木水火
木水火
木水火

拒宣誓仍享福利 廢政府管治無能

2021/04/20 13:00:00 網誌分類: 時事
20 Apr

尋日公務員及資助機構員工事務委員會召開會議,多名議員對當局處理公務員拒絕宣誓及簽署聲明提出質疑,譬如政府處理手法唔夠強硬,拒絕宣誓嘅公務員仍能領取相應退休福利,包括長俸及退休金,咁同亂花公帑冇乜分別,納稅人啲錢使得咁寃枉,唔㷫就假!功夫茶早前都講,明知你哋唔肯效忠,應該「拒簽即炒」,手起刀落,即時停職停薪,仲有乜可能福利照舊?慷納稅人之慨?認真豈有此理! {#icono_37}

連拒絕宣誓效忠咁簡單都搞到進退失據,你話香港喺一眾冇意志冇靈魂嘅庸官掌控下,會有甚麼新氣象?  {#icono0_12}

拒宣誓仍享福利 廢政府管治無能

管治需要威信,更需要意志。觀乎政府管治公務員則「威信」和「意志」俱欠奉,你話有乜辦法公務員唔籠裏雞作反?呢,有退休高官領着長俸反政府,亦有一眾公務員喺黑暴期間「吃飯砸鍋」,而政府竟然冇佢哋符,香港唔亂至奇! {#icono0_41}

有道是「正不容邪,邪復妒正」,即係正氣不能包容邪氣,邪氣反過來也會攻擊正氣。依家公務員問題千瘡百孔,正正就是「邪復妒正」這種亂象!政府今年一月要求全體現職公務員喺4星期內宣誓或簽署聲明,以擁護《基本法》和效忠香港特區。喂!基本要求啫,如果唔認同政府和中央便不應該入職,既然入職簽個聲明有幾難? {#iconb_233}

之不過,公務員事務局局長聶德權日前表示,截至本月一日,有129名公務員不理會、拒絕簽署或交回聲明,除咗一人涉不當行為而被炒魷,有25人已離職或將會離職。道不同不相為謀,公僕拒宣誓效忠,離心離德已經寫在牆上,根本拒宣誓嘅129人,一個也不能再用!當時有議員關注被起訴嘅公務員是否仍可獲發薪金?聶局長指有關涉嫌參與反修例非法活動被捕嘅現職公務員,如果佢哋被警方落案起訴嘅話,仍然可以支取一半薪金。反政府被停職唔係即時停薪,仲可以支半薪,唔使返工生活優游,打政府工被譽為「鐵飯碗」,果然一啲都冇誇張! {#iconb_234}

嗱!尋日公務員及資助機構員工事務委員會召開會議,多名議員對當局處理公務員拒絕宣誓及簽署聲明提出質疑,譬如政府處理手法唔夠強硬,拒絕宣誓嘅公務員仍能領取相應退休福利,包括長俸及退休金,咁同亂花公帑冇乜分別,納稅人啲錢使得咁寃枉,唔㷫就假!功夫茶早前都講,明知你哋唔肯效忠,應該「拒簽即炒」,手起刀落,即時停職停薪,仲有乜可能福利照舊?慷納稅人之慨?認真豈有此理!

聶德權局長就照例廢噏一輪官腔,指現職公務員若拒絕宣誓,當局會對有關人員繼續履行公務員嘅職責失去信心,並考慮基於公眾利益而着令有關公務員退休喎!阿哥,既然提到考慮「公眾利益」,為何又冇提供有關被退休後公僕得到嘅金額?至於違法公務員被捕又如何跟進呢?聶局長就話或會終止聘用,又話「即使相關人士沒有被落案起訴,相關部門亦會衡量該人士是否值得信任」!如此用人,難怪廢柴都升官發財咯! {#iconb_227}

聶局長所言,功夫茶只感到佢「為官怕事」!要樹立管治新風,要講真話,要不怕得罪任何人,一味和稀泥,令人感覺唔到佢冇管治意志!更何況要撥亂反正,那就更需要建立威信。公務員架構積弊成廢咁多年,政府若依然唔嗲唔吊,連拒絕宣誓效忠咁簡單都搞到進退失據,你話香港喺一眾冇意志冇靈魂嘅庸官掌控下,會有甚麼新氣象?

功夫茶

https://orientaldaily.on.cc/cnt/news/20210420/00190_001.html