肥牛, 不過29100樓上仍有大量肥熊, 大鱷或會好淡通殺

由於貼價熊較肥, 正路4月上旬應先行上攻, 如果大鱷玩好淡通殺的話, 就可以在28800穿梭, 上攻下殺, 以月波幅計, 今日高位29101不會是4月大頂, 後市仍會有新高, 今日上証收3479, 連跌2天, 等反彈, 只要上証守住3450, 港股就死不了, 如失守3450, 港股就危, 美元由高位回落, 失守93, 下試92水平, 人民幣止跌回升, 利好中港股市

昨日上証先高後低, 單日轉向, 收跌收陰唔靚仔, 高見3493, 創9/3以來新高後倒跌收場, 中港股市同步, 恒指亦創23/3以來新高後倒跌收場, 要等上証突破3493, 港股上升動力才會增強, 好友當道的話, 市強見短頂後嘔500點就要再上, 29101-500=28600(短線回調目標)

昨日港股休市, 上証走勢欠佳, 已經對今日兩地股市有戒心, 今早港股高開, 但有利好消息的阿爸及QQ低開, 唔靚仔, VHSI恒指恐慌指數大幅高開, 已經知今日港股沽壓大, 老外沽A股累街坊

今日港股先高後低, 單日轉向呈大陰燭, QQ反艇, 要看派高息的舊經濟股明日有冇資金湧入, 幫手撐起大市, 過去兩周大媽都掃貨撐港股, 要北水持續流入, 港股才有力再上

港股長假期外圍股市造好, 人仔亦高開, 有好消息的阿爸卻低開, 弱得不尋常, VHSI恒指恐慌指數竟然大幅高開, 已經知有古怪, 港股飛天遁地, 今日食完肥熊, 明早就要食牛扒, 不過如果內地股市死唔去, 又可以踢番上去繼續食熊掌, 待養肥牛牛才下殺, 按照不會全周日日升或日日跌的慣性走勢, 今日已經跌左一天, 未來兩天不會全跌, 會升1或2天

恒指收市U盤踢高52點, 收窄跌幅, 好少見收市U盤推高這麼多, 代表好友仍未放手, 尋頂之旅未完, 今日只係回氣, 抖完會再上29000, 大媽由25/3港股見底那天開始日日掃港股, 對港股起支持作用

~~~~~~~~~~~~~~~~~~~~~~~~~~~~~~

新舊經濟股交替托市

QQ今日沽壓沉重, 似係大戶大手沽出QQ, 連大媽都走貨, QQ由上月低位$588.5彈上今日高位$658, 累計反彈了約$70, 升幅大惹來獲利沽盤, 如QQ收市跌穿過去兩日低位$623.5及$621.5港股就危, QQ反艇原來係大鱷大媽收到風, 偷步走貨, 港股收市後傳出QQ大股東Naspers擬減持近1.92億股, 涉逾1100億元, 每股作價575元至595元,較今日收市價折讓5.5%至8.7%, 這就可解釋為何上月插穿$600就急彈, 原來係推高配股, 聽聞今次配股獲超額多倍的認購, 有中長線基金及主權基金參與, 有了配股價$595做底線, 股民反而更易部署,

大媽條水喉開得太細, 撐唔起大市, 加上老外大大力沽A股, 所以中港股市齊齊反艇, 大媽今日買賣QQ金額差不多, 似托沽, 似乎唔想QQ及港股大插, 嚇到股民唔入市就好難派貨, 近來大媽都係$620.610.600一級級撐住QQ

好友要小心的是, 自從25/3低見27505反彈以來, 港股每日沽空比率明顯多過3月上旬, 係一路升一路累積淡倉, 所以港股往往係升得好地地失驚無神大插, 淡友正在伺機而動

上星期由低位反彈約1200點見28700, 頭一浸已經升到水尾, 要回一回, 消化沽壓後方能更上一層樓, 但28800~29200熊太肥, 大鱷今日夾硬殺埋上去開餐, 今早高開見29101秒殺肥熊就插, 真係陰毒, 炒牛熊太貼價真係高危, 港股今日雖然反艇, 但技術指標屬回穩偏好, 只要收市守得住28500, 後市仍會再上29000, 由於傳統上4月係好月, 所以回吐亦會有資金吸貨,

回顧過去20年恒指4月的表現, 收升機會率大, 4月會有買盤追捧內銀等除息股, 3月減了倉的基金經理冇左3月季結的制肘, 4月入市可以較進取, 內地股市處於年度低位附近, 向上空間大,3月業績期過後, 企業回購會增加, 加強股份低位的承接力, 不過中美交惡, 制裁措施陸續有來, 加上匯債波動, 4月或會有黑天鵝

有美股財經分析說納指有轉季轉月效應, 所以月初會有買盤進場, 3月反艇的納指走勢明顯好轉, 美股牛氣沖天, 愈升愈有,  近日美元由93.1急跌, 插穿92.5, 推動美股屢創新高, 但唔少在美上市的中概股卻逆市下跌, 早前聽基金經理講股, 唔少都係加美股倉位, 減中港股市的持倉, 因為中港股市受政治及政策制肘, 而且港股係提款機, 會失驚無神大插, 基金經理看好美股, 因為美股係大牛市, 水浸市場, 急跌亦會急彈, 早前我亦留言, 股神今年特別提醒股民唔好造空美股, 受道指恒指差距帶動, 美股高企不下, 恒指亦不會深潛,  要中美股市大插, 港股才會插

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

8/4 周四恒指收29008, 大升333點, 高處不勝寒

成也QQ.敗也QQ

QQ折讓配股拉住港股後腿, 沽壓仍未除, 恒指仍受制於29000~29300(50及60天線), 明日關鍵位28938, 如收於其下, 本周恒指收跌, 上周四國指收11217, 今日收11109, 以近日國指的弱勢, 本周國指收跌機會大, 符合一周升一周跌的慣性走勢, 上証本周收跌居多, 中港股市同步的話, 港股就會收跌, 明日亦會有周末沽壓效應

今日港股雖然大升, 但升跌股份比例唔靚, 987升 VS 748跌, 恒指一半升幅來自友邦, 港股係虛火上升

過去幾日港股都係日升日跌, 今日升, 輪到明日跌, 上証仍受制於3500, 恒指29000壓力大, 係蟹貨區, 阻力非輕, 老外近來密密沽A股, 拖低中港股市

按照慣性走勢明日會突破周三高位29101創本周新高來擴大周波幅, 29100樓上有肥熊待屠, 向下方面, 小牛已上移至28500~28577, 貼價牛熊都命危

今日港股表面上係大成交急升, 但不要誤以為有資金入市, 其實扣除QQ配股$1142億, 成交只得$1669億, 少得可憐, 成交並不配合升勢, 乾升挾淡走不遠, 大摩唱好並抽高友邦來抵消QQ的跌幅, 估計係為了配股護盤, 滬深大媽突然掃$50億的QQ, 亦係推高港功臣, 每當大媽大手掃QQ, 港股就急升, 當大媽走貨, 港股就反艇, 大媽日日變臉, 係無路可捉, 今日港股彈高高, 明日亦可反艇

 

最新回應

c6
c6 2021/04/11

大元帥回家

間屋人氣蓬勃

🥳👍😘👍🥳

c6
c6 2021/04/11
@soho*...

喜劇可以睇

C6膽小害怕

鬼片就怕怕😱

c6
c6 2021/04/11
@c6...

爸爸有機可乘

斷估升下啦📈

c6
c6 2021/04/11
@soho*...

大元帥好

大元帥就是鬼洒店的經理

幫大家解決煩惱消除疲勞

👏👏👏👏👏👏👏👏

//鬼酒店的經理幫鬼客人解除怨念,好讓他們安心上路,//