15~16/4 受制於50及60天線

2021/04/15 21:01:10 網誌分類: 經濟
15 Apr

港股即市調整, 成交急降, 大龍鳳先兆

15/4 周四恒指收28793, 跌107點, 牛死熊命危

今日低見28531(跌370點), 收市踢番上去, 收窄跌幅, 收28793, 僅跌107點, 收市U盤例牌踢高(QQ由$615彈上$620收), 港股收復部份失地, 好友力守28500關鍵位, 10及20天線失而復得, 代表好友仍想明日收28698/28792之上, 部署本周收陽收升

周二(13/4)港股衝高回落, 恒指一度大升424點, 但收市僅升44點報28497, 當天收市總結分析, 多位知名 財演都唱得極淡, 財經猛人王蛇亦指28800應該沽, 反映大鱷刻意畫陰燭利淡形態成功誤導了股民及技術派, 結果周三(14/4)挾淡爆升403點, 今日亦係急挫急彈, 聽財演的口吻就知全城看淡造淡, 大量淡友入局, 中伏了, 呢兩日沽空急增, 今日高達14.19%, 當淡友埋晒位, 大鱷就會抽升挾淡

過去兩星期都係短周, 恒指周波幅為565點, 806點, 本周恒指高低位28274~28979, 周波幅只得705點略嫌太少, 明日會爆邊抑或拖到下星期呢? 利用AI電腦智能分析港股顯示, 本周一創新低, 昨日(周三)強勢爆升, 以時間來推斷, 呢兩日不會大插破底, 趨勢仍向上, 所以想擴大周波幅理應向上走, 即係明日要升穿本周高位28979來擴大周波幅

港股成交已是連續3日少過$1500億, 成交愈細, 大鱷愈容易抽升殺跌, 好淡通殺, 沖頂打回頭再試底, 今日下試28300~28500的支持力, 低見28531秒殺小牛即彈, 收復大部份失地, 市強由高位回吐四五百點就會彈上去挑戰前頂(28884.28979.29152), 市弱就要嘔800~1000點才彈, 今日最多跌370點, 好友已急不及待出手護盤, 地產板塊逆市上升, 力托大市, QQ於收市U盤由$615彈上$620, QQ發債大行托住QQ股價, 只要穩住QQ, 港股就有運行, QQ見底.港股見底

4月初恒指日波幅約430~550點,

反彈上望: 28274(4月上旬低位) + 800~1000點周波幅 = 29074~29300

~~~~~~~~~~~~~~~~~~~~~~~~~~~~~~~

部署上攻屠熊

恒指收市U盤已是連續8日踢高, 係尋頂訊號, 反映好友仍未放手, 今日只係消化沽壓, 震牛引熊, 4月下旬港股會重上29000/11000, 牛熊分布係貼價熊肥牛瘦, 熊熊已下移至28900水平, 不過向上阻力重重, 要內地股市彈高, 港股才有力上攻, 其實美期及亞太區股市都造好, 大鱷壓住大市來養熊, 美國拍債成績理想, 美債息回落, 利好科企, 納指愈升愈有, 挑戰前頂, 港股有望作出反彈

本周恒指2升2跌, 如本周收升, 就應3升2跌, 明日公布內地GDP, 會有大龍鳳, 上証收3399, 跌17點, 只要上証反彈利好港股, 明日港股表現就要睇上証生唔生性, 當上証觸底反彈, 港股亦會同步尋頂, 港中企業周線已率先收升, 係利好訊號, 國指今日收10905, 上周五收10977, 雖然目前仍收跌, 但本周收升仍未絕望, 明日只要升72點周線就可收升, 國指已是連續7日跑輸恒指, 回吐時間已足夠, 係時候反彈,

上証及港股大插後齊齊掉頭向上, 午後明顯收窄跌幅, 走勢回穩, 上午老外沽A股, 午後就變臉掃貨, 可惜大媽仍繼續沽港股, 壓住大市, 美元下跌, 人民幣連日上升, 港匯亦轉強, 反映資金流入, 今日港股回吐後, 明日(周五)畫周線, 好淡角力, 好友必需要反擊, 恒指要收升或跌幅少過95點, 周線才能收升,

港股整體技術指標雖然仍弱, 不過有些指標已改善, 恒指10天線已升穿20天線, 利好, RSI及MACD亦已回穩, QQ急跌急彈, 無形之手一直力守住大位$620.$610及$600, 地產板塊亦係托市功臣, 按照周升周跌的慣性走勢, 本周港股輪到收升, 明日好友會反擊, 推高收市, 

~~~~~~~~~~~~~~~~~~~~~~~~~~~~~~~

4月上旬總結~好淡角力

日前說港股衝高秒殺小熊即回, 熊死牛命危, 今日落山屠牛83張, 又係好淡通殺

4月上旬恒指4日收升, 4日收跌, 大鱷吃了5口牛牛, 6口熊熊, 貼價牛熊都要死

港股成交連續3日少過$1500億, 乾升乾跌, 港股升跌由大鱷話事, 冇得分析

全城唱淡造淡居多, 結果玩左半個月, 恒指對比3月收市位仍錄得升幅, 處於28274~29152, 約900點的困局中

自從4月初長假期復市以來, 國指日日都跑輸恒指, 可能係受美國打壓中概股以及阿爺的監管措施所拖累

~~~~~~~~~~~~~~~~~~~~~~~~~~~~~~~

恒指周線月線的啟示

上月恒指收28378, 係好友力守的水平, 4月上旬每日都收28400之上

回顧過去20年, 當中4月份恒指17升3跌

由今年2月起, 以周線計, 無論點震, 就算插穿28000, 每周收市位都企28300之上

恰巧的是, 4月份最後一個交易日係周五(30/4), 當天除了月結外, 亦要畫周線, 如果跟隨上述慣性走勢, 30/4就會收28400/28600之上, 4月埋單月線收升

回顧過去20年恒指4月的表現, 收升機會率大, 4月會有買盤追捧內銀等除息股, 3月減了倉的基金經理冇左3月季結的制肘, 4月入市可以較進取, 內地股市處於年度低位附近, 向上空間大,3月業績期過後, 企業回購增加, 加強股份低位的承接力, 美股升勢停不了, 4月美國除了放水亦有紓困措施及基建計劃, 不斷推動美股向上, 亦利好市場氣氛

美股係大牛市, 水浸市場, 急跌亦會急彈, 屢創新高, 早前我亦留言, 股神今年特別提醒股民唔好造空美股, 受道指恒指差距帶動, 美股高企不下, 恒指亦不會深潛,  要中美股市大插, 港股才會插, 目前道指恒指差距高達4937點的極不合理水平, 港股有條件追落後, 大鱷壓住港股來引淡友入局, 只要上証止跌回升, 好友就會借勢推高港股

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

16/4周五恒指收28969, 升176點

收市U盤恒指已是連續8日踢高, 不過今日斷纜, 有可能係大鱷想壓低周線的收市位落29000樓下, 降低下周收升的難度, 預期下周港股會底頂上移挑戰29200來擴大周及月波幅

成也上証QQ.敗也上証QQ, 與港股同步見底頂

反彈上望:

第一個目標: 28274(4月上旬低位) + 550 = 28824

第二個目標: 整數關口 29000

第三個目標 : 前頂29152, 50及60天線約在29200水平, 由低位彈千點可見29300

第四個目標: 下一站29500(前頂阻力29550/29596)

美股雖然超買, 不過水浸美股, 往往係急回急彈, 有分析指4月係美股造頂的時間窗口

美企首季財報潮開鑼, 炒業績, 月中美國 拍賣國債, 16/4美期結算, 結算後或會變盤

整體牛熊分布係牛多熊少, 不過貼價熊肥牛瘦, 小牛上移至28700水平, 熊熊已下移至29100水平, 不過向上阻力重重, 要內地股市(權重A股)彈高, 港股才有力上攻, 突破29000後, 下一個強力阻力大位係29200, 再上29500~29800阻力就更大, 如向上受阻, 就要下試28500.28274......

見QQ急升也不要太樂觀, QQ只係操控大市的棋子, 今時唔同往日, 如今QQ冇莊家睇場炒上天, 不過有無形之手(可能係大媽)一直力撐$620.$610及$600, 周五(16/4)更突破$623~625, 為10及20天線所在, 不過$636係阻力大位, 要突破並站穩, 才能進一步推高港股, 由於QQ收復10及20天線, 港股技術指標亦跟隨好轉, 4月下旬係創月高位的時間窗口, 但新經濟股蟹貨多, 反壟斷法成為科企緊箍咒, 所以彈上去往往被沽盤打回頭, 而美團配股傳聞亦壓住科指, 拖住港股後腿

4月上旬高低位28274~29152, 由於月波幅遠遠未達標, 4月下旬可能上下都爆邊

前頂阻力: 29079/29139/29152/29550/29596/29912

向下支持: 28711, 28300~28500, 28259, 28000, 27505

上証向上阻力 3450.3500.3550...

恒指通常2~3日就轉向, 好淡通殺, 大鱷不愛走單邊, 對於大鱷來說, 操控大市上落千點係易如反掌

~~~~~~~~~~~~~~~~~~~~~~~~~~~~~~~

資金流利好

大鱷托住港股等美元及債息回落,周四美市時段美國十年期債息終於跌穿1.55%,資金流利好新興市場,今日亞太區及中港股市當堂生猛晒,試問若非資金流改善,為何恒指連續3日收10及20天線之上?

港匯及人民幣齊齊轉強,港股卻跌下彈下,嚇到散户止賺,走蟹貨止蝕,全城唱淡,淡友熊熊已入局,但其實近日港股每次震落去都見買盤,大巿技術走勢已好轉

港股成交萎縮,大鱷只能靠挾淡,逼淡友回補空倉來幫手推高大市,當收復50天線,基金經理或會追貨

大鱷要等內地股市造好,才有藉口推高港股,只要A股升,利好H股

今日上証急升,國指隨即轉强,周四國指周線本來收跌,但今日已轉跌為升,都係多得阿爺,聽聞華融事件有望解決,提掁市場氣氛

港交所係港股溫度計, 港股成交大幅萎縮, 過去4日每天只得$1240~1430億, 但港交所卻一直企$450之上, 等同早前港股成交$1500~2000億時的水平, 就算有中概股回流第二上市, 港股成交細理應撐唔起港交所的股價, 唯一解釋係大鱷預期港股成交將會增加, 不會長時間成交低迷, 這就配合元帥預期港股於4月下旬會踢上去, 突破29152創即月新高

~~~~~~~~~~~~~~~~~~~~~~~~~~~~~~~~

港股追落後

當大鱷唔想港股升住, 就會壓住大市, 等養肥熊熊才爆上, 所以早市港股呆下呆下, 今日貼價熊陣亡

周三說28698及28378樓下買上, 上証3400樓下買上, 4月下旬會再上29000, 全中, 好友要加油

逆勢造淡是孤獨的, 淡友要小心噢!4月下旬係創周高位的時間窗口,本周港滙轉強,有資金流入

道指恒指差距似乎已到了極限, 係5350點, 12/4到了這個水平, 恒指就急彈

~~~~~~~~~~~~~~~~~~~~~~~~~~~~~~~~

唔好凈係睇港股圖表, 要了解大鱷操控大市的手法

近日大部份財演都唱淡, 就係只看港股走勢圖

~ 當上証大跌, 由於兩地股市係同步, 正路港股應跟跌, 假如港股冇跟住大跌, 就係有古怪, 可能係托住港股, 拖到上証觸底回升, 到時好友就借勢推高港股, 這是日前我係網誌寫的, 全中

~ 大鱷有時會由得港股大跌, 但落到大位就踢番上去, 日線不能盡信, 周線才見真章, 所以我在過去幾日的網誌一再強調無論周初點震, 周五都要踢番上28700樓上收, 因為要畫周線收升的圖

~ 昨日美期及亞太區股市都造好, 但昨日上午港股大插, 逼死好友, 到午後收復大部份失地, 早市港股跌得太過份, 有古怪, 原來係為了震牛/屠牛/養熊,

~ 隨著道指屢創新高, 道指恒指差距不斷擴大, 但兩者差距點都有個譜, 不會美股飛天, 港股遁地, 港股未大升只係時辰未到, 當時機成熟, 港股就會追落後補漲, 例如等上証完成調整, 等4月下旬才破頂, 震走牛牛好友, 等淡友熊熊養肥, 等全城唱淡造淡, 等大鱷壓低收夠貨.....

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

恒指創即月新高秒殺肥熊即回, 受制於50及60天線

19/4 周一恒指收29106, 升136點, 力守28800

大鱷抽升350點挾淡, 秒殺約千張肥熊即回, 牛牛已大幅上移至28800的屠殺範圍, 愈養愈肥, 而肥熊則在29300樓上, 今日高見29319, 剛好由4月上旬低位28274反彈千點, 夠水位俾大鱷轉身, 隨即遇上龐大沽壓, 不過資金流仍利好, 美元進一步下跌至91水平, 港匯及人民幣走強, 可能係中港股市齊齊創近日新高的原因之一

比特幣等虛擬貨幣出事, 黑天鵝出現或會影響股匯, 港股已連升2天, 通常2~3天就轉向, 代表明日沽壓會加劇, 沖頂打回頭再試底, 要看能否守得住今日低位28806, 隊穿有牛牛吃, 向下每百點都有牛, 市強由高位29319嘔約500點, 市弱嘔800~1000點才會反彈

QQ雖然上企10及20天線, 但仍未站穩, 今日沖高後倒跌收場, 走勢差劣, 新經濟股蟹貨多, 反壟斷法成為科企緊箍咒, 所以彈上去往往被沽盤打回頭, 要QQ守得住$620才可穩住港股

明日轉節氣穀雨, 股市或會有大龍鳳, 恒指周波幅未達標, 28806~29319要爆邊來擴大周波幅, 順道屠牛熊, 港股調整後能否再上沖就要看上証表現, 因為老外過去一周大手掃A股, 兩地股市通常係同步尋頂, 28800係好淡角力大位, 上証連升兩天, 明日或會回吐, 當上証見頂回落, 港股就危

最新回應

c6
c6 2021/05/14
@soho*...

大元帥🙏🙏🙏

謝謝早午市評論

你現場直播好吸引👍

c6
c6 2021/05/14

大元帥厲害

阿爺聽你講

//希望阿爺今日生生性性//

大元帥

下星期再叫阿 爺

生生性性啦

c6
c6 2021/05/14
@soho*...

大元帥好

各位午安

 阿爺大成交升

恒指好似升得好靚仔

QQ依然

soho*
soho* 2021/05/14

以周波幅理論, 下周仍會再上28000