😊😊大元帥師傅給我的禮物🎁努力加油💪

c6，想學習提升估市能力，就要自己去印證元帥所寫的內容，去查証後，相關資料就會入晒腦，印象特別深刻，睇得多就會有股感，能提升估市準確度，齋睇元帥的分析會過眼雲煙，記唔住，亦不能提升股感

例如講美元美債，就去睇下當天的走勢圖，講亞太區股市全面上升，就去睇吓升幾多，講上証收跌，就去睇下上証點樣跌，原來係早市跌幅不大，午後開市急挫，睇完你就會明白為何港股午後大插，見上証尾市收窄跌幅，你就要思考為何港股不但冇跟住上，跌幅仲擴大並創即市新低

說VHSl恆指恐慌指數升，就去睇吓幅即市走勢圖，原來恆指創即市新低時，VHSl就創即市新高，即係好驚

影響股市的因素一環扣一環，上午下午過夜可以係天堂與地獄的分別，睇得多，以後當元帥唔寫收市總結，你自己都會識去揾資料，識得自己估市，唔知邊個網址可問我哋，去谷歌搜尋亦得

其實元帥初初炒股時水準和你一樣，都係一路炒一路問，一路學，論炒股知識及能力，其實水滴兄/裙兄/試兄/門兄都叻過元帥幾班，不過佢哋唔寫長篇大論的分析 ，你才誤以為元帥係估神，其實元帥好多方面都係也也烏，斷估，睇圖能力係低B班

上星期話冇時間日日寫文，但過去幾日都繼續捱夜寫，係想齊齊整整寫埋4月份