李我遺孀蕭湘憶相識經過 一手好文章成就播音員姻緣
2021/05/07 04:12:46 網誌分類: 生活
李我其中一個徒弟，係日後成為佢妻子嘅蕭湘。蕭湘昨早喺商台《晴朗一天出發》中對丈夫離世感到憂傷，形容丈夫喺廣播業嘅發展上佔有一席重要地位：「他無稿無劇本，桌上一張紙都無，入直播室關燈作『單人講述』，一個人扮八把聲，奶奶又得、小姐又得、小朋友又得……加上音效，當時都係只靠一把聲創作出來嘅。」
蕭湘話，佢當年加入電台，由於寫得一手好文章，獲李我重用，叫佢將播音內容抄寫成文，畀各大報章轉載，原來好多人錯過咗廣播，第二日會搵報紙嚟睇，所以李我嘅專欄亦紅透報界。
另外，蕭潮順亦喺社交平台發文悼念李我，話早年入錄音室用咗幾晚時間訪問李我，將佢生平所見所聞用聲音保存下來，當中涉及醫卜星相、梨園軼事、名人奇事，非常有趣，並結集成「好聲」社企嘅第一本有聲書。
Kelly Chu
■「播音天王」李我與妻子蕭湘。
■蕭潮順亦喺社交平台發文悼念李我。
回應 (0)
我要發表