河馬仔河馬仔
河馬仔河馬仔
河馬仔河馬仔

(河馬仔賽馬專欄)2021/04/05

2021/04/05 00:49:17 網誌分類: 賽馬
05 Apr

三季累績:- $309214

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)

今次又轉轉玩法先。

馬膽
5「利害了」當然知隻馬係已經冇分在手,但今季其實用得不多之餘,除第一場之外,不知為何近三場體重亦好高,某程度而言跑得比之前差。本身此駒跑千四有慢步速較佳,今場可能有機會有呢個情況,快放馬未必好多,如跟住隻「南區有」起步走的話,而試閘好像有回點生氣,可能重整後有唔同的話,摸一席位置或第四未必冇機。

作配的腳 :
1「美麗滿紛」明顯二班唔夠跑,但三班都要放得順先有贏面,今場同樣十四檔,要睇睇「豐」能否早早推前埋欄,如做到此步的話有勝望的,唔得就可以影都冇。
2「共同勝利」跑千四表現真係好一般,上場其實追得唔好,之前跑千二都係「蘇」一起步跑到靚絕才贏得到。之前跑千二入圍都要睇沿途步速及本身可否鬆動開步,相當難發揮得好的馬匹,本身都唔係好想要此駒的。
4「精彩非凡」之前停課,但本身跑千六都要有點步速比佢後追為佳,今場休後縮落千四,仲要快放馬真係唔多,其實話佢好穩唔講得,但狀態係OK,驚佢入個第四。
6「南區有」今季「羅」廄「俊」轉「潘」較少,但好像冇乜成功例子,上場其實發揮得幾好,但本身隻馬有點懶性,要佢放足千四係有點困難,希望放得入圍。
8「嘉應精彩」馬係盡哂,但「能」上場走落都算有一絲希望,但講真都係唔叻,上場跑到最後二百俾隻放頭的「南區有」過埋,真心都係捧「能」有鬥心入下圍咁。
11「一舖縱橫」第一次用「拉」有希望,當然上場其實都發揮到七七八八,今場要睇可否在起步時夠快啦。
13「友盈友福」幕後看起來當然好強配,但上場其實差不多所有後上馬都近,而「鄭」「巴」配今季戰績事實幾麻麻,十隻得一隻P,仲要熱,當然呢隻岳伯仁前大賽配角去到香港係開始搵到回旋點的。
14「揚帆順風」其實近呢兩場換好配備跑唔差,前一次跑谷草千二係識追,上場一六五零係轉彎前塞住又出唔到來,今次當然後備報名本身唔多似,但本身狀態上緊,而呢兩場輸得有籍口,拖一注都抵。

最後半腳
3「醒目勇駒」用「黃」又冇操真心唔多似,不過隻馬前一場跑直路追得幾銳,上場千二追隻「速遞奇兵」就追乜都唔靈,如果明日落雨要更小心似駒可能跑得更有威力。

唔要的馬 :
7「安承」隻馬傷完轉倉,但轉之前隻馬好像頹到唔知點咁,轉倉後某程度試閘都唔多好,仲要縮到千四又未必多馬放,睇幾鋪先。
9「超誠寶寶」我都係PREFER佢拍「榮」先諗。
10「延續美麗」此駒外地係一隻步步均速走放頭馬,今場有可能帶頭的,但晨操出腳真係好亂,加上「東」「明」配今季成績極差,放唔放得出都唔知。
12「幸福友善」本身在外地有點長力及耐力,但可惜好似冇乜板斧去突圍取勝,懷疑可能要上到千八二千更好,奈何隻馬個口又急又敏感,上場跑得一絕但一遇快點點的步速跑落零反應,落千四後備補出,仲要用「波」,咁我博第二隻好過。

(河馬仔賽馬專欄)2021/04/05真金投注紀錄
回應 (1)
我要發表
河馬仔河馬仔
河馬仔河馬仔 2021/04/05 18:59:00 回覆



2021/04/06「河馬仔賽馬專欄」,中哂四重彩但要輸,以後唔買………………四重彩。

是日 : + $10821 - $16800 = - $5979

累績 : - $309214 - $5979 = - $315193

user

最新回應

河馬仔河馬仔
河馬仔河馬仔 2021/04/05



2021/04/06「河馬仔賽馬專欄」,中哂四重彩但要輸,以後唔買………………四重彩。

是日 : + $10821 - $16800 = - $5979

累績 : - $309214 - $5979 = - $315193

河馬仔河馬仔
河馬仔河馬仔 2021/02/14


2021/02/14「河馬仔賽馬專欄」,牛年中哂腳。

是日 : - $21000

累績 : - $288214 - $21000 = - $309214
河馬仔河馬仔
河馬仔河馬仔 2021/01/01

2021/01/01「河馬仔賽馬專欄」,2020輸到2021。

是日 : - $21000

累績 : - $267214 - $21000 = - $288214
河馬仔河馬仔
河馬仔河馬仔 2020/12/20


2020/12/20「河馬仔賽馬專欄」,原來已經直落連輸三個月。

是日 : - $18920 + $1980 = - $16940

累績 : - $250274  - $16940 = - $267214