河馬仔河馬仔
河馬仔河馬仔
河馬仔河馬仔

(河馬仔賽馬專欄)2021/05/08

2021/05/08 01:32:02 網誌分類: 賽馬
08 May

三季累績:- $299541


跑星期六,要盡快了,我快快點寫,今次就揀第7場三班1200米啦。

位置Q三馬膽
6「南莊之歌」當然未必有好多分在手,但上場本身跑泥地非其所長,但上次飛到外檔都仲識追,前一仗係缺課後復出邊有得同該場的「勝得威風」爭。今場唯獨唔太好係內檔跟前的馬唔少,但本身跑法有彈性,而且此駒在田草三班此程證明係可以勝望壓一,本身此程可能仲有少少分在手操練正常就要睇。

8「二話不說」當然有缺課問題,但奇怪在此駒上次報名乃4月25日的1400米賽事,但佢係延期加入份子,而該場正選已滿,佢其實都係此爭保護權多。當然停左兩三日係有點擔心,但又奇怪地咁快復課,仲要冇幾日又報名快跳。當然本身此駒班分已盡,但一用「熙」的7磅能力,基本上又可以去返當時三班同程走三疊氣走「至尊高陞」的同樣情況,而今次更不同係檔口比該次好好多,前一仗跑田草1200米起步留後就真係唔合跑法,而且本身班分已盡,望就望今季用埋呢次博埋呢次入一席啦。

9「超音鼠」雖然此駒細細粒粒又有點癲,但PP來得咁快都算少見,此駒在外地也好,香港也好都係一千唔好,但就肯定唔係留到最後追的馬匹,而此駒在愛爾蘭有表現的兩場皆是守中至前疊,而非上場咁起步留到尾一尾,仲要俾馬封足大半條直路,最後都係僅敗於「莫浪求」,今次只要轉彎肯走出去,應該會見得更多,而此駒一課谷閘都冇,可能真係有心在田草進軍,心思幾明確。

後備位置Q馬
11「大紅蜂」上場話佢贏「十二馬」雖然看似幾勁,但該場起步佢內檔肯力推的馬匹唔算多,而佢早早守到好好的二疊有遮擋位置,但本身入直路後冇乜跑錯全面贏面之下,都最後被擊退,而「十二馬」塞中大半條直路。今場內疊前置馬變多好多,佢本身間中有出閘問題,加個頭罩試泥閘都唔係出得好快,要估的事太多真係唔敢講。



其他馬匹
1「前風」預期有機會係呢個倉的鎮倉寶,可惜真係狀態唔足,本身在澳洲係跟前跑,而且實力在三歲有進,今場可能會有內檔近番一點快番一點,可以留意一下走勢。
2「樂滿貫」呢程看似最好,但近兩場好像隻馬頹到唔似樣得好緊要,晨操拍「好運寶馬」相當不起勁,隻馬真係唔知乜野事。
3「胆大威猛」雖然唔知係唔係又係送行好禮,但如以馬論馬而言,就算初出特佳都好,今季第兩仗其實自己領頭之下,放得甚馬,最後只是險勝基本冇乜分在手,而該場仲可以差點輸比14檔沿途三疊都唔斷之「都柏名駒」,本身此駒是否仲有分在手成疑,而且健康問題都多,疑問多多。
4「健康第一」外地名氣唔低,但本身此駒乃短直路中距離能手,而且唔多識追馬,上場谷草轉彎後就企係度,期待谷草1650米。
5「電源之駒」外地兩場跑的對手,幾奇怪地係有堆輸到甩哂似的,而佢本身看似出腳頗慢,而且仲係操落有點急,可能真係睇一睇穩陣點。
7「勝意龍」外地兩歲跑左7場,但在兩歲賽事都唔可以更上級際賽,上場真係輸到前面遠一遠,隻馬個頭都仲係唔鬆先弊。
10「都柏名駒」上場都冇乜籍口,早早有內檔仲轉到生位,但有哂位都比入面兩隻塞半條直路的「必長勝」「犀利時光」過哂,就算一檔都唔博,課草閘快開感覺都有點開始感到有點牽強。


(河馬仔賽馬專欄)2021/05/08真金投注紀錄
回應 (1)
我要發表
河馬仔河馬仔
河馬仔河馬仔 2021/05/09 00:20:10 回覆



2021/05/08「河馬仔賽馬專欄」,在一二哥之間揀大細注揀錯,就變成冇左好多張演唱會門票。

是日 : + $6008 - $18900 = - $12892

累績 : - $12892 - $299541 = - $312433

user

最新回應

河馬仔河馬仔
河馬仔河馬仔 2021/06/13



2021/06/13「河馬仔賽馬專欄」,今季都好冇乜機會輸少廿個樓下了。

是日 : + $1908 - $18900 = - $16992

累績 : - $16992 - $298033 = - $315025

河馬仔河馬仔
河馬仔河馬仔 2021/06/06


2021/06/06「河馬仔賽馬專欄」,揀冷馬失敗。

是日 : + $8692 - $18900 = - $10208

累績 : - $10208 - $287825 = - $298033
河馬仔河馬仔
河馬仔河馬仔 2021/05/30



2021/05/30「河馬仔賽馬專欄」,呢條中?H買大注就發達了,現在又只係執少少。

是日 : + $40358 - $18900 = - $21458

累績 : + $21458 - $309283 = - $287825

河馬仔河馬仔
河馬仔河馬仔 2021/05/23



2021/05/23「河馬仔賽馬專欄」,捉到隻大冷馬入圍都要輸錢。

是日 : + $13358 - $18900 = - $5542

累績 : - $5542 - $303741 = - $309283